தமிழகத்தில் எந்தெந்தத் தொகுதியில் எவ்வளவு வாக்குப்பதிவு?

தமிழகத்தில் மக்களவைத் தேர்தல்

தமிழகத்தில், தேர்தல் நிறுத்திவைக்கப்பட்டுள்ள வேலூர் தவிர, பிற 38 மக்களவைத் தொகுதிகளுக்கும் நடைபெற்ற தேர்தலில் 71.87% வாக்குகள் பதிவாகியுள்ளதாக தேர்தல் ஆணையம் தெரிவித்துள்ளது.

நேற்று இரவு 9 மணிக்கு கிடைத்துள்ள தரவுகளின் அடிப்படையில் தமிழகத்தில் 70.90% வாக்குகள் பதிவாகியுள்ளன என்று தேர்தல் ஆணையம் தெரிவித்திருந்தது. தற்போது இறுதி வாக்குப்பதிவு விகிதம் தெரிவிக்கப்பட்டுள்ளது.

2014ஆம் நடந்த 16வது மக்களவைத் தேர்தலில் தமிழகத்தில் உள்ள 39 தொகுதிகளிலும் சேர்த்து 73.74% வாக்குகள் பதிவாகியிருந்தன.

ஏழு கட்டங்களாக நடக்கும் 17வது மக்களவைத் தேர்தலுக்கான இரண்டாம் கட்ட வாக்குப்பதிவு தமிழ்நாட்டில் இருக்கும் 38 தொகுதிகள் உள்பட, 11 மாநிலங்ககளில் இருக்கும் 95 தொகுதிகளுக்கு வியாழனன்று நடைபெற்றது.

அதிகபட்சமாக தருமபுரி தொகுதியில் 80.49% வாக்குகள் பதிவாகியுள்ளன. வேறு எந்தத் தொகுதியிலும் 80%ஐ விடவும் கூடுதலான வாக்குகள் பதிவாகவில்லை.

குறைந்தபட்சமாக தென்சென்னை தொகுதியில் 56.41% வாக்குகள் பதிவாகியுள்ளன. மத்திய சென்னையில் 59.25% வாக்குகள் பதிவாகியுள்ளன. இந்த இரு தொகுதிகளில் மட்டுமே 60%ஐ விடவும் குறைவான வாக்குகள் பதிவாகியுள்ளன.

பிற செய்திகள்:

சமூக ஊடகங்களில் பிபிசி தமிழ் :