#StopHindiImposition உலகளவில் ட்ரெண்டாகும் ஹேஷ்டேக் - காரணம் என்ன?

#StopHindiImposition

நாடு முழுவதும் நடுநிலை வகுப்பு மும்மொழிக் கொள்கை அமலுக்கு வருவதாக தமிழக ஊடகங்களில் செய்திகள் வெளியானதையடுத்து ட்விட்டரில் #StopHindiImposition #TNAganistHindiImposition போன்ற ஹேஷ்டேகுகள் உலகளவில் ட்ரெண்டாகி வருகின்றன.

படத்தின் காப்புரிமை Twitter

தேசிய கல்விக் கொள்கை 2019 என்று குறிப்பிடப்பட்டு ட்விட்டரில் ஒரு ஆவணம் வைரலாகி வருகிறது. அதில், மும்மொழிகளில் ஏதேனும் ஒன்றை மாற்ற விரும்பும் மாணவர்கள் ஆறாம் வகுப்புக்கு மேல் மாற்றிக் கொள்ளலாம் என்றும், இந்தி பேசும் மாநிலங்களில் இருக்கும் மாணவர்கள் இந்தி, ஆங்கிலம் மற்றும் வேறு ஏதேனும் ஒரு நவீன இந்திய மொழியை படிக்க வேண்டியிருக்கும் என்றும் குறிப்பிடப்பட்டுள்ளது.

படத்தின் காப்புரிமை TWITTER
Image caption ட்விட்டரில் பகிரப்பட்டு வரும் புகைப்படம்

மேலும், இந்தி பேசாத மாநில மாணவர்கள், அவர்களது தாய் மொழி, இந்தி மற்றும் ஆங்கிலம் படிக்க வேண்டியிருக்கும் என்று கூறப்பட்டுள்ளது.

வைரலாகி வரும் ஆவணம் புதிய கல்விக் கொள்கை வரைவின் பக்கம் 84 ஆகும். இதை இந்திய அரசின் மனிதவள மேம்பாட்டுத் துறை அமைச்சகத்தின் இணையதளத்தில் காணலாம்.

எனினும், அதனை தமிழர்கள் தீவிரமாக பகிர்ந்து வருகின்றனர். இந்தி திணிப்பு போராட்டங்களை குறிப்பிட்டு, தமிழகம் என்றும் இந்தி திணிப்பை ஏற்றுக் கொள்ளாது என்று பலரும் பதிவிட்டு வருகின்றனர்.

இது தொடர்பான மீம்களும் சமூக ஊடகங்களில் பரவி வருகின்றன.

பிற செய்திகள் :

சமூக ஊடகங்களில் பிபிசி தமிழ் :

தொடர்புடைய தலைப்புகள்