Ligi ya soka England bado kitendawili

Matumaini ya Manchester United kunyakua taji la ubingwa wa Ligi ya Kandanda ya England yalitiwa doa wakati Everton ilipopigana kiume wakiwa nyuma ya mabao 4-2 na kumaliza mchezo kwa sare ya mabao 4-4 katika mpambano wa kusisimua hasa dakika za mwisho kwenye uwanja wa Old Trafford.

Haki miliki ya picha Getty
Image caption Marouane Fellaini aliyeongoza mashambulizi ya Everton

Wayne Rooney aliisawazishia Manchester United baada ya kuunganisha kwa kichwa pasi kutoka kwa Nani baada ya bao la kuongoza la Everton lililofungwa kwa na Nikica Jelavi.

Danny Welbeck na Nani waliipatia Manchester United mabao mawili kabla Marouane Fellaini kufunga bao moja jingine kwa Everton.

Rooney alionekana kuipatia ushindi Man United alipopachika bao la nne na muda mfupi baadae Everton wakacharuka na kupachika mabao mawili katika muda wa dakika tatu kupitia kwa Jelavic na Steven Pienaar.

Katika dakika za mwisho, Patrice Evra alipiga mpira wa kichwa uliogonga mlingoti wa lango la Everton akiwa karibu kabisa na baadae mlinda mlango wa Everton Tim Howard aliokoa kwa ustadi mkubwa mkwaju wa Rio Ferdinand na kuinyima ushindi Manchester United.

Manchester United hata hivyo bado wanaongoza Ligi Kuu ya England wakiwa na pointi 83.