భూత వైద్యం: వైద్యులకు దెయ్యాలపై చదువు చెప్పనున్న బనారస్ హిందూ యూనివర్శిటీ

  • 26 డిసెంబర్ 2019
ముంబయిలో ఆయుర్వేదం డాక్టర్లకు చదువు చెబుతున్న ప్రొఫెసర్ 2008లో తీసిన చిత్రం Image copyright Getty Images

దెయ్యాలను చూశామని చెప్పేవారికి, దెయ్యం పట్టినట్లు ప్రవర్తించే వారికి చికిత్స ఎలా చెయ్యాలనే అంశంపై ప్రముఖ బనారస్ హిందూ యూనివర్శిటీ (బీహెచ్‌యూ) వైద్యులకు ఒక సర్టిఫికెట్ కోర్సును మొదలుపెడుతున్నట్లు ప్రకటించింది.

ఆరు నెలల ఈ సర్టిఫికెట్ కోర్సు 2020 జనవరి నుంచి వారణాసిలోని బీహెచ్‌యూలో ప్రారంభం కానుంది.

కొంతమంది ఒక్కోసారి మానసిక రుగ్మతలను కూడా అతీంద్రీయ సంఘటనలుగా భావిస్తుంటారని, అలాంటి రుగ్మతలతో బాధపడేవారిని లక్ష్యంగా చేసుకుంటామని యూనివర్శిటీ యాజమాన్యం చెబుతోంది.

హిందూ జీవనశైలిలో భాగమైన ప్రాచీన వైద్య, ఉపశమన పద్ధతి.. ఆయుర్వేదం అధ్యాపకులే ఈ కొత్త కోర్సును కూడా బోధించనున్నారు.

యూనివర్శిటీలో ప్రత్యేకంగా భూత వైద్యం విభాగాన్ని నెలకొల్పినట్లు బీహెచ్‌యూ అధికారి ఒకరు ఐఏఎన్ఎస్ వార్తా సంస్థకు అధికారికంగా తెలిపారు.

''భూత వైద్యం ప్రధానంగా మానసిక రుగ్మతలు, నిర్దిష్టమైన కారణాల తెలియని వ్యాధులు, మానసిక పరిస్థితులకు సంబంధించిన వ్యాధులకు సంబంధించినది'' అని యూనివర్శిటీలోని ఆయుర్వేదం అధ్యాపకుల అధిపతి యామినీ భూషణ్ త్రిపాఠి చెప్పారు.

''దెయ్యాలకు సంబంధించిన రోగాలను నయం చేసే ఆయుర్వేద పద్ధతులపై'' డాక్టర్లకు చదువుచెప్పే కోర్సును అందిస్తున్న మొదటి యూనివర్శిటీ దేశంలో తమదేనని కూడా ఆమె వెల్లడించారు.

ఆయుర్వేద వైద్యంలో మూలికలతో చేసిన మందులు, ఆహార నియమాలు, మర్దనలు, శ్వాస నియంత్రణ పద్ధతుల మొదలైనవి భాగంగా ఉంటాయి.

మానసిక ఆరోగ్యం, నాడీశాస్త్ర జాతీయ సంస్థ (నిమ్‌హాన్స్) 2016లో నిర్వహించిన ఒక అధ్యయనం ప్రకారం దాదాపు 14 శాతం మంది భారతీయులు మానసిక అనారోగ్యంతో బాధపడుతున్నారు. ప్రపంచ ఆరోగ్య సంస్థ అంచనాల ప్రకారం 2017లో భారతీయుల్లో 20 శాతం మంది తమ జీవితంలో ఏదో ఒక దశలో నిరాశ, నిస్పృహలతో బాధపడే అవకాశం ఉంది.

భారతదేశ జనాభా 130 కోట్లు కాగా.. దేశంలో మానసిక వైద్య నిపుణులు 4 వేల మంది మాత్రమే ఉన్నారు. మానసిక ఆరోగ్యంపై సమాజంలో చాలా తక్కువ అవగాహన ఉంది.

Image copyright Getty Images
చిత్రం శీర్షిక పేదరికం అధికంగా ఉన్న ప్రాంతాల్లో మానసిక రుగ్మతలను మంత్రగాళ్లు/మంత్రగత్తెలు నయం చేస్తుంటారని ప్రజలు భావిస్తుంటారు

మానసిక రుగ్మతలకు చాలా తక్కువ మంది మాత్రమే వైద్య నిపుణులను సంప్రదిస్తుంటారు. అలా వైద్యులను సంప్రదించడంపై సామాజికంగా చాలా అపోహలు ఉన్నాయి. ముఖ్యంగా గ్రామీణ, పేదరికం అధికంగా ఉన్న ప్రాంతాల్లో మానసిక రుగ్మతలను మంత్రగాళ్లు/మంత్రగత్తెలు నయం చేస్తుంటారని ప్రజలు భావిస్తుంటారు.

అయితే, ప్రభుత్వ ఆధ్వర్యంలోని బీహెచ్‌యూలో భూత వైద్యం కోర్సును ప్రవేశపెడుతున్నారన్న వార్త తెలుసుకున్న కొందరు సోషల్ మీడియా వేదికగా ప్రశ్నలు సంధిస్తున్నారు. మానసిక సమస్యలను పరిష్కరించేందుకు మేలైన పద్ధతులు ఉండగా ఈ కోర్సు ఏంటని నిలదీస్తున్నారు.

కాగా, ఈ కోర్సును కొంతమంది సమర్థిస్తున్నారు. కానీ, పేరు మార్చాలని సూచిస్తున్నారు.

కొంతమంది మాత్రం కేంద్ర ప్రభుత్వ ప్రాధాన్యాలను ప్రశ్నిస్తూ, ఈ కోర్సు ప్రకటనను ఎగతాళి చేస్తున్నారు.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)

ఈ కథనం గురించి మరింత సమాచారం

ముఖ్యమైన కథనాలు

రూల్ 71 అంటే ఏంటి.. అసెంబ్లీ ఆమోదించిన బిల్లును మండలి తిరస్కరిస్తే ఏం జరుగుతుంది

విశాఖపట్నంలో రాజధాని: సెక్రటేరియట్, సీఎం నివాసం ఉండేది ఎక్కడంటే..

ఏనుగు ఈ స్టార్‌ హోటల్‌కు రెగ్యులర్ కస్టమర్.. చూడండి ఏం చేస్తోందో

సాయిబాబా ‘జన్మస్థలం’పై వెనక్కు తగ్గిన సీఎం.. షిరిడీ సంస్థాన్‌ ట్రస్టుతో చర్చలు

ఆంధ్రప్రదేశ్‌కు మూడు రాజధానులు: విశాఖపట్నంలో సచివాలయం, రాజ్‌భవన్.. అమరావతిలో అసెంబ్లీ.. కర్నూలులో హైకోర్టు

దీప కర్మాకర్ అడుగుజాడల్లో త్రిపుర నుంచి దూసుకువస్తున్న మరో జిమ్నాస్ట్..

ఆంధ్రా, తెలంగాణల్లో ఎన్‌ఆర్‌సీ, ఎన్‌పీఆర్ అమలు చేస్తారా.. ముస్లింలు ఎందుకు ఆందోళన చెందుతున్నారు

వసతి గృహంలో బాలికలపై అత్యాచారం కేసు: 19 మందిని దోషులుగా తేల్చిన కోర్టు