సుజిత్ విల్సన్: బోరు బావిలో 88 అడుగుల లోతులో బాలుడు, ‘కాపాడేందుకు మరో 12 గంటలు’ ఆపరేషన్

  • 28 అక్టోబర్ 2019
తల్లి ఒడిలో సుజిత్.. పక్కనే సుజిత్ తండ్రి, సోదరుడు
చిత్రం శీర్షిక తల్లి ఒడిలో సుజిత్.. పక్కనే సుజిత్ తండ్రి, సోదరుడు

తమిళనాడు తిరుచ్చిలోని నడుకాట్టుపట్టి గ్రామంలో సుజిత్ విల్సన్ అనే రెండేళ్ల బాలుడు శుక్రవారం ఇంటి పెరట్లో ఆడుకుంటూ అక్కడే ఉన్న బోరుబావిలో పడిపోయాడు.

మొదట 26 అడుగుల లోతులో పడిన బాలుడు, తర్వాత కాపాడే ప్రయత్నాలు జరుగుతున్నప్పుడు 88 అడుగుల లోతుకు జారిపోయాడు.

తల్లిదండ్రులు పోలీసులు, అగ్నిమాపక శాఖకు సమాచారం ఇవ్వడంతో శుక్రవారం సాయంత్రం 6 గంటల నుంచి చిన్నారిని కాపాడే ప్రయత్నాలు ప్రారంబించారు.

బోరుబావిలోకి ఒక పైపుతో ఆక్సిజన్ సరఫరా చేస్తున్న ఎన్డీఆర్ఎఫ్ లోపల బాలుడి పరిస్థితిని గమనించేందుకు ఒక సీసీటీవీ కెమెరాను లోపలికి వేసింది.

ఎన్డీఆర్ఎఫ్‌కు చెందిన మరో ఆరు దళాలు, రాష్ట్ర విపత్తు స్పందన దళం సుజిత్‌ను కాపాడేందుకు నిర్విరామంగా ప్రయత్నిస్తున్నాయి.

రాళ్ల మధ్య ఇరుక్కున్న సుజిత్

శనివారం సాయంత్రం ఘటనాస్థలానికి వచ్చిన తమిళనాడు ఆరోగ్య మంత్రి విజయభాస్కర్ అధికారులు, తల్లిదండ్రులను కలిసిన తర్వాత మీడియాతో మాట్లాడారు.

"మొదట బాలుడి చేతులు పైకి కనిపించడంతో, వాటిని తాళ్లతో కట్టి, పైకి లాగాలని ఎన్డీఆర్ఎఫ్, అగ్నిమాపక సిబ్బంది ప్రయత్నించారు కానీ, కుదరలేదు.సుజిత్ రాళ్ల మధ్య ఇరుక్కుపోయి ఉన్నాడు. మేం అతడిని కాపాడేందుకు వేరే పద్ధతులు కూడా ఉపయోగిస్తున్నాం" అని చెప్పారు.

తర్వాత అధికారులు చిన్నారిని కాపాడేందుకు తను ఉన్నంత లోతుకు సమాంతరంగా గుంత తవ్వాలని నిర్ణయించారు. శనివారం అర్థరాత్రి ఒక రిగ్ తెప్పించారు. కానీ, 10 అడుగులకే రాళ్లు పడడంతో రెండో మెషిన్ తెప్పించి మరింత లోతుగా తవ్వుతున్నారు.

Image copyright FACEBOOK
చిత్రం శీర్షిక తిరుచ్చిలో బోరు బావిలో పడిన సుజిత్

వర్షంలోనూ రెస్క్యూ ఆపరేషన్

రాత్రి తమిళనాడు డిప్యూటీ సీఎం ఓ.పన్నీర్ సెల్వం సహాయ కార్యక్రమాలు జరుగుతున్న ప్రాంతానికి వచ్చారు. "ఇప్పటివరకూ అధికారులు 35 అడుగుల లోతు తవ్వారు. ఇంకా 45 అడుగులు తవ్వాలి. బోరు వేసిన వాళ్లు, నీళ్లు పడకపోవడంతో దాన్ని మూసేశారు. ఈ మధ్య వర్షాలు పడడంతో బోరుపై ఉన్న మట్టి కొట్టుకుపోయింది. దాంతో బాలుడు పడిపోయాడు" అని చెప్పారు.

ప్రస్తుతం 1 మీటర్ వ్యాసంతో రెండో మెషిన్ సమాంతర గుంత తవ్వుతోంది. అది తవ్వడం పూర్తికాగానే, రెండు గుంతలకు మధ్య అడ్డంగా ఒక రంధ్రం చేసి బాలుడిని కాపాడ్డానికి అగ్నిమాపక శాఖ సిబ్బంది సిద్ధంగా ఉన్నారు.

"సహాయ కార్యక్రమాలను ఆపివేయడం ఉండదు. వర్షం వచ్చినా అవి కొనసాగుతాయి. ఇప్పుడు సుజిత్ 88 అడుగుల లోతులో ఉన్నాడు. ఇప్పటివరకూ 40 అడుగులు తవ్వాం. ఇదే వేగంతో తను ఉన్న పాయింట్ వరకూ తవ్వాలంటే మరో 12 గంటలు పడుతుంది" అని రెవెన్యూ శాఖ కమిషనర్ రాధాకృష్ణన్ సోమవారం మీడియాకు చెప్పారు.

అధికారులతోపాటు దేశ సినీ, రాజకీయ ప్రముఖులు కూడా సుజిత్ బోరుబావి నుంచి క్షేమంగా బయటపడాలని ప్రార్థిస్తున్నారు.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)

ముఖ్యమైన కథనాలు

టర్కీ బహిష్కరించిన ఐఎస్ జిహాదీల పరిస్థితి ఏమిటి... తమ దేశం వద్దంటే వారు ఎటు పోవాలి?

'దెయ్యాలను 12 ట్రక్కుల్లో మూడు రోజుల పాటు మరో చోటుకు తరలించాం'

సోషల్ మీడియాతో లక్షలు లక్షలు సంపాదిస్తున్నారు... ఎలా?

భాయిచంద్ పటేల్: 'ఆ అమ్మాయిలకు తిరగడానికి తెల్లవాళ్ళు, పెళ్లికి మాత్రం మనలాంటి వాళ్లు కావాలి'

ప్రెస్ రివ్యూ: 'జగన్‌తోనే నా ప్రయాణం... చంద్రబాబు ఇసుకదీక్ష సరికాదు' - టీడీపీ ఎమ్మెల్యే వంశీ

కరసేవకుడి నుంచి ప్రధాని వరకు... మోదీకి అయోధ్య ఉద్యమం ఎలా ఉపయోగపడింది...

పాకిస్తాన్: 10 ఏళ్ల తర్వాత స్వదేశంలో టెస్ట్ మ్యాచ్: శ్రీలంక జట్టుకు ఎందుకు కృతజ్ఞతలు చెబుతున్నారు

హైదరాబాద్: బడి దగ్గర అన్నం గిన్నెతో చిన్నారి ఫొటో వెనుక నిజాలేమిటి