தேனீ தாடி வைப்பதில் புதிய சாதனை !

  • 1 செப்டம்பர் 2017
தேனீ தாடி படத்தின் காப்புரிமை Keystone/Getty Images

தேனீக்களை தாடியாக வைத்திருப்பதில் புதிய வரலாற்று பதிவை கனடாவை சேர்ந்த ஜூவான் கார்லோஸ் நோகுஸ் ஆர்டிஸ் படைத்திருக்கிறார்.

தேனீக்களை தாடியாக வைத்திருந்த முந்தைய நேர பதிவைவிட எட்டு நிமிடங்கள் அதிகமாக தேனீக்களை தாடியாக வைத்திருந்து அவர் இந்த புதிய பதிவை உருவாக்கியுள்ளார்.

ஒன்டாரியோ மாகாணத்தில் தேனீ பண்ணை ஒன்றில் வேலை செய்யும் ஜூவான் கார்லோஸ் நோகுஸ் ஆர்டிஸ், சரியாக 61 நிமிடங்கள் தன்னுடைய முகத்தில் தேனீக்களை தாடியாக வைத்திருந்தார்.

படத்தின் காப்புரிமை Keystone/Getty Images

"மென்மையானவை" என்று விவரிக்கப்படும் ஒரு லட்சம் தேனீக்களை இதற்காக இந்த தேனீ பண்ணை வழங்கியிருந்தது.

தேனீக்கள் இரண்டு முறை கொட்டியபோதும் அமைதியாக இருந்த ஆர்டிஸ், முந்தைய சாதனையை முறியடித்த பின்னர் தேனீக்களை விரட்டிவிடும் வரை அசையாமல் அமர்ந்திருந்தார்.

இந்த சாதனை-முறியடிப்பு முயற்சியில் ஈடுபடுமுன் இருமுறை மட்டுமே இதில் பயிற்சி எடுத்திருக்கும் ஆர்டிஸ், தான் இந்த தேனி தாடி வைத்துக்கொள்ளும் கலையில் இன்னும் ஒரு புதுமுகம்தான் என்று தன்னை பற்றி கூறிக் கொள்கிறார்.

பிற செய்திகள்

சமூக ஊடகங்களில் பிபிசி தமிழ் :

தொடர்புடைய தலைப்புகள்