Watoto 18 wafariki China

Imebadilishwa: 5 Oktoba, 2012 - Saa 10:22 GMT

Maafisa wa utawala nchini China, wameanzisha uchunguzi wa vifo vya watoto 18 wa shule moja ya msingi nchini humo.

Watoto hao walifukiwa na vifusi baada ya maporomoko ya ardhi kutokea Kusini Magharibi mwa nchi.

Meya wa mji wa Shaotong, Liu Jianhua, alisema kuwa uchunguzi unafanywa kubaini ikiwa kuna mtu wa kulaumiwa kwa tukio hilo.

Waokoaji wameweza kupata mwili wa mwisho kutoka kwenye vifusi hivyo.

Watoto walikuwa wakitumia madarasa yaliyokuwa yamekodiwa kutoka kwa shule jirani kwa lengo la kufanya masomo ya ziada wakati wa kipindi cha likizo.

Shule yao iliharibiwa kufuatia tetemeko la ardhi mwezi jana.

Taarifa zinazohusiana

BBC © 2014 Ilani: BBC haihusiki na yaliyoandikwa na tovuti za nje ya BBC.

Ukurasa huu unaonekana vyema kwa kivinjari cha kisasa kikiwa na laha mtindo (CSS).Wakati unaweza kuona yaliyomo katika ukurasa huu kwa kivinjari ulichonacho, hautaweza kufaidi kuona kila kitu vizuri. Tafadhali zingatia uwezekano wa kuboresha progaramu ya kivinjari au kuwezesha laha mtindo (CSS) endapo unaweza kufanya hivyo.