யூரோ 2016: இங்கிலாந்தின் தோல்வி எதிரொலியாக அணி மேலாளர் ராய் ஹட்ஜ்சன் பதவி விலகல்

  • 28 ஜூன் 2016

பிரான்சில் நடைபெற்று வரும் யூரோ 2016 கால்பந்து போட்டி தொடரில், வெற்றி பெறாது என்று திட்டவட்டமாகக் கருதப்பட்ட ஐஸ்லாந்து அணி, இங்கிலாந்தை இரண்டு கோல்களுக்கு ஒன்று ( 2-1) என்ற கணக்கில் வென்றுள்ளது.

படத்தின் காப்புரிமை Getty
Image caption யூரோ 2016: தோல்வியடைந்த இங்கிலாந்து அணி

இந்த தோல்வியினால், யூரோ 2016 கால்பந்து போட்டி தொடரிலிருந்து இங்கிலாந்து வெளியேறிவிட்டது.

இங்கிலாந்து தோல்வியடைந்ததன் எதிரொலியாக, நான்கு ஆண்டுகள் இங்கிலாந்து கால்பந்து அணியின் மேலாளராக பொறுப்பிலிருந்த ராய் ஹட்ஜ்சன் தான் பதவி விலகுவதாக ஒரு செய்தியாளர் கூட்டத்தில் தெரிவித்தார்.

இங்கிலாந்தை வெற்றி கொண்ட ஐஸ்லாந்து அணி, வரும் ஞாயிறு அன்று (ஜுலை 3-ஆம் தேதி) பாரிஸில் நடக்கும் தனது அடுத்த போட்டியில், போட்டியை நடத்தும் அணியை சந்திக்கவுள்ளது.

இதனிடையே, மற்றொரு போட்டியில் தற்போதைய நடப்பு சாம்பியனான ஸ்பெயின் அணியை இரண்டுக்கு பூஜ்யம் (2-0) என்ற கோல் கணக்கில் இத்தாலி அணி வீழ்த்தியது.