"இந்திய பொருளாதாரத்தின் கறுப்புநாள் இன்று" - "ஆம், கறுப்புப் பணத்தை ஒழித்த நாள்" - ட்விட்டரை அதிர வைக்கும் நெட்டிசன்கள்

உயர் மதிப்பு ரூபாய் படத்தின் காப்புரிமை PRAKASH SINGH

இந்திய அரசு, உயர் மதிப்பு ரூபாய் நோட்டுக்களை மதிப்பு நீக்கி நடவடிக்கை எடுத்து, இன்றுடன் (நவம்பர் 8) மூன்று ஆண்டுகள் நிறைவடைகிறது. இது தொடர்பாக சமூக வலைதளங்களில் பலர் தங்கள் கருத்துகளை பதிவிட்டு வருகின்றனர்.

ட்விட்டரில் இன்று காலை 11மணி வரை #DeMonetisationDisaster என்ற ஹாஷ்டேக் உலக அளவில் ட்ரெண்டிங்கில் இருந்தது. #3YrsOfDeMoDisaster என்ற ஹாஷ்டேக் உலகளவில் இரண்டாம் இடத்தை பிடித்தது. பண மதிப்பிழப்பை வரவேற்றும், குற்றம்சாட்டியும் பல பதிவுகள் இந்தியா முழுவதும் இருந்து பதிவு செய்யப்பட்டிருக்கிறது. #DeMonetisationDisaster, #3YrsOfDeMoDisaster, #demonetization, #NotebandiSeMandiTak என்ற ஹாஷ்டேகுகள் உலகளவில் முதல் பத்து இடத்தில் நான்கு இடங்களை பிடித்தன. தமிழ்நாட்டில் குறிப்பாக பழைய 500 மற்றும் 1000 ரூபாய் நோட்டுகளை நினைவுகூரும் வகையிலும், அந்த ரூபாய் நோட்டுகளுக்கு அஞ்சலி செலுத்தும் வகையிலும் ட்விட்டர் பதிவுகள் பகிரப்பட்டன.

தான் பொருளாதார வல்லுநர் இல்லை என்று பிரதமர் மோதி கூறியதை மேற்கோள்காட்டி பல கேலி கருத்துகள் பதிவு செய்யப்பட்டிருக்கின்றன.

இந்தியாவின் மிகவும் வண்ணமயமான நோட்டுகள் அறிமுகமான நாள் இன்று என்று, புதிய இந்திய நோட்டுகள் அறிமுகமானதை கொண்டாடும் பதிவுகளையும் பார்க்க முடிகிறது.

நீலம், சிவப்பு, ஊதா என பல வண்ண நோட்டுகளை மத்திய அரசு கண்டுபிடித்துள்ளது. ஆனால் கருப்புப் பணங்களை மட்டும் கண்டுபிடிக்கவில்லை என்ற பதிவு பலரால் பகிரப்படுகிறது.

மூன்று ஆண்டுகள் நிறைவடைந்தும் இந்திய பொருளாதாரத்தை மீட்டெடுக்க முடியவில்லை என, ராஜஸ்தான் முதல்வர் ட்விட்டரில் பதிவிட்டுள்ளார்.

"#blackday என்ற ட்விட்டர் பதிவை ட்ரெண்ட் ஆக்குபவர்களுக்கு நன்றி. ஆம் கருப்புப் பணத்தை ஒழித்த நாள்தான் நவம்பர் 8" என்று சிலர் மத்திய அரசின் முடிவுக்கு ஆதரவு தெரிவித்தும் பதிவிட்டுள்ளனர்.

ஒரு பிரதமராக மோதி எடுத்த அதிரடி நடவடிக்கைக்கு வாழ்த்துகள் எனவும் சிலர் கருத்து தெரிவித்துள்ளனர்.

பிற செய்திகள்:

சமூக ஊடகங்களில் பிபிசி தமிழ் :