அல் கைதாவின் லெபனான் தளபதி மரணம்

அல் கைதாவின் லெபனான் தளபதி மரணம்
Image caption அல் கைதாவின் லெபனான் தளபதி மரணம்

தடுத்து வைக்கப்பட்டிருந்த லெபனானிய அல்கைதாவின் முக்கிய தளபதியான மஜீட் அல் மஜீட் அவர்கள் உடல்நிலை மோசமானதன் காரணமாக இறந்துவிட்டதாக லெபனானின் இராணுவம் தெரிவித்துள்ளது.

இராணுவ மருத்துவமனையில் அவர் சிகிச்சை பெற்று வந்தார். அவருக்கு சிறுநீரகம் பழுதடைந்திருந்ததாக இன்னுமொரு செய்தி கூறுகிறது.

கடந்த வருடங்களில் மத்திய கிழக்கெங்கிலும் குண்டுத் தாக்குதல்களை நடத்திவந்த அல்கைதாவின் இணை அமைப்பான அப்துல்லா அஸாம் பிரிகேட்ஸ்ஸின் தலைவரான அல் மஜீட் அவர்கள் சவுதி தேசத்தவராவார்.

அண்மையில் பெய்ரூட்டில் இரானிய தூதரகத்தின் மீதான தாக்குதலையும் அதுவே நடத்தியிருந்தது.

கடந்த மாதம் கைது செய்யப்பட்ட அல் மஜீட் அவர்கள் ரகசிய இடம் ஒன்றில் தடுத்து வைக்கப்பட்டிருந்தார்.