Uhispania yaiaga kombe la dunia.

Haki miliki ya picha Getty
Image caption Uhispania yaiaga kombe la dunia Brazil.

Mabingwa watetezi wa kombe la dunia, Uhispania wameondolewa kutoka kwenye mchuano ya kombe la dunia mwaka 2014, huko Brazil baada ya kushindwa mabao 2-0 na timu ya Chile.

Matokeo hayo yaliiwacha mabingwa hao watetezi wakiwa wa mwisho na bila alama yote katika kundi B.

Chile pamoja na Uholanzi wanafuzu katika raundi ya pili.

Kufuatia ushindi huu wa mabao 2-0 mikononi mwa Chile mabingwa watetezi wa kombe la dunia Uhispania sasa wamehakiki tikiti za ndege kurejea nyumbani pamoja na Australia .

Hii ni baada ya Uholanzi kushinda mechi yake ya pili na kuongoza kundi B ikiwa na alama 6 sawa na Chile.

Chile na Uholanzi hata hivyo zitakutana katika mechi ya kuamua yupi kati yao ataongoza kundi hilo.

Mshindi wa pili katika kundi B atachuana na bingwa katika kundi A inayojumuisha wenyeji Brazil na washindi wa pili katika kundi hilo Mexico.

Kwa upande wao Uhispania ambao sasa wamefungwa jumla ya mabao 7 watachuana na Australia katika mechi ambayo haitakuwa na umuhimu wowote .

Haki miliki ya picha Getty
Image caption Uhispania wanakodolea jicho safari ya kurudi nyumbani

Uholanzi waliishinda Uhispania kwa mabao 5-1, katika mechi ya kwanza, na baada ya mechi hii ya pili, Uhispania wanabakia bila ushindi wowote wakiwa wamefungwa mabao saba katika michuano miwili ya kombe la dunia mwaka 2014.

Hii ndio mara ya kwanza janga kama hili kuifanyikia timu ya Uhispania katika michuano ya soka ya kombe la dunia.

Chile walikua na nafasi mbili za kufunga mabao kabla hata mechi hiyo kuchukua dakika mbili.

Alexis Sanchez alianza mashambulizi ya Chile na kuisumbua safu ya ulinzi ya Uhispania.

Pasi yake safi ilimpata Eduardo Vargas ambaye shuti lake lilitoka nje baada ya kuguswa na mchezaji wa Uhispania.

Sergio Busquets alishindwa kuidhibiti kona iliyofwatia naye Gonzalo Jara akawa karibu na kuugonga mpira kwa kichwa ambao ulitoka nje hatua chache tu nje ya lango.

Uhispania ilikua imeishinda Chile matatu kwa moja katika michuano yao kumi ya awali, bila kushindwa.

Hata hivyo, timu hiyo ya mkufunzi Jorge Sampaoli, iliwapa wachile bao ambalo hata wahispania wenyewe wangependezwa nalo.

Sanchez na Arturo Vidal walipenya katika kiungo cha kati cha Uhispaniana kumpa pasi Charles Aranguiz katika eneo la hatari la Uhispania.

Haki miliki ya picha BBC World Service
Image caption Huzuni miongoni mwa mashabiki wa Uhispania

Bao hili bila shaka linafaa kuwa bao zuri la ushirikiano baina ya wachezaji wa timu, katika michuano hii.

Alonso na Diego Costa walijaribu kushambulia ila mashambulizi yao hayakufua dafu kuiokoa hali ya kutatanisha ya La Furia Roja.

Matarajio ya mashabiki wa Uhispania yalizidi kudidimia wachezaji wa Chile walivyozidi kuwazuia vijana wa kikosi cha Vincente Del Bosque.

Kwa kiutani, wachezaji wa Chile walionekana kuiga mtindo mzuri wa pasi wa wahispania TIKI-TAKA na pia kuhakikisha wahispania hawauupati mpira.

Kosa la Xabi Alonso lilisababisha kufungwa kwa bao la pili.

Mkwaju wa Sanchez ulitemwa na Casillas na ukamrudia Aranguiz ambaye hakusita kuurudisha kimiani .

Costa angeweza kufunga bao baada ya muda wa mapumziko alipopewa pasi na Andres Iniesta na kumwacha akiwa moja kwa moja na kipa wa Chile Claudio Bravo.

Costa alishindwa kuudhibiti mpira na ukachukuliwa na Mauricio Isla.

Sergio Busquets na Sergio Ramos walifanya mashambulizi mengine lakini ulinzi wa Chile ulilidhibiti lango lao.

Chile walionekana kuchoka katika dakika za mwisho za mechi hiyo, hata hivyo waliweza kuhimili mashambulizi ya wahispania na kuisumbua safu ya ulinzi ya wahispania pia.

23:54 Mechi imekamilika Uhispania 0-2 Chile

23:49 Dakika 6 za ziada zitachezwa kuamua iwapo Uhispania wataiacha kombe la dunia Brazil na kurejea nyumbani mapema

23:49 Uhispania 0-2 Chile

23:48 Dakika 3 za mwisho matokeo bado ni yaleyale ya kipindi cha kwanza

23:47 Bravo anaudaka bila wasiwasi

23:47 Freekick Kuelekea lango la Chile.

23:43 Iniesta anamlazimu Bravo kuutema nje mkwaju wake na ni Kona kuelekea Chile

23:42 Australia na Uhispania hawajashinda mechi yeyote Brazil 2014

23:41Kufuatia matokeo ya mechi iliyotangulia Uholanzi inaongoza kundi B ikiwa na alama 6 huku Chile ikiwa na alama sawa na hizo

23:40 Uhispania inachini ya dakika 10 sasa kufunga mabao mawili amawajipange kuabiri ndege ya kurejea nyumbani

23:30 Mwaka wa 2010 Italia walitua Afrika Kusini lakini wakashindwa katika hatua ya makundi

23:29 Mabingwa wa tiki taka wanafunzwa mfumo mpya wa soka na Chile

23:26 Andrés Iniesta anakosa kuitumia ipasavyo nafasi hiyo

23:26 Freekick Francisco Silva (Chile).

23:23 Fernando Torres anaingia , Diego Costa anapumzishwa

23:19 Fernando Torres anajianda kuingia kocha Del Bosque akitafuta uokozi katika mechi hii zikiwa zimesalia dakika 30 pekee ya mechi hii

23:16 Uhispania 0-2 Chile 56''

23:15 Uhispania wanakodolea jicho safari ya kurudi nyumbaniiwapo mechi hii itamalizika hivi ilivyo

23:12 Sergio Ramos anapoteza nafasi ya kuinusuru dau lao anapopiga nje mpira

23:12 Freekick kuelekea lango la Chile

23:11 Koke anaangushwa mbele ya lango

23:10 Mauricio Isla anaupoteza mpira huku Uhispania ikifanya mashambulizi.

23:08 Diego Costa anakosa nafasi mbele ya lango la Chile inakuwa Kona lakini inazuiliwa na safu ya ulinzi ya Chile

23:04 Kipindi cha pili kinaanza katika mechi hii ya kihistoria kati ya Chile na Mabingwa watetezi Uhispania

23:03 Koke anajiandaa kuingia katika ile nafasi iliyokuwa imechukuliwa na Xavi Alonso

22:45 Hii ndiyo itayokuwa mara ya kwanza kwa bingwa mtetezi kushindwa katika mechi mbili za kwanza za kombe la dunia .

Haki miliki ya picha Getty
Image caption Vargas akishangilia kuilaza Uhispania

22:45 Iwapo mechi hii itakamilika ilivyo sasa ,Uhispania watakuwa hawana budi ila kuelekea nyumbani

22:45 Kipindi cha kwanza kimekamilika.

22;44 UHISPANIA 0-2 CHILE

22:44 Uhispania inafungwa bao la pili kutokana na mkwaju wa Charles Aranguiz

22:43 GOOOOOOOAL

22:42FREEKICK kuelekea upande wa Uhispania unatemwa na Cassilas

22:42 Mechi hii inachezewa katika nusu ya Uhispania huku chile ikiendeleza mashambulizi

22:40 Xavi Alonso anaoneshwa kadi ya njano baada ya kumchezea visivyo Isla

22:31 Iniesta anaupoteza mpira na sasa ni Freekick kwa upande wa Chile ambayo inachukuliwa kwa haraka .

22:30 Freekick kuelekea kwa lango la Chile

22:28 Refarii Mark Geiger anatoa kadi yake ya kwanza ya njano katika mechi hii kwa Vidal

22:27 Chile wanaanza nipe nikupe kati ya Sanchez na Mena

22:26 Diego Costa anafyatua mkwaju unaogonge upande wa nje wa neti

22:26 Kipa wa Uhispania Iker Cassillas awazomea walinzi wake kwa kuruhusu mashambulizi .

Haki miliki ya picha Getty
Image caption Kocha wa Uhispania Del Bosque

22:20 Eduardo Vargaz aipatia Chile bao muhimu dhidi ya mabingwa watetezi

22:19 Chile wanapata bao lao la kwanza kupitia kwa Vargaz dakika ya 19

22:19 GOOOOOOOAL

22:18 Chile inaendelea na mashambulizi kuelekea a Uhispania Bado mechi hii haijatulia

22:16 Goalkick kuelekea lango la Uhispania

22:14 Alonso anapoteza nafasi ambayo ni ya ana kwa ana na kipa wa Chile Bravo

22:13 Alonso anaupoteza mpira na kuonekana kumkera Del Bosque

22:13 Freekick Kuelekea lango la Chile inayopigwa na Alonso.

22:04 Kiti cha Kocha wa Uhispania Del Bosque kimekuwa moto tayari

22:03 Iker Cassillas anajikakamua na kuudaka bila wasiwasi.

22:02 KONA. kuelekea upande wa Uhispania

22:02 Mpira umeanza na Chile wanafanya shambulizi la mapema ambalo Alonso na Uhispania hawana jibu inakuwa ni Kona.

Haki miliki ya picha Getty
Image caption Uhispania ililazwa 5-1 na Uholanzi katika mechi yao ya kwanza

21:55 wimbo wa taifa wa uhispania unachezwa sasa .

21:50 Timu zinaingia uwanjani sasa

21:48 Australia imefungwa mabao matatu huku Uhispania ikiwa imefungwa mabao manne.

21:48 Chile ni ya pili ikiwa na alama tatu huku Australia licha ya kushindwa katika mechi mbili ikiwa ya tatu kutokana na uchache wa mabao.

21:48 Uholanzi inaongoza kundi B ikiwa na jumla ya alama 6.

21:47 Australia imeshindwa katika mechi ya pili dhidi ya Uholanzi mabao 3-2

21:46 Timu ya Chile ilishinda mechi yake ya kwanza dhidi ya Australia 3-1

Haki miliki ya picha AFP
Image caption Uhispania inatufuta ushindi wa kwanza katika kombe la dunia Brazil.

21:45 Uhispania ililazwa mabao 5-1 na Uholanzi katika mechi yao ya ufunguzi.

21:45 Mabingwa watetezi Uhispania wanatafuta ushindi dhidi ya Chile baada ya kushindwa na Uholanzi katika mechi yao ya kwanza ya kombe la dunia Brazil.