ముగిసిన 20 ఏళ్ల యాత్ర

  • 15 సెప్టెంబర్ 2017
కస్సీని, cassini Image copyright Getty Images

నాసా ప్రతిష్ఠాత్మకంగా భావించే కస్సీని ఉపగ్రహం సుదీర్ఘ యాత్ర శుక్రవారంతో ముగిసింది.

దాదాపు 13 ఏళ్ల పాటు శని గ్రహం, దాని ఉప గ్రహాలను చుట్టేసి అక్కడి ఎన్నో రహస్యాలను ప్రపంచానికి చెప్పింది. శని గ్రహానికి ఉపగ్రహాలైన ఎన్సెలడస్‌, టైటాన్‌లపై ఎలాంటి వాతావరణ పరిస్థితులు ఉన్నాయో గుర్తించింది.

Image copyright NASA

శని గ్రహంతోపాటు ఉపగ్రహాల ఫొటోలు తీసేందుకు 1997లో కస్సీని ఉపగ్రహాన్ని అమెరికా అంతరిక్ష పరిశోధనా సంస్థ నాసా పంపింది. 2004లో అది శని గ్రహం కక్ష్యలోకి ప్రవేశించింది. అప్పటి నుంచి కక్ష్యలో తిరుగుతూ పరిశోధకులకు విలువైన సమాచారాన్ని అందిస్తూ వచ్చింది.

Image copyright NASA/JPL-CALTECH/SSI

అక్కడ వాతావరణ పరిస్థితులు, నీటి వనరులు ఎలా ఉన్నాయి? జీవుల మనుగఢ సాధ్యమేనా? అనే అంశాలకు సంబంధించి కీలక సమాచారాన్ని నాసాకు చేరవేసింది.

Image copyright NASA/JPL-CALTECH/SS
చిత్రం శీర్షిక కస్సీని తీసిన చివరి చిత్రాల్లో ఇదొకటి. ఇందులో శని ఉత్తర భాగం మీదుగా వెళ్తున్న ఎన్సెలడస్‌.

కస్సీని విశేషాలు..

ప్రయాణం: దాదాపు 788కోట్ల 57 లక్షల 85 వేల 600 కిలోమీటర్లు

వేగం: గంటకు 1.12 లక్షల కిలోమీటర్లు

తీసిన ఫొటోలు: 4,50,000

గుర్తించిన ఉపగ్రహాలు: 6

ఆఖరి తేది శుక్రవారం(15-09-2017)

Image copyright Reuters

ఇటీవల ఇంధనం అయిపోవడంతో కస్సీని కక్ష్య నుంచి శని గ్రహంపైకి పడిపోవడం ప్రారంభించింది. శుక్రవారం సాయంత్రానికి శని గ్రహం వాతావరణంలోకి ప్రవేశించగానే విచ్ఛిన్నమైపోయింది.

సంబంధిత అంశాలు