Mabingwa Chelsea watangaza hasara

Image caption Mabingwa Chelsea watangaza hasara

Licha ya kuibuka mshindi wa ligi kuu ya Uingereza msimu uliopita ,Chelsea iliandikisha hasara ya dola milioni $34.9m .

Kwa mujibu wa vitabu vya hesabu vilivyowasilishwa kwa mahasibu zianazofuatia makubaliano ya usawa wa fedha katika kandanda

Financial Fair Play (FFP), Chelsea inayomilikiwa na bwenyenye mrusi Roman Abramovich ilitangaza mapato ya pauni milioni £314.3m, ikiwa ni hasara ya takriban pauni milioni 23.1 ikilinganishwa na mwaka wa 2013-14 ilipotangaza faida ya pauni milioni £319.8m.

Matokeo hayo bila shaka yataibua maswali mengi kufuatia mwanzo mbaya katika ligi ya msimu huu ambapo the Blues wamesalia katika nafasi ya 15 .

Image caption Bwenyenye mrusi Roman Abramovich mmiliki wa Chelsea

Pia wadadisi wanahoji iwapo tangazo hilo litaibua wasiwasi kuhusu ushiriki wa Chelsea katika kombe la mabingwa barani Ulaya msimu huu.

Yamkini hasara hiyo ilitokana na kushindwa kwa klabu hiyo katika mkondo wa kwanza wa ligi ya mabingwa msimu uliopita naParis Saint-Germain.

Chelsea ilitangaza faida kubwa zaidi ya pauni milioni 18.4 mwezi Novemba 2014 ya kwanza ya kiasi kama hicho kuwahi kutangazwa tangu bwenyenye huyo mrusi kukinunua klabu hicho mwaka wa 2003.

Haki miliki ya picha AFP
Image caption Chelsea imekuwa na mwanzo mbaya katika ligi ya EPL msimu huu ambapo the Blues wamesalia katika nafasi ya 15

Hayo ni ndwele, Chelsea inasema kuwa inatarajia kutangaza faida msimu huu baada ya kuandikisha mkataba wa pauni milioni 40 na kampuni ya kutengeneza magurudumu ya Yokohama.

Mwenyekiti wa Chelsea Bruce Buck ametangaza kuwa kuimarika kwa mgao wa fedha kwa vilabu vinavyoshiriki ligi ya mabingwa unatarajiwa kuisaidia The blues kupata faida msimu huu.