రూ.10 కాయిన్స్‌ - అపోహలు, నిజాలు: ఏవి చెల్లుతాయి? ఏవి చెల్లవు? ఎవరైనా తీసుకోకపోతే ఏం చేయాలి?

కేంద్ర ప్రభుత్వం రూ.500, రూ.వెయ్యి నోట్లను రద్దు చేసిన తర్వాత సామాన్యులకు మరో సమస్య తలెత్తింది. అదే రూ.10 కాయిన్స్‌ చెల్లుబాటుపై వస్తోన్న పుకార్లు.

'ప్రజల్లో రూ.10 కాయన్స్‌పై అనేక భయాలున్నాయి. కొత్తవి, పాతవి కలిపి చాలా రూపాల్లో రూ.10 కాయిన్స్ కనిపిస్తుండటంతో కొందరు గందరగోళానికి గురవుతున్నా'రని హైదరాబాద్‌లో మెడికల్ రిప్రజెంటేటివ్‌గా పనిచేస్తున్న అజయ్ తెలిపారు.

'కాయన్ మీద 10 లైన్లు, 15 లైన్లు ఉన్నవాటిని తీసుకోవడం లేదు. ఆటో డ్రైవర్లు, టీ కొట్టు దగ్గర నాకు ఇలాంటి సమస్యలు తరచూ ఎదురవుతున్నాయ'ని ఆయన చెప్పారు.

'ఏ రూపంలో ఉన్నా చెల్లుతాయి'

రూ.10 కాయిన్స్ చెల్లవని వస్తోన్న పుకార్లపై ఆర్‌బీఐ స్పందించింది. ఇలాంటి పుకార్లను అరికట్టడానికి, ప్రజల్లో అవగాహన కల్పించడానికి ప్రయత్నాలు చేస్తోంది. మొబైల్ ఫోన్లకు సందేశాలు కూడా పంపుతోంది.

అన్ని రకాల రూ.10 కాయిన్స్‌ చెల్లుతాయని, అపోహలుంటే 14440 టోల్ ఫ్రీ నంబర్‌కు మిస్డ్ కాల్ ఇచ్చి పూర్తి వివరాలు తెలుసుకోవచ్చని ప్రజలకు సూచిస్తోంది.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)