Got a TV Licence?

You need one to watch live TV on any channel or device, and BBC programmes on iPlayer. It’s the law.

Find out more
I don’t have a TV Licence.

நேரடிச் செய்தி

இங்கு பிரசுரிக்கப்பட்ட நேரங்கள் அனைத்தும் பிரிட்டன் நேரமே

  1. தனி விமானம் மூலம் டெல்லி புறப்பட்டார் பிரதமர்

    சீன அதிபரை வழி அனுப்பியதை தொடர்ந்து, பிரதமர் மோதி டெல்லி புறப்பட்டார். திருவிடந்தையில் இருந்து ஹெலிகாப்டர் மூலம் சென்னை வந்த பிரதமர் மோதி, அங்கிருந்து தனி விமானம் மூலம் டெல்லி புறப்பட்டார்.

    சென்னை விமான நிலையத்தில் பிரதமர் மோதியை ஆளுநர் புரோகித், தமிழக முதலமைச்சர் பழனிசாமி, துணை முதல்வர் பன்னீர் செல்வம் ஆகியோர் வழி அனுப்பினர்.

  2. தமிழர்களுக்கும் தமிழக அரசிற்கும் நன்றி - பிரதமர் மோதி

    "தமிழ்நாட்டின் சகோதர சகோதரிகளுக்கு நான் நன்றி தெரிவித்துக் கொள்கிறேன். எப்போதும் போல், அவர்களது இதமான அன்பும், உபசரிப்பும் தனித்து நிற்கின்றன. ஆற்றல் மிக்க இந்த மாநிலத்தின் மக்களுடன் இருப்பது எப்போதும் மகிழ்ச்சி அளிப்பதாகும். மாமல்லபுரத்தில் நடைபெற்ற முறைசாரா உச்சி மாநாட்டை சிறப்புற நடத்துவதில் உறுதுணையாக இருந்த தமிழக அரசிற்கும் நன்றி" என நரேந்திர மோதி ட்வீட் செய்துள்ளார்.

    View more on twitter
  3. மோதி - ஷி ஜின்பிங் சந்திப்பு நிறைவு

    கோவளம் சந்திப்பை முடித்து விட்டு சென்னை விமான நிலையத்துக்கு விரைந்த சீன அதிபர் ஷி ஜின்பிங் நேபாளத்துக்கு புறப்பட்டார்.

    View more on twitter
  4. சென்னை கனெக்ட்

    ‘’இந்தியா - சீனா உறவில் இந்த 'சென்னைக் கனெக்ட்' சந்திப்பு புதிய அத்தியாயத்தை துவக்கியுள்ளது’’ என்று இந்த கூட்டத்தில் பேசிய மோதி தெரிவித்தார்.

    View more on twitter
  5. சீனா மற்றும் தமிழ்நாடு இடையிலான உறவு குறித்து மோதி

    மேலும் நரேந்திர மோதி கூறுகையில், ‘’2000 ஆண்டுகளுக்கு முன்பே சீனா மற்றும் தமிழ்நாடு இடையே ஆழமான கலாசார, வணிக உறவுகள் இருந்தன. கடந்த 2000 ஆண்டுகளில் பெரும்பாலும் இந்தியாவும், சீனாவும் பொருளாதார சக்திகளாக இருந்தன’’ என்று குறிப்பிட்டார்.

    View more on twitter
  6. நரேந்திர மோதி கூறியது என்ன?

    இந்த கூட்டத்தில் பேசிய இந்திய பிரதமர் நரேந்திர மோதி, ‘’இந்தியா மற்றும் சீனா இடையே நடந்த நட்பு ரீதியிலான வூஹான் மாநாடு, இரு தரப்புக்கும் இடையிலான உறவை வலுவாக்கியது. இந்தியா மற்றும் சீனா இடையே தகவலை பரிமாற்றமும் தற்போது அதிகரித்துள்ளது’’ என்று குறிப்பிட்டார்.

    View more on twitter
  7. பட்டு சால்வை பரிசு

    ஷி ஜின்பிங் புகைப்படம் பொறிக்கப்பட்ட சிறுமுகை பட்டு சால்வையை சீன அதிபருக்கு பரிசளித்தார் நரேந்திர மோதி

    Xi Modi
  8. தஞ்சாவூர் ஓவியம் முதல் காஞ்சிபுரம் பட்டு சேலை வரை

    பட்டு சேலை, சிற்பம், தஞ்சாவூர் ஓவியம் உள்ளிட்ட கைவினைப் பொருட்கள் ஹோட்டலில் காட்சிக்கு வைக்கப்பட்டிருந்தன. அவை குறித்து சீன அதிபர் ஷி ஜின்பிங்கிற்கு மோதி விளக்கினார்.

    View more on twitter
  9. மகிழ்ச்சியை வெளிப்படுத்திய ஷி ஜின்பிங்

    இந்த கூட்டத்தில் பேசிய சீன அதிபர் ஷி ஜின்பிங், ‘’உங்களின் விருந்தோம்பல் எங்களை மிகவும் மகிழ்ச்சியில் ஆழ்த்தியுள்ளது. நானும் எனது சகாக்களும் இதனை மிகவும் வலுவாக உணர்ந்திருக்கிறோம். இது எனக்கும், எனது நாட்டு அதிகாரிகளுக்கும் மறக்கமுடியாத அனுபவமாக இருக்கும்’’ என்று கூறியதாக ஏஎன்ஐ செய்தி முகமை செய்தி வெளியுள்ளது.

    View more on twitter
  10. இரண்டாம்கட்ட பேச்சுவார்த்தை

    மோதி மற்றும் ஷி ஜின்பிங்குடன் அதிகாரிகள் இணைந்துள்ள பேச்சுவார்த்தையில், இந்திய தரப்பில் வெளியுறவுத்துறை அமைச்சர் ஜெய்ஷங்கர், தேசிய பாதுகாப்பு ஆலோசகர் அஜித் தோவல், வெளியுறவுதுறை செயலர் விஜய் கோகலே ஆகியோர் உள்ளனர்.

    இரண்டாம்கட்ட பேச்சுவார்த்தை
  11. மோதி - ஜின்பிங் மற்றும் அதிகாரிகள் இணைந்து இரண்டாம் கட்ட பேச்சுவார்த்தை

    இந்திய பிரதமர் நரேந்திர மோதி மற்றும் ஜின்பிங் ஆகியோர் தனியாக நடத்திய பேச்சு வார்த்தை நிறைவடைந்த நிலையில், அதிகாரிகளுடன் இணைந்து இரு தலைவர்களும் நடத்தும் பேச்சு வார்த்தைகள் தற்போது நடந்துவருகிறது.

    மோதி - ஜின்பிங்
  12. மோதி ஷி ஜின்பிங் பேச்சுவார்த்தை முடிந்தது

    நரேந்திர மோதி மற்றும் ஷி ஜின்பிங் இடையே பிஷர்மேன் கோவ் ஹோட்டலில் குண்டு துளைக்காத கண்ணாடி பேழை அறையில் நடந்த பேச்சுவார்த்தை முடிந்தது.

    View more on twitter
    View more on twitter
  13. நரேந்திர மோதி - ஷி ஜின்பிங் பேச்சுவார்த்தை

    நரேந்திர மோதி மற்றும் ஷி ஜின்பிங் இடையே பிஷர்மேன் கோவ் ஹோட்டலில் குண்டு துளைக்காத கண்ணாடி பேழை அறையில் பேச்சுவார்த்தை நடந்து வருகிறது.

  14. மோதி ஷி ஜின்பிங் பேச்சுவார்த்தை தொடங்கியது

    இந்திய பிரதமர் மோதி மற்றும் சீன அதிபர் ஷி ஜின்பிங் இடையே பிஷர்மேன் கோவ் ஹோட்டலில் பேச்சுவார்த்தை தொடங்கியது.

    மோதி ஷி ஜின்பிங்
  15. இரு நாட்டு தலைவர்கள் சந்திப்பு தொடங்கியது

    சீன அதிபர் ஷி ஜின்பிங் இந்தியப் பிரதமர் மோதியைச் சந்திப்பதற்காக கோவளத்தில் அவர் தங்கியிருக்கும் தாஜ் ஃபிஷர்மேன் கோவ் ஹோட்டலை வந்தடைந்தார்.

    View more on twitter
  16. நரேந்திர மோதி ஷி ஜின்பிங் சந்திப்பு: ராஜதந்திரம் V வர்த்தக நலன் - விரிவான தகவல்கள்

    View more on youtube
  17. மாமல்லபுரத்தில் மோதி - ஜின்பிங்: வெள்ளிக்கிழமை நடந்த சந்திப்பு - 10 தகவல்கள்

    இந்திய பிரதமர் நரேந்திர மோதியுடனான முறைசாரா சந்திப்பிற்காக சீன அதிபர் ஷி ஜின்பிங் வெள்ளிக்கிழமை மதியம் சென்னை வந்தடைந்தார். அவருக்கு சிவப்பு கம்பள வரவேற்பு அளிக்கப்பட்டது.

    "அதிபர் ஷி ஜின்பிங் அவர்களே! இந்தியாவிற்கு வருக வருக என்று வரவேற்கிறேன்" என்று பிரதமர் நரேந்திர மோதி ட்விட்டரில் குறிப்பிட்டார்.

    மாமல்லபுரத்தில் மோதி - ஜின்பிங்: வெள்ளிக்கிழமை என்ன நடந்தது? - 10 தகவல்கள்

  18. வேட்டி சட்டையில் பிரதமர் மோதி

    நேற்று தமிழர்களின் பாரம்பரிய உடையான வேட்டி சட்டையை அணிந்திருந்தார் பிரதமர் மோதி.

    View more on youtube
  19. இரண்டாம் நாள் சந்திப்பு இன்னும் சற்று நேரத்தில்

    தமிழகத்துக்கு வருகை தந்துள்ள சீனா அதிபர் ஜின்பிங்குடன் பிரதமர் மோதி இன்று 2ஆம் நாளாக சென்னை அருகே கோவளத்தில் பேச்சுவார்த்தை நடத்த உள்ளார்.

    நேற்று நடந்த நிகழ்ச்சியில் இருநாட்டு தலைவர்களும் புராதான சிற்பங்களை ரசித்தபடி பேச்சுவார்த்தை நடத்தினர். பின்னர் கடற்கரை கோவிலில் நடைபெற்ற கலை நிகழ்ச்சிகளை கண்டு களித்தனர். சீனா அதிபர் ஜின்பிங், சென்னை கிண்டியில் உள்ள ஐடிசி சோழா ஹோட்டலில் தங்கி இருக்கிறார். இந்திய பிரதமர் மோதி கோவளத்தில் உள்ள பிஷர்மேன் கோவ் ஹோட்டலில் தங்கி இருக்கிறார். காலை 9.50 மணிக்கு ஜின்பிங் சென்னை கிராண்ட் சோழா விடுதியிலிருந்து புறப்பட்டு கார் மூலம் கோவலம் தாஜ் பிஷர்மேன் கோவ் ஹோட்டலுக்கு சென்றடைகிறார். அங்கு பிரதமர் மோதியும் ஜின்பிங்கும் காலை 10 மணிக்கு தனியாக சந்தித்து பேசுகின்றனர்.

    மோதி