Wasifu wa Yaya Toure

Huwezi kusikiliza tena

Ndoto ya mchezaji wa Ivory Coast na Manchester Yaya Toure hatimaye ilitimia mwaka 2015, jaribio la sita, alipolinyanyua Kombe la Taifa Bingwa Afrika.

Baada ya kushindwa kwenye fainali 2006 na 2012, mara zote mbili kwa mikwaju ya penalti, Ndovu hao wa Ivory Coast walishinda kwa mikwaju ya penalti.

Waliishinda Ghana kwa matuta hayo baada ya fainali kuisha sare tasa, Toure akifungwa mkwaju wake.

Yaya alikuwa kijana mdogo mwenye umri wa miaka minane tu wakati Ivory Coast waliposhinda Kombe la Taifa Bingwa Afrika mara ya kwanza 1982. Mwanasoka huyu hodari sasa aliwaongoza kushinda kombe hilo mara ya pili, akiwa nahodha wao.

Ilikuwa ni ushindi zawadi mwafaka kwa mmoja wa wachezaji bora zaidi wa kandanda kuwahi kutoka Afrika na idhinisho kwa kizazi cha wachezaji ambacho kilikuwa na uwezo mkubwa.

"Tangu mwaka wa 2006, watu walikuwa wakisema kuwa Ivory Coast ni timu bora lakini hatukufanikiwa,” Toure ambaye aliweza kushirikishwa kwa mara ya tatu kwenye timu bora ya dimba, aliiambia BBC Sport.

"Mwaka 2015 ulikuwa mwaka mzuri sana kwa sababu tulikuwa pamoja na kakangu (Kolo), na kuyanyua kombe kama nahodha, kulinifurahisha zaidi

Akiwa na mchezo wake imara kama kawaida, Toure aliwatia moyo wenzake, akawaongoza kutoka safu ya kati na kutoa kombora kali wakati wa nusu fainali dhidi ya DR Congo.

Baada ya kurejea Abidjan kwa shangwe kama washindi, ni mshindi huyu tuzo ya BBC ya mwanakandanda bora wa Afrika wa mwaka 2013 aliyepewa jukumu la kutua na kombe kutoka uwanja wa ndege, kiongozi wa timu iliyokuwa imempoteza Didier Drogba aliyestaafu miezi michache awali.

Huku kombe hilo likiendelea kuonyesha zaidi mchango wake kwa taifa, lilisisitiza umuhimu wake kwa klabu yake.

Kabla ya kuondoka kushiriki fainali za kombe hilo, City walikuwa wameshikila nafasi ya kwanza katika ligi ya Uingereza, Toure akiwa ameshirki katika michezo tisa na kuwasaidia kushinda michezo yote tisa.

Bila yeye, miamba hawa wa Manchester hawakuweza kushinda mechi tano zilizofuata, wakateleza katika kinyang’anyiro chao cha kusaka taji la Ligi ya Premia na pia wakabanduliwa Kombe la FA.

Walimaliza msimu wa 2014/2015 bila kikombe chochote, na licha ya kukosa ligi miezi miwili akishiriki Kombe la Taifa Bingwa Afrika, raia huyo wa Ivory Coast alikuwa mmoja wa wachezaji watatu pekee waliofunga mabao 10 na zaidi (wengine wakiwa Sergio Aguero na David Silva)

Mchezaji huyu wa umri wa miaka 32 alianza msimu huu vyema hata zaidi, akiongoza City kutulia kileleni na kuanza kila mechi ya Ligi ya Klabu Bingwa Ulaya na mwishowe klabu hiyo ikafika hatua ya makundi.

Oktoba, alifanikiwa kuwa miongoni mwa walioteuliwa kuwania tuzo ya Fifa Ballon d’Or, inayotambua mchezaji bora wa mwaka, kwa mwaka wa nne mtawalia. Kwa miaka mitatu iliyopita, amekuwa ndiye Mwafrika pekee kwenye orodha hiyo.

Hili wa kiasi kikubwa ni kwa sababu Toure ni mchezaji mzuri sana, mara nyingi huwa anaonekana kama mtu mzima akishindana na watoto uwanjani, anavyocheza kwa urahisi dhidi ya wapinzani wake na kusonga na mpira.

City ilikuwa haijashinda kombe lolote kwa karne nne kabla ya mchezaji huyo wa zamani wa Barcelona kujiunga nao mwaka 2010. Tangu wakati huo, wameshinda mataji mawili ya Ligi ya Premia, Kombe la Ligi na wamekuwa wakicheza soka ya Ligi ya Klabu Bingwa Ulaya.

-------------------------------------------------------------------------------------

UCHAMBUZI WA MTAALAMU – Oluwashina Okeleji, BBC African Sport:

Yaya Touré sasa ameteuliwa kuwania Tuzo ya BBC ya Mwanakandanda Bora wa Afrika wa Mwaka, aliyoishinda 2013, kwa mara saba. Anachukuliwa kama mmoja wa wachezaji nyota zaidi wa kizazi chake safu ya kati, na kwa mara nyingine amedhihirisha thamani yake kwa klabu na taifa 2015.

Toure ni kigogo anayeweza kuwabwaga wapinzani wake kwa kutumia nguvu na kujitolea na amezoea kushinda. Februari, aliongoza Ivory Coast akiwa nahodha kushinda Kombe la Taifa Bingwa Afrika. Baada ya kutamba katika dimba za awali, mwaka huu alifanikiwa.

Ndiye Mwafrika pekee aliye wenye orodha ya wachezaji 23 walioteuliwa kuwania tuzo ya Fifa ya Mchezaji Bora wa Mwaka Duniani na ni wachache sana wanaweza kupinga kwamba ndiye mchezaji nyota zaidi Afrika kwa sasa. Ndio maana raia huyu wa Ivory Coast anafaa kuwa Mwanakandanda Bora wa Afrika wa Mwaka wa BBC kwa mara ya pili.

Walioshinda Tuzo ya Mwanakandanda Bora wa Afrika wa Mwaka kwa miaka iliyotangulia ni:

Yacine Brahimi (2014);

Yaya Touré (2013);

Christopher Katongo (2012);

André Ayew (2011);

Asamoah Gyan (2010).