Congo Brazzaville

  1. Rais Denis Sassou-Nguesso wa Jamhuri ya Congo (Brazzaville)

    Rais Denis Sassou-Nguesso wa Jamhuri ya Congo (Brazzaville) ametangazwa mshindi wa uchaguzi wa Rais uliofanyika Jumapili Machi 20. Tume huru ya uchaguzi ilisema kiongozi huyo amejinyakulia asilimia 88 ya kura, akimuacha mbali mgombea mkuu wa mpinzani Guy-Brice Parfait Kolelas akiwa na asilimia 7.84.

    Soma Zaidi
    next
  2. Uchunguzi kuhusu kifo cha mpinzani wa Denis Sassou Nguesso kuanza

    Ofisi ya mwendesha mashtaka ya Bobigny nchini Ufaransa imetangaza kuanza uchunguzi kuhusu chanzo cha kifo cha mpinzani wa Congo,Guy Brice Parfait Kolelas.

    Kwa mujibu wa mamlaka za Congo alikutwa na maambukizi ya Covid 19 siku ya Ijumaa,juma lililopita.

    Guy Brice Parfait Kolelas alikuwa mgombea wa nafasi ya urais siku ya Jumapili, Machi 21.

    Guy Brice Parfait Kolelas, 61, alipoteza maisha siku ya Jumapili kwenye ndege ya matibabu iliyompeleka jijini Paris, kwa mujibu wa Mkurugenzi wa kampeni Christian Cyr Rodrigue Mayanda .

    Kwa mujibu wa taarifa ya kwanza iliyotolewa na mamlaka za Congo, Guy Brice Parfait Kolélas, alikutwa na maambukizi ya virusi vya corona, alipokuwa akilalamika kuugua malaria.

    Alilazwa hospitalini Brazzaville, hali yake ikielezwa kuwa mbaya sana Jumamosi, alichapisha video akiwa kwenye kitanda akisema kwamba alikuwa akipambana na kifo.

    Ofisi ya mwendesha mashtaka wa Bobigny huko Ufaransa ilitangaza kuanza uchunguzi wa jinai juu ya sababu za kifo cha mpinzani ambaye mwili wake bado haujarejeshwa.

    Guy Brice Parfait Kolelas ndiye aliyekuwa mpinzani mkubwa wa Denis Sassou Nguesso wakati wa uchaguzi wa urais wa Machi 21.

  3. Covid-19: Congo yaondoa kafyu

    Jamhuri ya Congo imeondoa kafyu ya kitaifa iliyokuwa imeweka katika maeneo 10 ma kulegeza masharti ya kudhibiti kuenea kwa maambukizi ya virusi vya corona katika miji miwili mikubwa.

    Muda wa kafyu sasa utakuwa kati ya saa tano usiku hadi saa kumi na mbili asubuhi (majira ya Afrka ya kati) katika mji wa Pointe Noire na mji kuu wa Brazzaville.

    Tangu mwezi Machi tarehe 14,nchi hiyo imethibitisha kuwa na watu karibu 5,000 wanaougua Covid-19.

    Makundi kadhaa ya kutetea haki hivi karibuni yaliomba serikali kuondoa kafyuyakisema kuwa hali hiyo imechangia ukosefu wa.