Zambia

ReutersCopyright: Reuters

Rais wa Zambia Hakainde Hichilema amekanusha kufshiriki mazungumzo juu ya haki ya wapenzi wa jinsia moja wakati alipohudhuria mkutano mkuu wa Umoja wa Mataifa mjini New York.

Uhusiano wa jinsia moja umepigwa marufuku nchini Zambia, ambako sheria za enzi za ukoloni wa Uingereza juu ya mapenzi ya jinsia moja bado zinatumika.

Rais Hichilema alitoa tamko hilo siku ya Alhamisi wakati wa hotuba yake kwa taifa iliyorushwa moja kwa moja kutoka mji mkuu, Lusaka baada ya kuombwa kuweka wazi aliyoangazia katika ziara yake.

"Hatukuenda huko kuzungumzia haki ya wapenzi wa jinsia moja. Hili ni jambo ambalo nataka kusema kwa msisitizo, "alinukuliwa akisema na gazeti la Zambia Daily Mail.

Aliongeza kuwa katiba ya Zambia ilikua wazi kuhusiana na masuala yanayohusu haki ya wapenzi wa jinsia moja, ilisema ripoti ya tovuti ya Lusaka Times

Marekani ilimuita nyumbani balozi wake nchini Zambia mnamo Disemba 2019 kati kati ya mzozo wa kidplomasia ulisababishwa na kauli ya balozi huyo baada ya kufungwa jela kwa wapenzi wa jinsia moja.

Serikali ya Zambia ilimshtumu kwa kujaribu kuingilia sera zake.

• Fahamu mataifa yaliohalilisha na kupinga mapenzi ya jinisia moja Afrika
• Hakainde Hichilema: 'Mchunga ng'ombe' aliyeibuka kuwa rais wa Zambia
• Hakainde Hichilema:Tundu Lissu,Raila Odinga na Bobi Wine wanaweza kujifunza yapi kutoka kwake?

AFPCopyright: AFP

Rais wa Zambia Hakainde Hichilema amekuwa akisifiwa mitandaoni kwa kusafirina “maafisa wachahche” kuhudhuria kikao cha 76 za mkutano wa baraza la kuu la umoja wa Mataifa jijini New York, Marekani .

Bwana Hichilema alisafiri kwa kutumia ndege ya Qatar Airways fkutoka mjini Lusaka, akiandamana na mawaziri wawili.

“Kama nilivyoahidi kabala niingie madarakani, utahakikisha usimamizi mzuri wa rasilimali za umma na kwa hivyo tumesafiri na timu konda ambayo inaundwa na Mawaziri wa Mambo ya Nje na Fedha, Stanley Kakubo na Dk Situmbeko Musokotwane mtawaliwa, "alisema katika taarifa kabla ya kuondoka.

"Huyu ni wa kwanza katika eneo ambalo [Rais wa Zimbabwe] Emmerson Mnangagwa na [Lazaro wa Malawi] Chakwera huchukua ndege zilizojaa watu wanaodandia safari", aliandika mwandishi wa habari wa Zimbabwe Hopewell Chin'ono.

Mtumiaji mwingine wa mitandao ya kijamii aliandika: "Afrika inainuka: Rais wa Zambia Hakainde Hichilema ameondoka Zambia kwenda Mkutano Mkuu wa UN, New York kwa kutumia ndege ya kibiashara".

Rais wa Malawi mnamo Julai alikosolewa kwa kusafiri na familia yake kwa safari ya Uingereza lakini akasema kwamba walihitajika kwa hafla hiyo.

Hakainde Hichilema: 'Mchunga ng'ombe' aliyeibuka kuwa rais wa Zambia

Hakainde Hichilema:Tundu Lissu,Raila Odinga na Bobi Wine wanaweza kujifunza yapi kutoka kwake?

Getty ImagesCopyright: Getty Images

Kiongozi wa upinzani nchini Kenya Rais Amolo Odinga amempongeza Raila Odinga ampongeza rais mteule wa Zambia Hakainde Hichilema.Katika ujumbe wake wa pongezi alioutuma kwenye ukurasa wa Facebook, Bw Raila amesema ’’ Ninachukua fursa hii kumpongeza rafiki Hakainde Hichilema

''Nachukua fursa hii muhimu kumpongeza rafiki yangu Hakainde Hichilema, Chama cha United Party of National Development (UPND) cha Zambia kwa ushindi mkubwa katika uchaguzi wa urais. ailsema , Raila.

Wakati kukiwa changamoto ya kipindi kisicho cha kawaida cha afya ya umma, watu wa Zambia wameifanya Afrika ya kujivunia kufanya uchaguzi wa mafanikio.

Uchaguzi wa huru, haki, wa kuaminika na kuthibitishwa kila mara huwezesha kuwepo kwa utashi wa watu.

Ni tumaini langu kwamba uchaguzi huu utaimarisha maisha ya kidemokrasia ya Wazambia, kuleta maendeleao zaidi na kuwakumbusha Waafrika wenzenu popote walipo kwamba hakuna lisilowezekana. Nawatakia baraka zote katika siku na miaka ijayo.

Soma zaidi:

Hakainde Hichilema: Mfahamu mfanyabiashara tajiri aliyeshinda uchaguzi wa urais Zambia

AFPCopyright: AFP

Viongozi mbali mbali wa upinzani katika nchi za Afrika wamempongeza rais mteule wa Zambia Hakainde Hichilema.

Bwana Hichilema Jumatatu amethibitishwa mshindi katika uchaguzi wa urais, kwa kupata kura 2,810,777 dhidi ya Edgar Lungu aliyepo madarakani aliyepata kura 1,814,201.

Ilikuwa jaribio lake la sita kugombea urais.

Kiongozi wa upinzani nchini Uganda Bobi Wine, ambaye aligombea urais mapema mwaka huu, amesema ushindi wa Bw. Hichilema haukuwa ushindi tu wa Zambia, bali ushindi kwa Afrika na demokrasia.

Kiongozi mwingine mkongwe wa upinzani ambaye pia ni wa kutoka nchi ya Uganda Kizza Besigye alimpongeza rais mteule kwa ushindi wake.

Kiongozi wa upinzani nchini Tanzania Zitto Kabwe amesema Zambia “imeonyesha ulimwengu kiwango cha ukomavu wake wa kidemokrasia.

Ubadilishanaji wa madaraka kwa njia ya amani unafanyika… ”.

Nelson Chamisa, kiongozi wa upinzaji wa Zimbabwe, amesema "amefurahishwa" kupokea simu na yeye binafsi kumpongeza Bw. Hichilema.

Raila Odinga wa Kenya naye pia amesema watu wa Zambia wamefanya bara la Afrika "lijivunie kwa kufanikisha uchaguzi" katikati ya janga la virusi vya corona.