மயிலாடுதுறை மக்களவை தொகுதி: காவிரியின் பயணம் முடியும் தொகுதி எப்படி இருக்கிறது?

  • 24 மே 2019
மயிலாடுதுறை மக்களவை தொகுதி படத்தின் காப்புரிமை Getty Images

மயிலாடுதுறை தொகுதியில் திமுகவை சேர்ந்த ராமலிங்கம் தன்னை எதிர்த்து போட்டியிட்ட ஆசைமணியை 2.6 லட்சம் வாக்குகள் வித்தியாசத்தில் வென்றுள்ளார். அமமுக வேட்பாளர் செந்தமிழன் 6.29% சதவீத வாக்குகளை பெற்றுள்ளார் என்பது குறிப்பிடத்தக்கது.

சிலப்பதிகாரத்தில் சதுக்கபூதம் காத்த பூம்புகார் ஊர் இந்தத் தொகுதியில் இருக்கிறது. காவிரி தனது பயணத்தையும் இங்கேதான் முடித்து கொள்கிறது. ஓ.என்.ஜி.சிக்கு எதிராக மக்கள் பெருந்திரள் போராட்டத்தை மேற்கொண்டதும் இங்கேதான்.

மயிலாடுதுறை - பெரிதும் விவசாயத்தையும், மீன்பிடி தொழிலையும் நம்பி இருக்கும் ஊர். காவிரியின் கடைமடையில் இருக்கிறது இந்தத் தொகுதி. ஆனால், பல்வேறு காரணங்களால் காவிரி இங்கு வந்து சேர்வதில்லை என்கிறார்கள் விவசாயிகள்.

காங்கிரஸ் கட்சியின் மூத்த தலைவர் மணிசங்கர் ஐயர் நீண்டகாலமாக எம்.பி.யாக இருந்த தொகுதி மயிலாடுதுறை தொகுதி.

மயிலாடுதுறை, கும்பகோணம், பாபநாசம், திருவிடைமருதூர், சீர்காழி, பூம்புகார் என ஆறு சட்டமன்ற தொகுதிகள் இந்த மக்களவைத் தொகுதியில் உள்ளது.

படத்தின் காப்புரிமை Getty Images

சட்டமன்ற தொகுதிகளான மயிலாடுதுறை ராதாகிருஷ்ணன் (அதிமுக)வசமும், கும்பகோணம் அன்பழகன் (திமுக) வசமும், பாபநாசம் அதிமுகவை சேர்ந்த துரைக்கண்ணுவசமும் உள்ளன.

திருவிடைமருதூர் தொகுதியில் திமுகவை சேர்ந்த கோவி. செழியனும், சீர்காழி தொகுதியில் அதிமுகவை சேர்ந்த பாரதியும், பூம்புகார் சட்டமன்ற தொகுதியில் அதிமுகவை சேர்ந்த பவுன்ராஜும் சட்டமன்ற உறுப்பினர்களாக உள்ளனர்.

போட்டியாளார்கள்

அதிமுக சார்பாக ஆசைமணியும், திமுக சார்பாக செ. ராமலிங்கமும், அமமுக சார்பாக எஸ். செந்தமிழனும், மக்கள் நீதி மய்யம் சார்பாக ரிஃபாயுதீன், நாம் தமிழர் சார்பாக சுபாஷினியும் போட்டியிடுகிறார்கள்.

கோரிக்கைகள்

வேளாண்மை சார்ந்த தொழிற்சாலைகளை ஏற்படுத்த வேண்டும், பூம்புகாரில் அகழாய்வு பணிகளை மேற்கொள்ள வேண்டும் என்பது இந்தத் தொகுதி மக்களின் நெடுநாள் கோரிக்கைகள்.

படத்தின் காப்புரிமை Getty Images

ஓ.என்.ஜி.சி புதிதாக குழாய் பதிக்கக்கூடாது என்று இந்த மக்கள் உறுதியான போராட்டத்தை சில ஆண்டுகளுக்கு முன்பு முன்னெடுத்தார்கள்.

சரி முந்தைய தேர்தல்களில் யார் வென்று இருக்கிறார்கள் என்று பார்ப்போம்.

கடந்த தேர்தல்கள்

தேர்தல் ஆண்டு வெற்றி பெற்றவர் கட்சி இரண்டாம் இடம் வந்தவர் கட்சி
1977 குடந்தை ராமலிங்கம் இந்திய தேசிய காங்கிரஸ் கோவிந்தசாமி ஸ்தாபன காங்கிரஸ்
1980 குடந்தை ராமலிங்கம் இந்திய தேசிய காங்கிரஸ் கோவிந்தசாமி ஸ்தாபன காங்கிரஸ்
1984 ஹாஜி பக்கீர் முகமது இந்திய தேசிய காங்கிரஸ் கல்யாணம் திராவிட முன்னேற்ற கழகம்
1989 ஹாஜி பக்கீர் முகமது இந்திய தேசிய காங்கிரஸ் கல்யாணம் திராவிட முன்னேற்ற கழகம்
1991 மணிசங்கர் அய்யர் இந்திய தேசிய காங்கிரஸ் குத்தாலம் கல்யாணம் திராவிட முன்னேற்ற கழகம்
1996 ராஜேந்திரன், தமிழ் மாநில காங்கிரஸ் (மூப்பனார்) மணிசங்கர் அய்யர் இந்திய தேசிய காங்கிரஸ்
1998 கிருஷ்ணமூர்த்தி தமிழ் மாநில காங்கிரஸ் (மூப்பனார்) அருள்மொழி பாட்டாளி மக்கள் கட்சி
1999 மணிசங்கர் அய்யர் இந்திய தேசிய காங்கிரஸ் அருள்மொழி பாட்டாளி மக்கள் கட்சி
2004 மணிசங்கர் அய்யர் இந்திய தேசிய காங்கிரஸ் ஓ.எஸ்.மணியன் அண்ணா திராவிட முன்னேற்ற கழகம்
2009 ஓ.எஸ்.மணியன் அண்ணா திராவிட முன்னேற்ற கழகம் மணிசங்கர் அய்யர் இந்திய தேசிய காங்கிரஸ்
2014 பாரதி மோகன் அண்ணா திராவிட முன்னேற்ற கழகம் ஹைதர் அலி மனிதநேய மக்கள் கட்சி

பிற செய்திகள்:

சமூக ஊடகங்களில் பிபிசி தமிழ் :

தொடர்புடைய தலைப்புகள்