ప్రియాంకా గాంధీ: 'ఉత్తర్‌ప్రదేశ్ పోలీసులు నా గొంతు పట్టుకున్నారు.. నాతో గొడవపడ్డారు'

  • 28 డిసెంబర్ 2019
ప్రియాంకా గాంధీ Image copyright Getty Images

లఖ్‌నవూలో మహిళా పోలీసులు తన గొంతు పట్టుకున్నారని, తనతో గొడవపడ్డారని కాంగ్రెస్ ప్రధాన కార్యదర్శి ప్రియాంకా గాంధీ చెప్పారు.

పౌరసత్వ సవరణ చట్టం వ్యతిరేకతల సమయంలో అరెస్టు చేసిన రిటైర్డ్ పోలీస్ అధికారి ఇంటికి వెళ్తున్నప్పుడు తనను ఆపేందుకు ప్రయత్నించారని, అదే సమయంలో ఇదంతా జరిగిందని ఆమె చెప్పారు.

దీనికి సంబంధించి ఉత్తర్‌ప్రదేశ్ పోలీసుల నుంచి ఎలాంటి ప్రకటనా వెలువడలేదు.

76 ఏళ్ల మాజీ పోలీస్ అధికారి ఎస్.ఆర్. దారాపురీ ఇంటికి వెళ్లడానికి ప్రియాంకాగాంధీ మొదట ఒక స్కూటర్ వెనుక కూర్చున్నారు. తర్వాత నడిచివెళ్తున్నారు. పౌరసత్వ సవరణ చట్టంపై నిరసనలు చేసినందుకు ఎస్.ఆర్. దారాపురీని ఇదే వారం అరెస్టు చేశారు.

ప్రియాంక తన ఫేస్‌బుక్ పేజీలో ఒక వీడియో కూడా పోస్ట్ చేశారు. అందులో ఆమె నడిచి వెళ్తున్నారు. ఆమెతోపాటు కాంగ్రెస్ కార్యకర్తలు ఉన్నారు.

ఈ వీడియోతోపాటు "ఉత్తర్‌ప్రదేశ్ పోలీసులు ఇలా చేస్తారేంటి? ఇలా అందరి రాకపోకలను అడ్డుకుంటున్నారు. నేను రిటైర్డ్ పోలీస్ అధికారి, అంబేడ్కర్‌వాది, సామాజిక కార్యకర్త ఎస్.ఆర్.దారాపురి ఇంటికి వెళ్తున్నాను. ఉత్తర్‌ప్రదేశ్ పోలీసులు ఆయన్ను ఎన్ఆర్సీ, పౌరసత్వ చట్టానికి వ్యతిరేకంగా శాంతిపూర్వక నిరసనలు చేసినందుకు ఇంటి నుంచి తీసుకెళ్లారు" అని ఆమె రాశారు.

"నన్ను బలవంతంగా అడ్డుకున్నారు. మహిళా అధికారి నా గొంతు పట్టుకుని లాగారు. కానీ నేను గట్టిగా నిలబడ్డాను. నేను ఉత్తర్‌ప్రదేశ్ పోలీసుల దౌర్జన్యానికి బలవుతున్న ప్రతి పౌరుడికీ అండగా నిలుస్తున్నాను" అని కూడా ప్రియాంక చెప్పారు.

"బీజేపీ ప్రభుత్వం పిరికిపంద చర్యలకు పాల్పడుతోంది. నేను ఉత్తర్‌ప్రదేశ్ ఇంచార్జిని. నేను ఉత్తరప్రదేశ్‌లో ఎక్కడికెళ్లాలి అనేది ఈ బీజేపీ ప్రభుత్వం నిర్ణయించదు" అని కూడా ఆమె పేర్కొన్నారు.

కాన్వాయ్‌ను అడ్డుకున్నారు - ప్రియాంక

"నేను దారాపురి కుటుంబాన్ని కలవడానికి వెళ్తున్నప్పుడు యూపీ పోలీసులు నన్ను అడ్డుకున్నారు. వాళ్లు నా గొంతు పట్టుకున్నారు. నాతో గొడవపడ్డారు. నేను పార్టీ కార్యకర్త టు-వీలర్‌పై కూర్చుని వెళ్తున్నప్పుడు, వాళ్లు నన్ను చుట్టుముట్టారు. ఆ తర్వాత నేను నడిచి అక్కడికి చేరుకున్నాను" అని ప్రియాంక గాంధీ చెప్పారని వార్తా సంస్థ ఏఎన్ఐ తెలిపింది.

అంతకుముందు తన కాన్వాయ్ దారాపురి ఇంటికి వెళ్తున్నప్పుడు పోలీసులు తనను అడ్డుకున్నారని ఆమె చెప్పారు.

"వాళ్లు నన్ను రోడ్డు మధ్యలో ఆపేశారు. వారి దగ్గర నన్ను ఆపడానికి ఎలాంటి కారణం లేదు. వాళ్లలా ఎందుకు చేశారో దేవుడికే తెలియాలి" అని ప్రియాంకా గాంధీ అన్నారని ఏఎన్ఐ వార్తా సంస్థ ట్వీట్ చేసింది.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)

సంబంధిత అంశాలు

ఈ కథనం గురించి మరింత సమాచారం

ముఖ్యమైన కథనాలు

వైఎస్ జగన్మోహన్ రెడ్డి: 'ఈ పేద రాష్ట్రానికి మండలి అవసరమా'

నిర్భయ దోషులను చివరి కోరిక అడిగిన తీహార్ జైలు అధికారులు

బాంబే డక్: ‘భారతదేశ చేపల్లో అద్భుతమైన చేప’

‘అన్ని రకాల క్యాన్సర్లకూ చికిత్స చేసే టెక్నిక్‌’

'ఇంగ్లిష్ మీడియం బిల్లు'కు రెండోసారి ఏపీ అసెంబ్లీ ఆమోదం.. ఇప్పుడు మండలిలో ఏం జరుగుతుంది..

కరోనా వైరస్‌: చైనాలో మరో నగరానికి రాకపోకలు నిలిపివేత

‘రోహింజ్యాలపై మారణహోమం ఆపేందుకు చర్యలు తీసుకోండి’- మయన్మార్‌కు ఐసీజే ఆదేశం

ఆంధ్రప్రదేశ్: శాసన మండలిలో అసలేం జరిగింది? సెలెక్ట్ కమిటీ ఏం చేస్తుంది

చనిపోయిన వ్యక్తి నుంచి వీర్యం సేకరించి పిల్లలు పుట్టించొచ్చా