వైరల్: భార్య మీద అనుమానం వచ్చింది.. చెట్టుకు కట్టేసి కొట్టాడు

  • 24 మార్చి 2018
బులంద్‌షహర్, వీడియోలో భార్యను చెట్టుకు కట్టేసి కొడుతున్న భర్త Image copyright BBC/VIRAL VIDEO'S SCREENGRAB
చిత్రం శీర్షిక వీడియోలో భార్యను చెట్టుకు కట్టేసి కొడుతున్న భర్త

అక్కడ ఒక మహిళను చెట్టుకు కట్టేసి కొడుతున్నారు. ఆమె బాధతో అరుస్తూ స్పృహ తప్పి పడిపోయింది. కానీ గ్రామస్తులు మాత్రం ప్రేక్షకుల్లా చూస్తూ ఉండిపోయారు.

ఈ సంఘటన ఉత్తరప్రదేశ్‌లోని బులంద్‌షహర్ జిల్లా లోంగా గ్రామంలో జరిగింది.

ఇంతకూ ఆ మహిళను కొట్టడానికి కారణం భర్తకు ఆమె ప్రవర్తనపై అనుమానం రావడమే. అందుకే అతను అందరి ఎదుటా ఆమెను అంతలా కొట్టాడు.

మార్చి 10న జరిగిన ఆ సంఘటనకు సంబంధించిన వీడియో ఇప్పుడు వైరల్‌గా మారింది.

బాధితురాలు ఇంటినుంచి వెళ్లిపోయి వారం తర్వాత తిరిగి రాగా, కుటుంబ సభ్యులు ఆమెకు ఈ శిక్ష విధించారని బులంద్‌షహర్ ఎస్‌ఎస్‌పీ ప్రవీణ్ రంజన్ తెలిపారు.

ఈ సంఘటనకు సంబంధించి పోలీసులు బాధితురాలి భర్తతో పాటు మరో ఇద్దరిని అరెస్ట్ చేశారు.

Image copyright SUMIT SHARMA
చిత్రం శీర్షిక వీడియోలో చోద్యం చూస్తున్న వారందరిపై చర్యలకు ఆదేశించిన కలెక్టర్

ఈ విషయంపై గ్రామంలో పంచాయితీ కూడా నిర్వహించారని స్థానిక జర్నలిస్టు సుమీత్ శర్మ తెలిపారు.

అయితే ఈ విషయాన్ని పోలీసులు నిర్ధారించలేదు.

వీడియోను చూసిన జిల్లా కలెక్టర్ రోషన్ జాకోబ్ బాధిరాలిని కలిసి వివరాలు తెలుసుకున్నారు. వీడియోలోని వ్యక్తులను గుర్తించి శిక్ష పడేట్లు చేస్తామని తెలిపారు.

ఈ సంఘటనపై డీఎమ్ స్థానికుల నుంచి వివరాలు తెలుసుకోవడానికి ప్రయత్నించగా స్థానికులు బాధితురాలిదే తప్పని తెలిపారు.

జాతీయ నేర రికార్డుల బ్యూరో జాబితా ప్రకారం, మహిళలపై నేరాల విషయంలో 2015, 2016 లో ఉత్తర ప్రదేశ్ మొదటి స్థానంలో ఉంది.

2015లో భర్త, అతని తరపు బంధువులపై 8,660 కేసులు నమోదు కాగా, 2016లో 11,166 కేసులు నమోదయ్యాయి.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)

ముఖ్యమైన కథనాలు

బీబీసీ ఇంటర్వ్యూ: ‘బాబ్రీ డిమాండ్‌ను విరమించుకోండి, అక్కడ హిందువులు ఆలయాన్ని కట్టుకోనివ్వండి’

నక్క, కుందేలు, గద్ద - ఇలాంటి వేటను ఎప్పుడైనా చూశారా?

విశ్లేషణ: కిమ్‌తో భేటీని ట్రంప్ ఎందుకు రద్దు చేసుకున్నారు? అమెరికా వ్యూహం ఏంటి?

ఐస్‌లాండ్: పోటెత్తుతున్న పర్యాటకులు.. ప్రమాదంలో పర్యావరణం

లబ్‌డబ్బు: బ్యాంకులపై మొండి బకాయిల ప్రభావం ఎలా ఉండబోతోంది?

'ఆ వార్తల్లో నిజం లేదు..తెలంగాణ రాష్ట్రంలో నిపా వైరస్ జాడలేదు’

పెట్రోల్ జీఎస్టీ పరిధిలోకి వస్తే ధర పెరుగుతుందా? తగ్గుతుందా?

బ్రెజిల్: డీజిల్ ధరల పెంపుపై ట్రక్ డ్రైవర్ల ఆగ్రహం.. స్తంభించిన దేశం.. ‘రంగంలోకి సైన్యం’