Arsenal yajiandaa kuondoka kwa Walcot

Imebadilishwa: 29 Agosti, 2012 - Saa 15:47 GMT

Theo Walcott

Habari za kuaminika zasema kuwa klabu ya Arsenal inatathmini kumuuza mshambuliaji wake Theo Walcott kabla ya dirisha la usajili kufungwa mnamo siku ya Ijumaa.

Mchezaji huyo mwenye sifa ya kasi kwenye upande wa kulia wa uwanja ana mda wa mwaka mmoja kwenye mkataba wake na Arsenal.

Tangu aondoke aliyekuwa nahodha msimu uliopita, Robbin Van Persie, Walcot aliyesajiliwa kutoka klabu ya Southampton kwa kitita cha pauni milioni 9.1anaonekana kuwa aliyetetereshwa na kuondoka kwa nahodha huyo.

Theo Walcott

Habari hizi huenda zitawasumbua mashabiki wa klabu hio ya London ya kaskazini ingawa hadithi hii imeviamsha vilabu kama Liverpool na Man.City vinavyommezea mate na Arsenal itatazamia kutengeneza senti zaidi.

Shirika moja la habari za michezo limearifu kuwa Walcot amekataa mpango wa klabu hiyo wa pauni milioni 4 kwa kila mwaka na huenda akauzwa kabla ya kufungwa kwa dirisha siku ya Ijumaa.

Inaaminika kuwa Wacot anataka alipwe pauni 75,000 kwa kila wiki, katika mkataba mpya badala ya kuu wa sasa unaomalizika mwakani.

wALCOTT

Inaaminika kuwa kijana huyo mwenye umri wa miaka 23 alitaka malipo yake yapandishwe hadi pauni £100,000-kwa kila wiki au karibu na hizo na ikiwa atashindwa kuafikiana na Arsenal katika mda wa saa 48 huenda ukawa mwisho wa miaka yake sita na nusu akiichezea Arsenal.

BBC © 2014 Ilani: BBC haihusiki na yaliyoandikwa na tovuti za nje ya BBC.

Ukurasa huu unaonekana vyema kwa kivinjari cha kisasa kikiwa na laha mtindo (CSS).Wakati unaweza kuona yaliyomo katika ukurasa huu kwa kivinjari ulichonacho, hautaweza kufaidi kuona kila kitu vizuri. Tafadhali zingatia uwezekano wa kuboresha progaramu ya kivinjari au kuwezesha laha mtindo (CSS) endapo unaweza kufanya hivyo.