சென்னை

  1. மு.க. ஸ்டாலின்

    இந்தியளவில் முன்னிலை வகிக்கும் முதல் நகரமாக 75.50 மதிப்பெண்களோடு இமாச்சலப் பிரதேசத்திலுள்ள சிம்லா தேர்வாகியுள்ளது. அதைத் தொடர்ந்து 73.29 மதிப்பெண்களோடு கோயம்புத்தூர் இரண்டாவது இடத்தையும் 72.36 மதிப்பெண்களோடு சண்டிகர் மூன்றாவது இடத்தையும் பிடித்துள்ளது.

    மேலும் படிக்க
    next
  2. நரேந்திர சிங் தோமர்

    2014ஆம் ஆண்டோடு ஒப்பிடும் போது, குறைந்தபட்ச ஆதார விலை இரட்டிப்பாகியுள்ளது. முன்பு நெல் மற்றும் கோதுமை மட்டுமே குறைந்தபட்ச ஆதார விலையின் கீழ் கொள்முதல் செய்யப்பட்டன.

    Follow
    next
  3. ஆ விஜயானந்த்

    பிபிசி தமிழ்

    வெள்ளம்

    வடகிழக்குப் பருவமழையின் காரணமாக தமிழ்நாட்டின் பல பகுதிகள் வெள்ளத்தில் மிதக்கின்றன. "இனிவரும் நாள்களில் மழை பெய்யவில்லை என்றாலும்கூட தேவைக்கு அதிகமான மழை பெய்துவிட்டது." என வானிலை ஆய்வாளர்கள் கூறுகிறார்கள்.

    மேலும் படிக்க
    next
  4. முரளிதரன் காசிவிஸ்வநாதன்

    பிபிசி தமிழ்

    தக்காளி

    சென்னையில் சில்லறை விலையில் தக்காளி கிலோ 140 ரூபாயைத் தொட்டிருக்கிறது. மழை, வரத்துக் குறைவு என பல காரணங்களைச் சொல்கிறார்கள் வியாபாரிகள். எப்போது விலை குறையும்?

    மேலும் படிக்க
    next
  5. ஆ. விஜயானந்த்

    பிபிசி தமிழ்

    உள்ளாட்சித் தேர்தல்: மலர்ந்ததா தாமரை, வீழ்ந்ததா அதிமுக? -உண்மை நிலவரம் இதுதான்

    21 மாநகராட்சிகள், 150 நகராட்சிகள் என முக்கிய பதவிகளுக்காக இந்தத் தேர்தல் நடக்கவுள்ளதால் தொண்டர்கள் மிகுந்த ஆர்வத்துடன் மனுக்களைப் பெற்றுச் செல்வதாக தகவல்கள் வெளியாகியுள்ளன.

    மேலும் படிக்க
    next
  6. வேளாண் சட்டங்கள்: கூட்டத்தொடர் முதல் நாளிலேயே நடவடிக்கை எடுங்கள் - மு.க. ஸ்டாலின்

    விவசாயிகள்

    "நாடாளுமன்றத்தில் முறையாக மூன்று வேளாண் சட்டங்களையும் திரும்பப் பெற, கூட்டத்தொடரின் முதல் நாளிலேயே நடவடிக்கை எடுக்க வேண்டும்" என்று தமிழக முதல்வர் மு.க. ஸ்டாலின் தெரிவித்துள்ளார்.

    இது தொடர்பராக அவர் இன்று வெளியிட்டுள்ள அறிக்கையின் விவரம்:மூன்று வேளாண் சட்டங்களும் திரும்பப் பெறப்படும் என்று பிரதமர் நரேந்திர மோதி இன்று காலை அறிவித்திருப்பதை மனபூர்வமாக வரவேற்கிறேன். இது கடந்த ஓராண்டுகாலமாக இம்மூன்று சட்டங்களையும் எதிர்த்துப் போராடிய வேளாண் பெருங்குடி மக்களுக்கும் ஜனநாயக சக்திகளுக்கும் கிடைத்த மாபெரும் வெற்றியாகும். மூன்று சட்டங்களையும் திரும்பப் பெறும் பேச்சுக்கே இடமில்லை என்று சொல்லி வந்த ஒன்றிய அரசை இந்தியா முழுக்க நடந்துவந்த இடைவிடாத போராட்டமே மனமாற்றம் செய்து இறங்கி வர வைத்தது என்று கூறியுள்ளார்.

    இந்த மூன்று சட்டங்களும் கொண்டுவரப்பட்டபோது தொடக்க நிலையிலேயே திராவிட முன்னேற்றக் கழகம் எதிர்த்தது. நாடாளுமன்றத்தில் குரல் எழுப்பியது. மக்களவையிலும் மாநிலங்களவையிலும் எதிர்த்து வாக்களித்தது. உச்சநீதிமன்றத்தில் வழக்கும் தாக்கல் செய்தோம். மக்கள் மன்றத்திலும் பல்வேறு போராட்டங்களை முன்னெடுத்தோம். தி.மு.க. சார்பில் மாநிலம் முழுவதும் ஆர்ப்பாட்டம் நடத்தப்பட்டது. கூட்டணிக் கட்சியினருடன் இணைந்து உண்ணாநிலைப் போராட்டம் முன்னெடுக்கப்பட்டது. உழவர் சங்கங்கள் நடத்திய அனைத்து போராட்டங்களிலும் கலந்து கொண்டோம். சட்டமன்றத்திலும் குரல் கொடுத்தோம். மூன்று சட்டங்களுக்கும் எதிராகச் சட்டமன்றத்தில் தீர்மானம் போடச் சொன்னோம். ஆனால் அன்றைய அ.தி.மு.க. ஆட்சி அதைச் செய்யவில்லை என்று அவர் குறிப்பிட்டுள்ளார்.

    இன்னும் சொன்னால் மூன்று வேளாண் சட்டங்களுக்கு ஆதரவாக அ.தி.மு.க. பரப்புரையில் ஈடுபட்டது. அந்தச் சட்டங்களில் என்ன தவறு இருக்கிறது என்று பத்திரிகையாளர்களை வாதத்திற்கு அழைத்தார் அன்றைய முதலமைச்சர் பழனிசாமி. பா.ஜ.க.வைவிட அதிகமாக அவர்தான் ஆதரித்தார். இவரை அழைத்துச் சென்று டெல்லியில் போராடி வரும் உழவர்களுக்கு விளக்கம் சொல்ல வைக்கலாமே என்று நான் அப்போது சொன்னேன். அந்தளவுக்கு அ.தி.மு.க. அந்தச் சட்டங்களை ஆதரிப்பதில் தனது அடிமை விசுவாசத்தைக் காட்டியது. உழவர்கள் எதிர்பார்ப்பது குறைந்தபட்ச ஆதார விலை. அது குறைந்தபட்சம் சொல்லாகக் கூட இல்லை. அதனை வேளாண் சட்டம் என்று சொல்வது கூட தவறானது. அது உழவர்களை நிலங்களில் இருந்து வெளியேற்றும் சட்டம் ஆகும் என்று மிகத் தெளிவாக முடிவெடுத்த தி.மு.கழகம் இச்சட்டங்களை எதிர்த்துச் சட்டமன்றத்தில் தீர்மானம் நிறைவேற்றும் என்று சொன்னோம். அதன்படி கழக ஆட்சி அமைந்ததும் 28.08.2021 அன்று நானே முதலமைச்சர் என்ற முறையில் முன்மொழிந்து தீர்மானம் நிறைவேற்றினோம் என்று அவர் குறிப்பிட்டுள்ளார்.

    கடந்த ஓராண்டுகாலமாக நாடாளுமன்றத்திலும் சட்டமன்றத்திலும் மக்கள் மன்றத்திலும் நாங்கள் சொன்னதே சரியானது என்பதை இப்போது பிரதமரே ஒப்புக் கொண்டுள்ளார். இப்போதாவது ஒப்புக்கொண்டதற்கு எனது நன்றியைத் தெரிவித்துக் கொள்கிறேன்! இந்த மாபெரும் வெற்றிக்குக் காரணமானது தலைநகர் டெல்லியில் கடந்த ஓராண்டு காலம் இடைவிடாது போராடி வரும் உழவர் பெருங்குடி மக்களின் தியாகம்தான். கடந்த ஆண்டு நவம்பர் 26-ஆம் நாள் டெல்லிக்கு வந்து நேரடியான போராட்டத்தை உழவர்கள் தொடங்கினார்கள். ஓராண்டு காலத்தை எட்டுவதற்கு இன்னும் சரியாக ஏழு நாட்களே உள்ளன. நவம்பர் 26-ஆம் நாள் மாபெரும் போராட்டத்தை முன்னெடுப்பதற்கு உழவர் சங்கங்கள் தயாராகி வந்தன.

    வெயிலையும் மழையையும் நடுங்க வைக்கும் குளிரையும் பொருட்படுத்தாமல், உணவைப் பற்றிக் கவலைப்படாமல், உடல்நலனைப் பற்றி கவலைப்படாமல் உழவர்கள் போராடினார்கள். இதுவரை 700-க்கும் மேற்பட்டோர் இறந்துள்ளார்கள். ஆனாலும் தங்களது போராட்டக் குணத்தை விடாமல் கடைப்பிடித்தார்கள் உழவர்கள். உழவர்கள் போராட்டம் நவம்பர் 26-க்குப் பிறகு இன்னும் வேகம் எடுக்கும் என்பது தெரிந்தோ, அல்லது நடக்க இருக்கும் சில மாநிலச் சட்டப்பேரவைத் தேர்தல்களை மனதில் வைத்தோ இத்தகைய முடிவை ஒன்றிய அரசு எடுத்துள்ளது. இவ்வளவுப் போராட்டங்கள், தியாகங்களுக்குப் பிறகுதான் சட்டம் திரும்பப் பெறப்படும் என்ற அறிவிப்பு வெளியாகி இருக்கிறது. காரணம் எதுவாக இருந்தாலும், திரும்பப் பெறும் முடிவு வரவேற்கத்தக்கது ஆகும்.

    நாடாளுமன்றத்தில் முறையாக இம்மூன்று சட்டங்களும் திரும்பப் பெறக் கூட்டத்தொடரின் முதல் நாளிலேயே நடவடிக்கை எடுக்க வேண்டும். போராடிய உழவர்களை அழைத்து ஒன்றிய அரசு பேச்சுவார்த்தை நடத்த வேண்டும். உழவர்களின் கோரிக்கைகளுக்குச் செவிமடுக்க வேண்டும். போராட்டத்தில் உயிரிழந்த விவசாயிகள் அனைவருக்கும் நிதியுதவி அளித்து, அனைத்து வழக்குகளையும் திரும்பப் பெற வேண்டும். இந்தக் கோரிக்கைகளை ஏற்றுச் செயல்படுத்துவதன் மூலமாக உழவர்களுக்கு நம்பிக்கையை உருவாக்க வேண்டும். இந்திய வேளாண்மை செழிக்க வேண்டுமானால் அது உழவர்களின் மூலமாகத்தான் செழிக்க வேண்டும். அதற்கு அடித்தளமான ஆக்கபூர்வமான செயல்திட்டங்களை இனியாவது ஒன்றிய அரசு செயல்படுத்த முன்வர வேண்டும் எனவும் குடியுரிமைத் திருத்தச் சட்டம் உள்ளிட்ட பிற மக்கள் விரும்பாத சட்டங்களையும் திரும்பப் பெற வேண்டும் என்று கேட்டுக் கொள்கிறேன் என்று ஸ்டாலின் கூறியுள்ளார்.

  7. வந்துகொண்டிருக்கும் செய்திதமிழ்நாட்டில் வெள்ள சேதங்களை பார்வையிடும் மத்திய குழு விவரம் அறிவிப்பு

    தமிழக மலை
    Image caption: தமிழக மலை

    தமிழ்நாட்டில் சமீபத்தில் ஏற்பட்ட மழை வெள்ள சேத பாதிப்புகளை பார்வையிட மத்திய உள்துறை இணை செயலாளர் ராஜிவ் சர்மா தலைமையிலான அமைச்சகங்களுக்கு இடையிலான ஏழு பேர் அடங்கிய குழுவை மத்திய அரசு அறிவித்துள்ளது.

    இந்த குழுவில் ஆர்.பி.கவுல் (நிதி), விஜய் ராஜ்மோகன் (வேளாண்), ஆர். தங்கமணி (நீர்வளம்), பாவ்யா பாண்டே (மின்துறை), ரனஞ்செய் சிங் (சாலை போக்குவரத்து), எம்.வி.என்.வரபிரசாத் (கிராமப்புற வளர்ச்சி) ஆகியோர் இடம்பெறுவர் என்று மத்திய அரசு அறிவித்துள்ளது.

    இந்த குழுவினர் தமிழகத்துக்கு விரைவில் செல்வதற்கு முன்பாக தங்களுக்குள் கூடி மாநிலத்தில் எந்தெந்த பகுதிகளுக்கு செல்வது, எத்தனை குழுவாக பிரிந்து செல்வது உள்ளிட்டவை குறித்து விவாதிப்பார்கள் என உள்துறை அமைச்சக அதிகாரிகள் தெரிவித்தனர்.

  8. Video content

    Video caption: சென்னை உள்ளிட்ட நான்கு மாவட்டங்களுக்கு ரெட் அலர்ட்

    வங்காள விரிகுடாவில் ஏற்பட்டுள்ள காற்றழுத்தத் தாழ்வுப் பகுதியால், சென்னை உள்ளிட்ட நான்கு மாவட்டங்களுக்கு நாளை அதி கனமழை பெய்ய வாய்ப்புள்ளதாக ரெட் அலர்ட் கொடுக்கப்பட்டுள்ளது.

  9. சஞ்சீப் பானர்ஜி

    நீதித்துறை வெளிப்படைத்தன்மை மற்றும் பொறுப்புடைமையை பேண இதேபோல செயல்படுங்கள் என்று நீதிமன்ற பதிவுத்துறைக்கு கடைசியாக எழுதியுள்ள கடிதத்தில் தலைமை நீதிபதி சஞ்சீப் பானர்ஜி குறிப்பிட்டுள்ளார்.

    மேலும் படிக்க
    next
  10. கொல்கத்தா உயர் நீதிமன்றம்

    சென்னை உயர் நீதிமன்ற தலைமை நீதிபதியாக சஞ்ஜீப் பானர்ஜி பணியாற்றியபோது மாதந்தோறும் குறைந்தபட்சம் 70 வழக்குகளிலாவது தீர்ப்பு வழங்கியிருப்பார். அவரது செயல்பாடு, வேகமாக வழக்குகளை பைசல் செய்யும் பாணி, முக்கிய வழக்குகளில் தீர்ப்பு வழங்குவதில் செலுத்தும் ஈடுபாடு பெரிய அளவில் தாக்கத்தை ஏற்படுத்தி வந்தது.

    மேலும் படிக்க
    next
பக்கம் 1 இல் 31