18 Juni, 2010 - Imetolewa 23:00 GMT

Australia yaikatalia Ghana, 1-1

Ghana ilitoka sare 1-1 na Australia katika mechi ya Kundi D kwenye uwanja wa Royal Bafokeng mjini Rustenburg, licha ya Australia kuwa na wachezaji 10 baada ya Harry Kewell kuonyeshwa kadi nyekundu.

Matokeo hayo yameiweka Ghana katika hali tete ya kufuzu raundi ya pili ya Kombe la Dunia, ikisubiri mechi yake ya mwisho ya makundi dhidi ya Ujerumani, Jumatano ijayo.

Ujerumani ilishindwa na Serbia bao 1-0 siku ya Ijumaa, na njia pekee kwa timu hiyo kufuzu raundi ya pili ni kuishinda Ghana.

Ikiwa Ujerumani itaishinda Ghana siku ya Jumatano, nayo Serbia ipate ushindi dhidi ya Australia, basi Ghana itakuwa imeyaaga mashindano.

Kadi nyekundu

Harry Kewell alionyeshwa kadi nyekundu katika kipindi cha kwanza katika dakika ya 25 baada ya kuzuia kwa mkono shuti la Jonathan Mensah karibu na lango la Australia.

Pamoja na Kewell kuonyeshwa kadi nyekundu, refa kutoka Italia, Roberto Rossetti aliwapa Ghana penalti , ambayo Asmaoah Gyan alifunga.

Lilikuwa bao la kusawazisha baada ya Australia kutangulia kufunga katika dakika ya 11 kupitia mshambuliaji Brett Holman.

Katika mechi ya ufunguzi Australia ilikuwa imefungwa na Ujerumani 4-0.

Ghana walifanya mashambulizi ya mara kwa mara lakini umaliziaji wao ukawa mbaya.

Kuona matokeo live na msimamo wa makundi unatakiwa kuwezesha javascript.

BBC navigation

BBC © 2014 Ilani: BBC haihusiki na yaliyoandikwa na tovuti za nje ya BBC.

Ukurasa huu unaonekana vyema kwa kivinjari cha kisasa kikiwa na laha mtindo (CSS).Wakati unaweza kuona yaliyomo katika ukurasa huu kwa kivinjari ulichonacho, hautaweza kufaidi kuona kila kitu vizuri. Tafadhali zingatia uwezekano wa kuboresha progaramu ya kivinjari au kuwezesha laha mtindo (CSS) endapo unaweza kufanya hivyo.