Arsenal yanyeshea Southampton

Imebadilishwa: 15 Septemba, 2012 - Saa 16:36 GMT

Arsenal 6-1 Southamton

Ni furaha baada ya kuipa Arsenal bao

Arsenal ilionyesha mchezo safi uliojaa mashambulizi na kuwafanya wapate mabao matatu katika dakika saba ya kipindi cha kwanza wa mechi kati yao na Southampton.

Jos Hooiveld wa Southampton aliipatia Arsenal bao la kwanza baada ya kujifunga mwenyewe kabla ya Lukas Podolski kuvurumisha mkwaju mkali toka umbali wa yadi 25 na kufanya mambo kuwa 2-0.

Kiungu Gervinho aliwapa vijana wa Arsene Wenger bao la tatu kabla ya Nathaniel Clyne wa Southampton kujifunga mwenyewe.

Hata hivyo Danny Fox alijitahidi na kuwapa wagine bao la kufutia machozi.

Baada ya kutoka mapumzikoni, mwamba Gervinho aliipa Arsenal bao la tano kabla ya Theo Walcott kufunga la sita mara tu baada ya kuingizwa uwanjani.

Licha ya kucheza mechi nne Southampton hadi sasa bado haijapata pointi yeyote na inavuta mkia katika ligi hiyo ya Uingereza.

Taarifa zinazohusiana

BBC © 2014 Ilani: BBC haihusiki na yaliyoandikwa na tovuti za nje ya BBC.

Ukurasa huu unaonekana vyema kwa kivinjari cha kisasa kikiwa na laha mtindo (CSS).Wakati unaweza kuona yaliyomo katika ukurasa huu kwa kivinjari ulichonacho, hautaweza kufaidi kuona kila kitu vizuri. Tafadhali zingatia uwezekano wa kuboresha progaramu ya kivinjari au kuwezesha laha mtindo (CSS) endapo unaweza kufanya hivyo.