பிரேசில்

தாம் கொல்லப்படலாம், சிறையில் அடைக்கப்படலாம் அல்லது அடுத்த ஆண்டு நடக்கவுள்ள அதிபர் தேர்தலில் வெற்றி பெறலாம் என்று தமது எதிர்காலம் குறித்து மூன்று கணிப்புகளை வெளியிட்டுள்ளார் பிரேசில் அதிபர் சயீர் பொல்சனாரூ.

முன்னாள் அதிபரான இடதுசாரி அரசியல்வாதி லூயிஸ் இனாசியோ லூலா டி சில்வாவை விட இவருக்கு வெற்றி வாய்ப்பு குறைவாகவே இருப்பதாக தேர்தலுக்கு முந்தைய கருத்துக் கணிப்புகள் கூறுகின்றன.

எனினும் தாம் சிறைக்கு செல்வதற்கான வாய்ப்புகள் இல்லை என்றும் பொல்சனாரூ குறிப்பிட்டுள்ளார். "பூமியிலுள்ள யாராலும் என்னை அச்சுறுத்த முடியாது," என்றும் அவர் கூறியுள்ளார்.

2018ஆம் ஆண்டு தேர்தலுக்கு முன்பு பரப்புரையில் ஈடுபட்டு இருந்த சயீர் பொல்சனாரூ கத்தியால் குத்தப்பட்டார்.

பிரேசிலின் மின்னணு வாக்குப்பதிவு முறை குறித்து கேள்வி எழுப்பியுள்ள இவர் அடுத்த ஆண்டு நடக்கவுள்ள அதிபர் தேர்தலின் முடிவுகளை ஏற்றுக் கொள்ளப் போவதில்லை என்றும் கூறியுள்ளார்.

பிரேசிலின் தலைமை தேர்தல் நீதிமன்றம் அந்நாட்டின் வாக்குப்பதிவு முறையில் எந்த கோளாறும் இல்லை என்று புதன்கிழமையன்று கூறியிருந்தது.

AFPCopyright: AFP

கொரோனா வைரஸ் குறித்த தவறான தகவல்களைப் பகிர்ந்ததற்காக பிரேசில் அதிபர் சயீர் பொல்சனாரூவின் காணொளிகள் சிலவற்றை தங்கள் இணையதளத்தில் இருந்து யூடியூப் நீக்கியுள்ளது.

கொள்கை மற்றும் அரசியல் நிலைப்பாடு காரணமாக இந்த முடிவை நாங்கள் எடுக்கவில்லை; உள்ளடக்க விதிகள் காரணமாகவே நீக்கியுள்ளோம் என்றும் அந்த நிறுவனம் தெரிவிக்கிறது.

கொரோனா பெருந்தொற்று தொடங்கியது முதலே பொது முடக்கம், முக்கவசம் அணிதல், தடுப்பூசிகள் உள்ளிட்டவற்றுக்கு எதிராக அவர் கருத்து தெரிவித்து வந்தார்.

ReutersCopyright: Reuters

உலகம் முழுக்க பரவிக் கொண்டிருக்கும் கொரோனா வைரஸால் அதிக மரணங்களை எதிர்கொண்டிருக்கும் இரண்டாவது நாடாக இருக்கிறது பிரேசில்.ஆறு லட்சம் மரணங்களைக் கடந்து அமெரிக்கா முதலிடத்தில் இருக்கிறது. ஐந்து லட்சம் மரணங்களோடு பிரேசில் இரண்டாவது இடத்தில் இருக்கிறது. இந்தியாவில் கொரோனாவால் சுமார் 3.80 லட்சம் பேர் மரணித்து இருக்கிறார்கள்.பிரேசிலில் 15 சதவீத பெரியவர்களுக்கு மட்டுமே முழுமையாக கொரோனா தடுப்பூசி செலுத்தப்பட்டிருக்கிறது என ஃபியோக்ரஸ் என்கிற சுகாதார அமைப்பு கூறுகிறது.பிரேசிலில் கொரோனா தடுப்பூசி செலுத்தும் பணி தாமதமாவதால், குளிர் காலத்தில் கொரோனா பரவல் மேலும் அதிகரிக்கலாம் என நிபுணர்கள் எச்சரித்து இருக்கிறார்கள்.