Utawala na Sheria

Imepakiwa mnamo 6:44 20 Septemba 2021
Hukumu dhidi ya Rusesabagina kutolewa leo Rwanda
Copyright: BBC
Mahakama mjini Kigali leo inataraji kutoa hukumu yake dhidi ya Paul Rusesabagina, mkosoaji mkuu wa serikali ya Rwanda.
Yeye na washirika wenzake 20, watuhumiwa kwa ugaidi ambao unaunahusiana wa mashambulio yaliyofanywa na kundi la waasi la MRCD- FLN dhidi ya Rwanda miaka ya 2018 na 2019.
Waendesha mashtaka waliomba hukumu ya kifungo cha maisha jela dhidi ya Rusesabagina aliyejitoa katika kesi hiyo mara tu ilipoanza kusikilizwa kwa madai kuwa hawezi kupata haki katika mahakama za Rwanda.
Juhudi za Bwana Paul Rusesabagina ambaye ni mwanahotelia wa zamani zilisaidia kuwaokoa zaidi ya watu 1200 wakati wa mauaji ya kimbari nchini humo ziliangaziwa katika filamu ya Marekani, Baadaye alikuwa mkosoaji wa serikali ya Rais Paul Kagame.
Aliishia kushtakiwa na kufungwa nchini Rwanda baada ya kudaiwa kutekwa mjini Dubai. Rwanda imekanusha kumteka.
Binti yake Carine Karimba ameiambia BBC kwamba hawatarajii haki yoyote kutoka kwa mfumo wa haki wa Rwanda.
"Tunajua kwamba baba yangu atapatikana na hatia... Hatuna matumaini yoyotekatika mfumo wa haki wa Rwanda...Matumaini yetu yako katika haki ya kimataifa, jamii ya kimataifa," alisema.
"Baba yangu hakutendewa haki. Haki zote za kimsingi za babangu yangu...Tulijua kuwa hakutakuwa na kesi ya haki kwa baba yangu na sasa ulimwengu unajua pia, "aliongeza.
- Paul Rusesabagina: Rwanda yakiri kuwa 'iliilipa ' ndege iliyomtoa Dubai na kumpeleka Kigali, bila kujua
- Watoto wa Rusesabagina wadai baba yao anaamriwa cha kuzungumza na kuwa alikataliwa kuwa na wanasheria huru
Article share tools
Imepakiwa mnamo 7:16 18 Septemba 2021
Abdelaziz Bouteflika:Rais asiyezungumza
Rais wa Algeria amekua akionekana kwa nadra tangu alipopata ugonjwa wa kiharusi mwaka 2013.
Soma Zaidi
Article share tools

Imepakiwa mnamo 11:56 12 Septemba 2021
'Mapambano yangu ya miaka 26 kuthibitisha sina hatia'
Video content
Video caption: Dontae Sharpe: 'Mapambano yangu ya miaka 26-kuthibitisha sina hatia'
Lakini kuthibitisha kuwa hana makosa ilikuwa hatua ya kwanza kuelekea uhuru wa kweli.
Article share tools
Imepakiwa mnamo 14:03 3 Septemba 2021
Mtu aliyejifanya Makamu wa Rais wa Zimbabwe akamatwa baada ya kutibiwa
Copyright: AFP
Image caption: Mtu huyo anayetuhumiwa kuwa mlaghai kwa kujifanya kuwa Makamu wa Rais Constantino Chiwenga, aliyeonekana hapa kwenye sherehe yake ya kuapishwa mnamo 2018
Mwanamume mmoja raia wa Zimbabwe ameshtakiwa kwa ulaghai baada ya kujifanya Makamuwa rais wa nchi hiyo na kupata huduma ya matibabu bila malipo.
Mahakama katika mji mkuu wa Harare, alifahamishwa kuwa Marlon Katiyo, 35, alitembelea hospitali mbili mara kadhaa mwezi uliopita kupata matibabu ya maumivu ya kichwa akisema kwamba alikuwa, Makamu wa Rais Constantino Chiwenga.
Bwana Katiyo, amabye hajatoa tamko lolote kuhusiana mashtaka hayo alipewa matibabu ya bure.
Ombi la dhamana alilowasilisha linatarajiwa kusikizwa siku ya Ijumaa.
Article share tools
Imepakiwa mnamo 13:32 3 Septemba 2021
Uamuzi wa mapingamizi ya Mbowe na wenzake kutolewa Jumatatu
Eagan Salla
BBC Swahili, Dar es Salaam
Copyright: Stringer
Mahakama Kuu ya Tanzania kitengo cha makosa ya rushwa na uhujumu uchumi inatarajiwa kutoa maamuzi juu ya mapingamizi yaliyowasilishwa na upande wa utetezi juu usahihi wa hati ya mashitaka.
Jopo la mawakilii wanaomtetea Mbowe na wenzake liliweka mapingamizi hayo na kuitaka mahakama kujiridhisha kabla hatua nyingine yoyote.
Jaji Elinezer Luvanda ameahirisha shauri hilo hadi siku ya Jumatatu Septemba tarehe sita atakapotoa maamuzi juu ya mapingamizi hayo ya upande wa utetezi baada ya kusikiliza ushahidi, hoja za upande wa serikali na kutaka muda wa kujiridhisha kabla ya kutoa maamuzi.
Mbowe na wenzaje wanashitakiwa kwa makosa ya uhujumu uchumi, ugaidi na kupanga njama za kuwadhuru viongozi wa serikali akiwemo aliyekuwa mkuu wa wilaya ya Hai Lengai Ole Sabaya.
Mwenyekiti huyo wa chama kikuu cha upinzani nchini Tanzania anashikiliwa tangu mwezi Julai baada ya kukamatwa jijini Mwanza ambako alikuwa akiratibu kongamano la kudai katiba mpya.
Maelezo zaidi:
- Mahojiano Maalum na Rais Samia: Mashtaka dhidi ya Mbowe hayajachochewa kisiasa
- Freeman Mbowe: Bingwa wa mikakati ya siasa za upinzani anayewanyima usingizi watawala
Article share tools
Imepakiwa mnamo 9:52 12 Agosti 2021
Rais wa Malawi awafuta kazi waziri na mkuu wa watumishi
Copyright: JACOB NANKHONYA
Rais wa Malawi Lazarus Chakwera amewafuta kazi waziri wa nishati na mkuu wake wa watumishi ambao wanakabiliwa na mashtaka ya ufisadi.
Wawili hao na afisa mwingine mmoja - Enock Chihana, mshirika katika usimamizi wa Tonse Alliance – walikamatwa siku ya Jumatatu kwa madai ya kuhusika na zabuni ya mafuta ya nchi hiyo.
Waliripotiwa kujaribu kushawishi jinsi kandarasi ya usambazaji wa mafuta itakavyotolewa.
Nafasi ya waziri Newton Kambala haijajazwa baada ya kufutwa kwake.
Majukumu ya wizara ya nishati yamehamishiwa ofisi ya rais.
Mrithi wa mkuu wa watumishi wa umma Chris Chaima Banda pia hajatajwa wakati tangazo la kufutwa kwake lilipotolewa.
Bw. Kambala na Bw. Banda hawajatoa tamko lolote kuhusiana na suala hilo.
- Lazarus Chakwera: Rais wa Malawi 'aliyebishana na Mungu'
- Lazarus Chakwera: Kutoka kuongoza makanisa ya Walokole mpaka kushinda Urais wa Malawi
Article share tools
Imepakiwa mnamo 7:08 10 Agosti 2021
R. Kelly: Uteuzi wa wanasheria wa kusikiliza kesi ya dhulma za kingono dhidi ya msanii R.Kelly waanza
Copyright: Getty Images
Msanii wa R&B R. Kelly amefika mahakamani mjini New York,huku uteuzi wa wanasheria katika kesi ya dhulma za kingono dhidi yake ukianza.
Inajiri zaidi ya miaka miwili baada ya msanii huyo kushtakiwa kwa unyanyasaji wa wanawake na wasichana wadogo kwa karibu miongo miwili.
Mwimbaji huyo aliyeshinda Tuzo ya Grammy anakabiliwa na mashtaka ya unyanasaji wa kingono dhidi ya watoto, ujambazi na rushwa. Amekanusha mashtaka
Wanasheria wanaotarajiwa kuongoza kesi hiyo wanahojiwa ikiwa wanaweza kuwa na mawazo huru katika kesi hiyo.
Baada ya majaji kuteuliwa, kesi inatarajiwa kuanza Agost18 na huenda ikaendelea kwa wiki kadhaa.Msanii huyo mwenye umri wa miaka 54 akipatikana na hatia huenda akafungwa jela kwa miongo kadhaa.
Kesi dhidi yake pia imewasilishwa katika mahakama ya Illinois na Minnesota.
Copyright: Getty Images
Image caption: R. Kelly (anayeonekana hapa mwaka 2019) ianakabiliwa na mashataka ya kuwanyanyasa watoto kingono na rushwa
Alipoulizwa jinsi anavyojihisi,wakili wa Kelly,Deveraux Cannick aliliambia shirika la Habari la AFP: "Ni sawa na Jumatatu nyingine."
Kelly, mmoja wa wasanii nyota wa miondoko ya R&B miaka ya1990, amekuwa akizuiliwa tangu Julai mwaka 2019.
Kesi ya New Yorki inamtuhumu mwimbaji huyo–ambaye jina lake halisi ni Robert Kelly –kwa kuongoza kundi la mameneja , walinzi wa kibinafsi na wengine ambao waliwaanda wanawake na wasichana kwa ajili ya kufanya ngono.
Waendesha mashtaka wanasema wahasiriwa waliteuliwa katika matamasha na maeneo mengine.
Soma zaidi:
- R Kelly: Mwanamuziki maarufu wa Marekani ameshitakiwa kwa makosa ya unyanyasaji wa kingono
Article share tools
Imepakiwa mnamo 8:20 5 Agosti 2021
Habari za hivi pundeKesi ya Mbowe yaahirishwa Polisi watawanya wafuasi wake mahakamani
Copyright: BBC
Image caption: Wafuasi wa Chadema nje ya mahakama ya kisutu
Polisi jijini Dar es Salam wamewatawanya wafuasi wa Chadema ambao walikuwa wamekusanyika nje ya mahakama ya Kisutu kufuatilia kesi ya mwenyekiti wa chama hicho Freeman Mbowe.
Kesi hiyo ambayo ilikuwa ikiendeshwa kwa nia ya mtandao hata hivyo imeahirishwa kutokana na changamoto za kimawasiliano. Mbowe anatarajiwa kufikishwa mahakamani hapo kesho asubuhi kuendelea na kesi hiyo.
Awali wafuasi wa Chadema walionekana nje ya mahakama hiyo wakiwa na mabango yaynaosema: 'Mbowe sio gaidi’ na pia walikuwa wakipaaza sauti na kusema, ‘katiba mya sio ugaidi’.
Hata hivyo polisi waliwatawanya wafuasi hao na baadhi yao kukamatwa.
Video content
Video caption: Polisi watawanya wafuasi wake mahakamani na kuwakamata wengine
Copyright: BBC
Copyright: BBC
Copyright: BBC
Mawakili wa Mbowe wakiongozwa na Peter Kibatala , wapo mahakamani hapo lakini mteja wao ni mahabusi katika gereza la Ukonga.
Mbowe anakabiliwa na mashtaka ya kuhujumu uchumi na kufadhili vitendo vya kigaidi.
Wakosoaji wa serikali ikiwemo Chadema pamoja na mashirika ya haki za kibinadamu wanaichukulia kesi hiyo ni ya kisiasa na kushinikiza serikali imwachie huru mwanasiasa huyo.
Hata hivyo polisi wamekanusha madai hayo na kwamba wanasema wana ushahidi wa kutosha kwamba Mbowe alitenda makosa hayo na kutaka mahakama iachwe itekeleze wajibu wake.
Soma zaidi:
- Mashirika ya kutetea haki yalaani kukamatwa kwa Mbowe
- Nini maana ya mwisho wa Uenyekiti wa Mbowe Chadema?
Article share tools
Imepakiwa mnamo 12:15 4 Agosti 2021
Zuma kuruhusiwa kutoka gerezani kuhudhuria kesi
Copyright: AFP
Rais wa zamani wa Afrika Kusini Jacob Zuma ataruhusiwa kuondoka gerezani Jumanne wiki ijayo ili kuhudhurie mwenyewe katika kesi ya ufisafi.
Uamuzi huu wa mahakama unakuja zaidi ya wiki moja baaada ya zaidi ya watu 300 kuawa wakati wa maandamano yaliyosababishwa na kukamatwa Zuma kwa kukiuaka agizo la mahakama katika kesi tofauti.
Kua uwezekano wa kupelekwa kwa maafisa wengi wa usalama kwani wafuasi wa Zuma wanatarajiwa kukusanyika katika nje ya mahakama hiyo ya ufisadi katika mji wa Pietermaritzburg - ambao uliathiriwa vibaya na maandamano ya ghasia na uporaji.
Hii itakuwa mara ya pili Zuma kuonekana hadharani tangu alipozuiliwa mwei uliopita.
Wiki iliyopita aliruhusiwa kuhudhuria mazishi ya ndugu yake.
Waendesha mashtaka walikuwa wamependekeza kesi hiyo kuendeshwa kwa njia ya kidijitali - wakitoa sababu za kiusalama.
Lakini jaji ameridhia ombi la Zuma la kuodoka gerezani na kufika mwenyewe katika mahakama ya Pietermaritzburg.
Washirika wa Zuma wameshtuhumiwa kwa kujaribu kuongoza ghasia dhidi ya serikali.
Kesi hiyo inahusiana na makubaliano ya silaha ya miaka ya 1990, na madai kwamba Zuma alipokea hongo. Anakanusha mashtaka yote.
Soma zaidi:
Jacob Zuma: Rais wa zamani wa Afrika Kusini ambaye uongozi wake ulikumbwa na utata mwingi
Article share tools
Imepakiwa mnamo 3:35 3 Agosti 2021
Ashtuka kwa kuuona mwili wa rafiki yake katika darasa la utafiti wa miili ya binadamu
Katika msururu wetu wa barua kwa waandishi wa Afrika , mwandishi wa Nigeria Adaobi Tricia Nwauubani anaandika kuhusu ukweli wa miili iliokosa kuuliziwa inayotumwa katika shule za mafunzo ya matibabu.
Soma Zaidi
Article share tools