சாமானிய மனிதர்களின் நலனில் அக்கறை

  1. ஆ. விஜயானந்த்

    பிபிசி தமிழ்

    சீமான்

    லட்சத்தீவின் மினிக்காய் (Minicoy) கடற்கரையில் கடந்த மார்ச் மாதம் ஏ.கே 47 துப்பாக்கிகள், 1000 கிலோ தோட்டாக்கள், 300 கிலோ ஹெராயின் போதைப் பொருள் ஆகியவற்றை கடலோரக் காவல்படை அதிகாரிகள் கைப்பற்றியதாகத் தகவல் வெளியானது.

    மேலும் படிக்க
    next
  2. சீமான்

    யார் யாருடன் பேசுகிறார்கள் என்பதை பதிவு செய்து வெளியிடுவதன் மூலம் என்ன சாதிக்கப் போகிறார்கள்? இந்த காணொளியை வெளியிட்ட நபரைக் கைது செய்திருக்க வேண்டும். உலகின் யாரும் செய்யாத ஒன்றையா அவர் செய்துவிட்டார். சட்டமன்றத்திலேயே ஆபாசப் படம் பார்த்துள்ள சம்பவங்களும் வெளிவந்துள்ளன" என்கிறார் சீமான்.

    மேலும் படிக்க
    next
  3. முரளிதரன் காசிவிஸ்வநாதன்

    பிபிசி தமிழ்

    சிபிஎம்

    1965ல் மார்க்சிஸ்ட் கம்யூனிஸ்ட் கட்சித் தலைவர்களை அரசு கைது செய்யத் துவங்கியது. இதில் சங்கரய்யாவும் கைதானார். 16 மாத கால சிறைவாசத்திற்குப் பிறகு 1966ல் அவர் விடுதலை செய்யப்பட்டார். அவர் விடுதலையான பிறகு, தீக்கதிர் கட்சியின் அதிகாரபூர்வ ஏடாக அங்கீகரிக்கப்பட்டது. என். சங்கரய்யா அதன் ஆசிரியரானார்.

    மேலும் படிக்க
    next
  4. மோதி

    பிரதமர் மோதியின் அமைச்சரவையில் அவர் நீங்கலாக 30 கேபினட் அமைச்சர்கள், 2 தனிப்பொறுப்புடன் கூடிய இணை அமைச்சர்கள், 45 இணை அமைச்சர்கள் என மொத்தம் 77 பேர் இடம்பெற்றுள்ளனர்.

    மேலும் படிக்க
    next
  5. ரெஹான் ஃபசல்

    பிபிசி செய்தியாளர்

    கம்யூனிஸ்ட்

    1964 ஆம் ஆண்டில் கட்சியில் பிளவு ஏற்பட்டபோது மார்க்சிஸ்ட் கம்யூனிஸ்ட் கட்சி உருவானது. மேற்கு வங்கம் மற்றும் கேரளாவின் பெரும்பாலான தலைவர்கள் அதில் இணைந்தனர். ஆந்திராவில் சுமார் பாதி பேர் சிபிஎம் உடன் சேர்ந்தனர்.

    மேலும் படிக்க
    next
  6. ஜோ பாயில்

    பிபிசி செய்திகள்

    மாவோ சேதுங்

    சீனாவின் காலஞ்சென்ற தலைவர் மாவோ சேதுங் பிறந்து 127 ஆண்டுகள் கடந்துவிட்டன. தனது மூன்று தசாப்த கால ஆட்சியில் மாவோ, அரசியல் முழக்கங்களை கலை வடிவத்திற்கு உயர்த்தினார்.

    மேலும் படிக்க
    next
  7. பிரதீக் ஜாக்கர்

    கிழக்கு ஆசியா நிபுணர்

    சீனா

    மீண்டும் புத்துயிர் பெறும் திறனிருந்தாலும், தொடர்ந்து உயிர்ப்புடன் இருப்பதற்காக அக்கட்சி அதிக கவனம் செலுத்திவருகிறது. மக்களின் நம்பிக்கை சற்றே குறையும் நிலை ஏற்பட்டால் கூட, அதற்கு உடனடியாக எதிர்வினையாற்றி வருகிறது.

    மேலும் படிக்க
    next
  8. ஆ. விஜயானந்த்

    பிபிசி தமிழுக்காக

    செல்லூர் ராஜூ

    அணில்களால் மின்தடை ஏற்படுவது தொடர்பாக அமைச்சர் செந்தில் பாலாஜியைத் தவிர வேறு யாரும் பேசவில்லை என்பதுதான் உண்மை. அணில் தவிர, காகம், கீரி, பாம்பு ஆகியவற்றின் மூலமும் மின்தடை ஏற்படுகிறது. இது வழக்கமான ஒன்றுதான். மின்சார வாரியம் தொடங்கப்பட்ட காலத்தில் இருந்தே இந்தப் பிரச்னைகள் உள்ளன என்கிறார் சிஐடியு மத்திய மின் ஊழியர் கூட்டமைப்பின் மாநில தலைவர் ஜெய்சங்கர்.

    மேலும் படிக்க
    next
  9. சிறு துறைமுகங்கள் உத்தேச சட்டத்தை எதிர்க்க கடலோர மாநில முதல்வர்களுக்கு மு.க. ஸ்டாலின் கடிதம்

    ஸ்டாலின்

    சிறு துறைமுகங்கள் மீது மாநில அரசுகளுக்கு உள்ள கட்டுப்பாட்டை நீர்த்துப்போகச் செய்யும் வகையில் மத்திய அரசு கொண்டு வரவுள்ள புதிய சட்டத்திற்கு எதிர்ப்புத் தெரிவிக்கும்படி கடலோர மாநிலங்களின் முதல்வர்களுக்கு தமிழக முதல்வர் மு.க. ஸ்டாலின் கடிதம் எழுதியிருக்கிறார்.

    இந்தியாவில் கடலோரத்தில் அமைந்துள்ள குஜராத், மகாராஷ்டிரா, கோவா, கர்நாடகா, கேரளா, ஆந்திர பிரதேசம், ஒடிஷா, மேற்கு வங்கம் ஆகிய மாநிலங்கள் மற்றும் புதுச்சேரி யூனியன் பிரதேசம் ஆகியவற்றின் முதல்வர்களுக்கு இந்தக் கடிதம் எழுதப்பட்டுள்ளது.

    இதுவரை மாநில அரசுகளால் நிர்வகிக்கப்பட்டு வந்த சிறு துறைமுகங்கள் குறித்து இந்திய அரசு சமீபத்தில் மேற்கொண்டுள்ள நடவடிக்கைகள் தொடர்பாக, குறிப்பாக இதற்கென மத்திய கப்பல் போக்குவரத்துத் துறை அமைச்சகம் கொண்டு வரவிருக்கும் இந்திய துறைமுகச் சட்டம் 2021 குறித்து இந்தக் கடிதத்தில் மு.க. ஸ்டாலின் கவனப்படுத்தியுள்ளார்.

    இதன் மூலம், சிறு துறைமுகங்களின் நிர்வாகம் மாற்றப்படும் என்றும் இந்த மசோதா குறித்து விவாதிப்பதற்காக கடல்சார் மாநிலங்களின் வளர்ச்சி கவுன்சில் கூட்டம் ஜூன் 24ஆம் தேதி நடக்கவிருப்பதையும் சுட்டிக்காட்டியிருக்கிறார்.

    "தற்போதுள்ள 1908ஆம் ஆண்டின் இந்தியத் துறைமுகச் சட்டத்தின்படி சிறு துறைமுகங்களை திட்டமிட, ஒழுங்குபடுத்த, கட்டுப்படுத்த அந்தந்த மாநில அரசுகளுக்கு அதிகாரமளிக்கப்பட்டுள்ளது.

    ஆனால், இந்தப் புதிய இந்தியத் துறைமுகச் சட்ட மசோதா இதனை மாற்ற உத்தேசிக்கிறது. இதன் மூலம் சிறு துறைமுகங்கள் மீதான பெரும்பாலான அதிகாரங்கள், தற்போது வரை ஆலோசனை சொல்லும் அமைப்பாக உள்ள கடல்சார் மாநில வளர்ச்சி கவுன்சிலுக்குச் செல்லும். மேலும், தற்போது மாநில அரசுகளின் வசம் உள்ள பல அதிகாரங்கள் மத்திய அரசுக்குச் செல்லும்.

    தற்போதுள்ள அமைப்பின்படி மாநில அரசுகளின் கட்டுப்பாட்டின் கீழ் பல சிறு துறைமுகங்கல் சிறப்பாக வளர்ச்சியடைந்துள்ளன. இது தொடர்பாக புதிய சட்டத்தைக் கொண்டுவரும் மத்திய அரசின் நடவடிக்கையானது சிறு துறைமுகங்களை நிர்வகிப்பதில் நீண்டகால, மோசமான விளைவுகளை ஏற்படுத்தும்.இந்தச் சட்டம் நிறைவேற்றப்பட்டால், சிறு துறைமுகங்கள் மீது மாநில அரசுகளுக்கு எந்த பெரிய கட்டுப்பாடும் இருக்காது.

    சிறு துறைமுகங்களை நிர்வகிப்பதிலும் கட்டுப்படுத்துவதிலும் மாநிலங்களுக்கு உள்ள தன்னாட்சி அதிகாரத்தைக் குறைக்கும் இந்த நடவடிக்கை குறித்து மத்திய கப்பல்போக்குவரத்துத் துறையிடம் நாங்கள் பேசியிருக்கிறோம்.

    ஆகவே, எல்லா கடலோர மாநிலங்களும் யூனியன் பிரதேசங்களும் இந்தப் புதிய இந்தியத் துறைமுகச் சட்டத்திற்கு எதிர்ப்புத் தெரிவிக்க வேண்டும். ஏற்கனவே மாநிலங்களின் வசம் உள்ள அதிகாரங்களை நீர்த்துப்போகச் செய்யும் நடவடிக்கைகளை எதிர்க்க கூட்டு நடவடிக்கையில் இறங்க வேண்டும்.

    ஜூன் 24ஆம் தேதி நடக்கும் கூட்டத்தின்போது தமிழகத்தைப் போலவே இந்தச் சட்டத்தற்கு எதிர்ப்புத் தெரிவித்து எல்லா மாநில அரசுகளும் தங்கள் கருத்தைப் பதிவுசெய்ய வேண்டும்," என மு.க. ஸ்டாலின் தனது கடிதத்தில் குறிப்பிட்டுள்ளார்.

  10. கொரோனா அலைகளை கட்டுப்படுத்துவதில் மோதி அரசு தோல்வி: ராகுல் காந்தி

    View more on twitter

    கொரோனா தொற்றின் முதல் இரண்டு அலைகளை கட்டுப்படுத்துவதில் மத்திய அரசு தோல்வி அடைந்து விட்டது என்று காங்கிரஸ் முன்னாள் தலைவர் ராகுல் காந்தி குற்றம்சாட்டியுள்ளார்.

    டெல்லியில் காணொளி வாயிலாக செய்தியாளர்களை சந்தித்த ராகுல் காந்தி, கொரோனா வைரஸ் பரவலை கட்டுப்படுத்த மத்திய அரசு மேற்கொண்டு வரும் தடுப்பூசி திட்டங்கள், அவை செயல்படுத்தும் விதத்தை கடுமையாக சாடினார். அதன் விவரம்:

    இந்திய அரசு தனது முதல் தடுப்பூசி ஆர்டர்களை ஜனவரி 11, 2021 வரை வழங்கியது. பின்னர் இரண்டு உள்நாட்டு உற்பத்தியாளர்களிடமிருந்து 1.65 கோடி அளவு டோஸ்களை மட்டுமே ஆர்டர் செய்தது. உற்பத்தி திறனை விரிவாக்குவதற்கு இந்தியாவின் தடுப்பூசி உற்பத்தியாளர்களுக்கு போதுமான ஆதரவை முன்பே வழங்க அரசு தவறியது.

    மேலும் பிற இந்திய நிறுவனங்களுக்கு கோவாக்சின் (ஐ.சி.எம்.ஆர் மற்றும் பாரத் பயோடெக் இணைந்து உருவாக்கியது) உரிமம் வழங்குவதை தாமதப்படுத்தியது. போதுமான, மலிவு விலையுள்ள தடுப்பூசி பொருட்களை வாங்குவதற்கான தனது பொறுப்பை மத்திய அரசு கைவிட்டது, மேலும் பல்வேறு சுமைகள் இருக்கும் என தெரிந்தும் அந்தப் பணியை மாநிலங்கள் மீது மத்திய அரசு திணித்தது.

    18-44 வயதுக்குட்பட்டவர்களுக்கு தடுப்பூசி போடுவதற்கு முன்னர் கோவின் செயலியில் கட்டாய பதிவு செய்ய வேண்டும் போன்ற நடவடிக்கைகளை மத்திய அரசு வலியுறுத்தியது, இது டிஜிட்டல் கல்வியறிவு பெற்ற, நகர்ப்புற நடுத்தர வர்க்கங்களுக்கு சாதகமாக இருந்தது மற்றும் பெரும்பான்மையினரை கவனத்தில் கொள்ளாமல் அறிமுகப்படுத்தப்பட்டது.

    திடீரென கோவிஷீல்டிற்கான தடுப்பூசி இரண்டு டோஸ் போடும் அளவு கால இடைவெளியை 12 முதல் 16 வாரங்களாக மத்திய அரசு தன்னிச்சையாக அதிகரித்தது.

    இறுதியாக, இந்த ஆண்டு டிசம்பர் மாதத்திற்குள் அனைத்து பெரியர்களுக்கும் தடுப்பூசி போடும் இலக்கை நிர்ணயித்துள்ளதாக அரசு அறிவித்தது.

    ஆனால், மோதி அரசு என்ன செய்திருக்க வேண்டும். கொரோனா முதல் அலையை இந்தியா எதிர்கொண்டவுடனேயே தடுப்பூசிகளுக்கு உலகளவில் ஆர்டர்கள் செய்திருக்க வேண்டும். உற்பத்தித்திறனை வேகப்படுத்தி பொது மற்றும் தனியார் துறை நிறுவனங்களுக்கு உற்பத்திக்கான வசதிகளை மேம்படுத்தி முன்கூட்டியே மானியங்களை வழங்கியிருக்க வேண்டும். அதன் மூலமும், இந்தியாவில் தயாரிக்கப்பட்ட தடுப்பூசிகள் மற்றும் அவற்றின் மூலப்பொருட்களுக்கு கட்டாய உரிமம் வழங்குவதன் மூலமும் உற்பத்தி திறனை அதிகரித்திருக்க வேண்டும்.

    சர்வதேச கடமைகளை நிறைவேற்றும் முன்பு, நமது மக்களுக்கு தடுப்பூசிகள், மூலப்பொருட்கள் மற்றும் சாதனங்களுக்கான வசதியை பெருக்க ராஜீய அளவிலான முயற்சிகளில் கவனம் செலுத்தியிருக்க வேண்டும். தடுப்பூசிகளை மொத்தமாக தமது தொகுப்பில் வாங்கி, அவற்றை நியாயமான மற்றும் வெளிப்படையான முறையில் ஒதுக்கி, மாநிலங்களுக்கு அவற்றை பயன்படுத்தும் கட்டுப்பாட்டை வழங்கியிருக்க வேண்டும்.

    மத்திய அரசு தனது கொள்கை தோல்விகளின் முக்கிய தாக்கத்தை எதிர்கொண்டுள்ளது. உள்நாட்டு நெருக்கடிகளைச் சமாளிக்க வெளிநாட்டு உதவிகளை ஏற்க வேண்டும் என்ற 17 ஆண்டுகால பாரம்பரியத்திலிருந்து இந்தியா விலகியிருக்கிறது. பின்னர் தனக்கு கிடைத்த வெளிநாட்டு உதவி விநியோகத்தை தாமதப்படுத்தியது, மேலும் பாதிப்பை சமாளிக்க தனக்கு வந்த நன்கொடைகள் குறித்த விவரங்களை இன்னும் அரசு வெளிப்படுத்தவில்லை.

    இந்தியாவின் சுகாதார உள்கட்டமைப்பின் சரிவு மருத்துவ ஆக்ஸிஜனின் கடுமையான பற்றாக்குறை, கோவிட்-19 காரணமாக வைரஸ் எதிர்ப்பு மருந்துகள், ஆக்ஸிஜன் சாதனங்களுக்கான சட்டவிரோத சந்தையின் வளர்ச்சி போன்றவை, தவிர்க்கப்பட்டிருக்கக் கூடிய முன்கள பணியாளர்களின் இறப்பை தவிர்க்க முடியாததாக்கி விட்டன. சிவில் சமூக அமைப்புகள் மற்றும் அரசியல் கட்சிகளால் இந்தியா ஓரளவு காப்பாற்றப்பட்டது, பொது முடக்க காலத்தில் பாதிக்கப்பட்டவர்களுக்கு அவை ஆதரவை வழங்கின.

    "தன்னிச்சையான மற்றும் பகுத்தறிவற்ற" தடுப்பூசி கொள்கை உள்ளிட்ட கொள்கை தோல்விகளுக்காக மோதி அரசாங்கத்தை நீதிமன்றங்கள் கண்டித்தன.

    தொற்றுநோயை தவறாக கையாண்டதன் காரணமாக நோயாளிகளின் மரணத்தை ‘இனப்படுகொலைக்கு’ சமமானது என்று அலகாபாத் உயர் நீதிமன்றம் அழைத்தது என்று ராகுல் காந்தி சாடினார்.

    இந்த விவகாரத்தில் உள்நாட்டு தடுப்பூசி உற்பத்தியை அதிகரிக்க காப்புரிமை சட்டம் 1970இன் கீழ் கட்டாய உரிம விதிகளை மேற்கொள்ளுங்கள். சான்றுகள், சமபங்கு மற்றும் குறிப்பிட்ட உள்ளூர் தேவைகளை மையமாகக் கொண்ட வெளிப்படையான, நியாயமான சூத்திரத்தின் அடிப்படையில் மாநிலங்களுக்கு தடுப்பூசிகளை ஒதுக்குங்கள், துல்லியமான தடுப்பூசி தொடர்பான தரவுகளை வெளிப்படையான முறையில் பொதுவெளியில் கிடைக்கச் செய்யுங்கள், தேசிய அளவிலான அரசியல் மற்றும் நிர்வாக நடவடிக்கைகளை நடைமுறைப்படுத்துதல், தொற்றுநோயைக் கட்டுப்படுத்துவதற்கான நடவடிக்கைகளை மறுஆய்வு செய்தல், மாநில அரசாங்கங்களுடன் ஒருங்கிணைப்பை மேம்படுத்துதல் மற்றும் சிவில் சமூகத்துடன் ஒத்துழைத்தல் போன்ற நடவடிக்கையை எடுங்கள் என்று ராகுல் காந்தி யோசனை கூறியுள்ளார்.

    மருத்துவமனைகளின் நோயாளிகள் கையாளும் திறனை மேம்படுத்தி, கொரோனா தொற்றாளர்கள் மற்றும் கொரோனா அல்லாத தொற்றாளர்களுக்கு சமமான கவனம் செலுத்தி சிகிச்சை கிடைக்க நடவடிக்கை எடுக்க வேண்டும் என்று ராகுல் காந்தி வலியுறுத்தியுள்ளார்.

    View more on twitter
பக்கம் 1 இல் 5