Everton yatoshana nguvu na Crystal Palace

Lukaku Haki miliki ya picha z
Image caption Lukaku alisawazishia Everton

Ligi Kuu ya soka ya England iliendeela tena jana usiku kwa mchezo mmoja katika dimba la Goodson Park ambapo Wenyeji Everton waliwaalika Crystal Palace na kutoka sare ya bao 1-1.

Dakika ya 76 ya mchezo Scott Dann aliifungia Palace bao na baadaye Everton ikafanikiwa kusawazisha kupitia kwa Romelu Lukaku ikiwa ni dakika ya 81 likiwa ni bao lake la 50 katika mechi 100 ndani ya klabu ya Everton.

Kwa matokeo hayo Crystal Palace sasa imekwea hadi nafasi ya 6, wakiwa na Pointi 23, na Everton wakiwa Nafasi ya 9 wakiwa na pointi 22 .

Ligi hiyo inatarajia kuendelea tena Jumamosi Desemba 12 kwa michezo kadhaa ambapo Norwich itawaalika Everton, Crystal Palace watakuwa wenyeji wa Southampton, Man City dhidi ya Swansea, Sunderland itaikabili Watford, West Ham watawaalika Stoke na Bournemouth watakuwa wenyeji wa Manchester United.