#BBCStreetCricket ராமநாதபுரம் சீ ரைடர்ஸ் அணி வெற்றி - காணொளி

LIVE: #BBCStreetCricket பரபரப்பான இறுதி போட்டியில் ராமநாதபுரம் சீ ரைடர்ஸ் வெற்றி

சென்னை மந்தைவெளியில் பிபிசி தமிழ் நடத்தும் #BBCStreetCricket இறுதியாட்டத்தில் ஈரோடு ஸ்டார்ஸ் மற்றும் ராமநாதபுரம் சீ ரைடர்ஸ் அணிகள் மோதுகின்றன.

நேயர்கள் போட்டியை நேரலையில் காண :

இன்று காலை நடைபெற்ற முதல் அரையிறுதி ஆட்டத்தில் சென்னை அணியை ராமநாதபுரம் அணி வீழ்த்தி வெற்றி பெற்றது. இரண்டாவது அரையிறுதி ஆட்டத்தில் திருச்சி அணியை ஈரோடு வீழ்த்தி வெற்றிப்பெற்றது.

அரையிறுதி போட்டியை காண:

அணிகளின் விவரங்கள்

சென்னை சூப்பர் வாரியர்ஸ்

அன்பழகன் 29 பேட்ஸ்மேன்
முரளி 29 பேட்ஸ்மேன்
கனி அமுதன் 29 ஆல் ரவுன்டர்
செல்வராஜ் 29 ஆல் ரவுன்டர்
சிவகுமார் 24 ஆல் ரவுன்டர்

திருச்சி சிங்கம்

Image caption திருச்சி சிங்கம் அணியினர்
பாரதி ராஜா 22 சுழற்பந்து வீச்சாளர்
ராஜசேகர் 22 சுழற்பந்து வீச்சாளர்
யோகராஜ் 29 பேட்ஸ்மேன்
கார்திக் 28 ஆல் ரவுன்டர்
பத்மனாதன் 22 ஆல் ரவுன்டர்

ஈரோடு ஸ்டார்ஸ்

ரவிகுமார் 26 ஆல் ரவுன்டர்
குகன் 21 ஆல் ரவுன்டர்
செல்வராஜ் 26 ஆல் ரவுன்டர்
கரன் 18 ஆல் ரவுன்டர்
லோகேஷ் 17 ஆல் ரவுன்டர்

ராமநாதபுரம் சீ ரைடர்ஸ்

ஜெய் கணேஷ் 22 ஆல் ரவுன்டர்
நம்பு குமார் 20 ஆல் ரவுன்டர்
முரளிதரன் 22 ஆல் ரவுன்டர்
ஜோதி முத்து ராமலிங்கம் 19 ஆல் ரவுன்டர்
சரன் ராஜ் 19 ஆல் ரவுன்டர்

ஸ்ட்ரீட் கிரிக்கெட்டுக்கு பெயர் போன தமிழகம்

தமிழகம் முழுவதும் பரவலாக விளையாடப்படுவது கிரிக்கெட். இடம், சூழ்நிலை, வீரர்களின் எண்ணிக்கை ஆகியவற்றை பொறுத்து சர்வதேச அளவில் விளையாடப்படும் கிரிக்கெட் விதிகளில் மாற்றங்கள் செய்து பல தரப்பினராலும் பல்வேறு இடங்களில் கிரிக்கெட் விளையாடப்படுகிறது.

அவ்வளவு ஏன்? ஐ பி எல்லில் ஐதராபாத் சன் ரைசர்ஸ் அணிக்காக விளையாடும் தமிழகத்தைச் சேர்ந்த நடராஜன் முதல் பல வீரர்கள் ஸ்ட்ரீட் கிரிக்கெட்டில் இருந்துதான் தங்களது பயணத்தை துவங்கியிருக்கிறார்கள்.

தெருக்கள், காலி வகுப்பறைகள், ஆற்றங்கரையோரங்களில் கடற்கரை, மொட்டை மாடி என எங்கும் கிரிக்கெட் விளையாடப்படுகிறது. தமிழகத்தின் ஓர் அடையாளமாக மாறத் துவங்கியிருக்கும் வீதி கிரிக்கெட்டில் என்னென்ன வேடிக்கையான விதிகள் இருக்கிறதோ அதனை அடிப்படையாக கொண்டு பிபிசி தமிழ், பிரத்யேக தனித்துவ ஸ்ட்ரீட் கிரிக்கெட் விதிகளை தயாரித்துள்ளது.

அதனடிப்படையில் ஸ்ட்ரீட் கிரிக்கெட் தொடர் ஒன்று அறிவிக்கப்பட்டு கடந்த வாரம் லீக் சுற்றுப் போட்டிகள் பல்வேறு மாவட்டங்களில் நடைபெற்றன.

அதில் வெற்றி பெற்ற சென்னை, ஈரோடு, திருச்சி மற்றும் ராமநாதபுரம் அணிகள் அரை இறுதிக்கு தகுதி பெற்றுள்ளன. இதில் வெற்றி பெறும் இரு அணிகள் இறுதிப் போட்டிக்கு தகுதி பெறும்.

பிபிசி தமிழ் நேயர்களுக்காக இந்த போட்டிகள் அனைத்தும் பிபிசி தமிழ் பேஸ்புக் பக்கத்தில் நேரலை செய்யப்படும். மேலதிக தகவல்களை தெரிந்துகொள்ள பிபிசி தமிழுடன் இணைந்திருங்கள்.

ஒரு வித்தியாசமான அனுபவத்திற்கு தயாராகுங்கள்!

தொடர்புடைய தலைப்புகள்