Ebola

  1. DR Congo yatangaza kutokomezwa kwa mlipuko wa Ebola

    Jamhuri ya Kidemokrasia ya Congo imetangaza kutokomezwa kwa mlipuko wa hivi karibuni wa ugonjwa wa Ebola uliosababisha vifo vya watu sita.

    Tangazo hilo linakuja miezi mitatu baada ya ugonjwa huo kuripotiwa kuibuka tena huko Kivu Kaskazini mashariki mwa nchi hiyo.

    Shirika la Afya Dunia (WHO) limeangazia tangazo hilo katika Twitter yake Jumatatu.

    Muda mfupi uliopita DRC ilipongezwa na Mkurugenzi wa WHO kanda ya Afrika Dr. Matshidiso Moeti

    View more on twitter

    Katika taarifa shirika la watoto la Umoja wa Mataifa Unicef limesema hatua ya haraka iliyochukuliwa na serikali na washirika wake ilisaidia kudhibiti mlipuko.

    Lilisema kuwa huo ulikuwa mlipuko wa tatu wa Ebola kukumba nchi hiyo chini ya mwaka mmoja.

    Kabla ya kuanza kwa mlipuko huo Februarui 7, nchi hiyo ilikuwa imetangaza kumalizika kwa ule wa 11 uliosababisha vifo vya wati 55 kati ya visa 130 vya maambukizi vilivyothibitishwa kwa karibu miezi sita.

  2. Chanjo ya Ebola yawasili Guinea

    Chango ya Ebola

    Ndege maalum iliyobeba shehena ya chanjo ya Ebola imewasili nchini Guinea usiku wa Jumatatu.

    Dhoruba ya vumbi iliyokumba eneo la Sahara siku ya Jumapili ililazimisha ndege hiyo kuelekezwa Senegal, hali iliyochelewesha kutolewa kwa chanjo kwa siku moja.

    Shughuli ya kutoa chanjo itaanza kufanyika katika mji mkuu wa Guinea, Conakry, hivi leo.

    Shehena ya Chanjo ya Ebola

    Dozi 11,000 ya chanjo hiyo zitapelekwa mji wa Nzérékoré kusini mashariki mwa nchi hiyo.

    Watu watano wamefariki hivi karibuni kutokana na Ebola.

    Huu ni mlipuko wa kwanza wa ugonjwa huo hatari Afrika Magharibi tangu mwaka 2016.

    Maelezo zaidi: