#BBCShe : ‘టీజింగ్ చేస్తే ఒక్క చెంపదెబ్బ చాలు.. చాలకపోతే ఇంకొకటి!’
మీ పరికరంలో మీడియా ప్లేబ్యాక్ సదుపాయం లేదు.

#BBCShe : ‘టీజింగ్ చేస్తే ఒక్క చెంపదెబ్బ చాలు.. చాలకపోతే ఇంకొకటి!’

  • 12 ఏప్రిల్ 2018

‘‘ఓ రోజు సాయంకాలం.. పనులు ముగించుకుని ఇంటికి వెళుతున్నా. ఓ కారు నన్ను ఫాలో అవ్వడం గమనించా. ఆ రోడ్డు సాధారణంగా సందడిగా ఉంటుంది. కానీ ఆ రోజు ఆదివారం. అంతా నిర్మానుష్యంగా ఉంది. నడకలో వేగం పెంచా. కారు నా ముందు ఆగింది. అందులో నుంచి ఓ యువకుడు దిగాడు. అతడి చేతిలో కత్తి ఉంది. కత్తి చూపిస్తూ.. కారు ఎక్కమన్నాడు. ఒక్కసారిగా శక్తినంతా కూడదీసుకున్నాను.. వాడిని ఒక్క తోపు తోసి పరిగెత్తాను. కాసేపటికే ఓ ఆటో కనిపించింది. ఎలాగోలా వాడి నుంచి బయటపడ్డాను. కానీ.. ఆ క్షణం నేను భయపడి ఉంటే, ఈ రోజు ప్రాణాలతో ఉండేదాన్ని కాదేమో!''

ఇదీ.. పంజాబ్‌లోని ఓ యువతికి ఎదురైన అనుభవం. తన అనుభవాన్ని ‘బీబీసీ షీ’ కార్యక్రమంలో పంచుకున్నారు ప్రాక్షీ ఖన్నా.

పంజాబ్‌లో మహిళలపై వేధింపులు ఎక్కువగా జరుగుతున్నాయి. వేధింపుల సమయంలో కొందరు మహిళలు తిరగబడుతుంటే.. మరికొందరు మౌనంగా ఉంటున్నారు. అయితే.. వేధించేవారిపై తిరగబడటమే సమస్యకు సరైన పరిష్కారం అని భావించే మహిళలతో ‘బీబీసీ షీ’ కథనం..

ఇవి కూడా చదవండి

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)