ప్రత్యేక హోదా డైరీ: దిల్లీలో కొనసాగుతున్న ఆందోళనలు; కేజ్రీవాల్ మద్దతు

  • 8 ఏప్రిల్ 2018
Image copyright FACEBOOK/TDP

ప్రధాని నివాసం ఎదుట టీడీపీ ఎంపీల ధర్నా

ఆంధ్రప్రదేశ్‌కు న్యాయం చేయాలని కోరుతూ తెలుగు దేశం పార్టీ ఎంపీలు ప్రధాన మంత్రి మోదీ నివాసం ఎదుట బైఠాయించారు.

రాజ్యసభ ఎంపీ సుజనా చౌదరి నివాసం నుంచి ర్యాలీగా బయలు దేరిన టీడీపీ ఎంపీలు ప్రధాని ఇంటి ముందు ధర్నాకు దిగారు.

ప్లకార్డులు పట్టుకొని ఏపీకి న్యాయం చేయాలంటూ నినదించారు. అయితే, ఆందోళన చేస్తున్న వారిని పోలీసులు అక్కడి నుంచి తుగ్లక్ రోడ్డు పోలీస్ స్టేషన్‌కు తరలించారు.

Image copyright FACEBOOK/TDP

ప్రత్యేక హోదాకు కేజ్రీవాల్ మద్దతు

ఏపీకి ప్రత్యేక హోదా ఇవ్వాలని దిల్లీ ముఖ్యమంత్రి అరవింద్ కేజ్రీవాల్ కేంద్ర ప్రభుత్వాన్ని డిమాండ్ చేశారు.

తుగ్లక్ రోడ్డు పోలీస్ స్టేషన్ వద్ద టీడీపీ ఎంపీలను కలసిన ఆయన ప్రత్యేక హోదాపై మీడియాతో మాట్లాడారు.

''టీడీపీ డిమాండ్ న్యాయమైంది. ఏపీకి ప్రత్యేక హోదాను వెంటనే అమలు చేయాలి. ఎంపీలు ప్రధానిని కలవడానికి వెళ్తే వారిని పోలీస్ స్టేషన్‌కు తరలించడం బాధకరం. ఇది ప్రజాస్వామ్యం అనిపించుకోదు. టీడీపీ డిమాండ్‌కు మేం మద్దతిస్తున్నాం'' అని తెలిపారు.

Image copyright FACEBOOK/YSRCPONLINETV/YSRCP

ప్రత్యేక హోదా ఏపీ హక్కు: విజయమ్మ

ప్రత్యేక హోదా ఆంధ్రప్రదేశ్ హక్కు అని వైఎస్సార్ సీపీ గౌరవ అధ్యక్షురాలు వైఎస్ విజయమ్మ అన్నారు.

దిల్లీలోని ఏపీ భవన్ వద్ద ఆమరణ నిరహార దీక్ష చేస్తున్న పార్టీ ఎంపీలను ఆమె పరామర్శించారు.

తమ పార్టీ ప్రత్యేక హోదా కోసం అన్ని విధాలుగా పోరాడుతోందని తెలిపారు.

పార్టీలకతీతంగా పోరాటానికి ముందుకు రావాలని కోరారు. ప్రత్యేక హోదా సాధించుకునే పరిస్థితి ఇంకా చేజారిపోలేదని అన్నారు.

Image copyright FACEBOOK/YSRCP

కొనసాగుతున్న వైఎస్సార్ సీపీ ఎంపీల దీక్ష

ఏపీకి ప్రత్యేక హోదా అమలు చేయాలంటూ దిల్లీలోని ఏపీ భవన్ వద్ద వైఎస్సార్ సీపీ ఎంపీలు ఆమరణ నిరహార దీక్ష కొనసాగిస్తున్నారు.

శనివారం ఎంపీ మేకపాటి రాజమోహన్ రెడ్డి ఆరోగ్యం క్షీణించడంతో ఆయనను ఆస్పత్రికి తరలించారు.

ఆదివారం నాడు ఎంపీ వరప్రసాద్ ఆరోగ్యం కూడా క్షీణించడంతో పోలీసులు దీక్షా స్థలానికి వెళ్లి ఆయనను అక్కడి నుంచి రామ్ మనోహర్ లోహియా ఆస్పత్రికి తరలించారు.

ఇవి కూడా చూడండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)

ముఖ్యమైన కథనాలు

India vs New Zealand: టీ-20 మ్యాచ్ టై... సూపర్ ఓవర్‌లో రోహిత్ శర్మ సిక్సర్లతో న్యూజీలాండ్‌పై భారత్ విజయం

డోనల్డ్ ట్రంప్: ఎట్టకేలకు వెలుగు చూసిన మధ్యప్రాచ్య శాంతి ఒప్పంద ప్రణాళిక

సైనా నెహ్వాల్: భారతీయ జనతా పార్టీలో చేరిన బ్యాడ్మింటన్ క్రీడాకారిణి

కరోనా వైరస్‌కు చైనా వాక్సిన్

మూవీ ఆర్టిస్ట్స్ అసోసియేషన్ వివాదం - ‘మా’లో ఏం జరుగుతోంది.. సమస్య ఎక్కడ మొదలైంది

వైఎస్ వివేకా కేసును సీబీఐకి అప్పగించేందుకు ప్రభుత్వానికి అభ్యంతరమేంటి?- హైకోర్టు

హిజాబ్‌ ధరించి క్రికెట్ ఆడుతున్న అమ్మాయిలు

నంబి నారాయణన్: ఒక నకిలీ ‘గూఢచార కుంభకోణం’ ఈ సైంటిస్టు జీవితాన్ని ఎలా నాశనం చేసిందంటే..