కమల్ హాసన్ 'భారతీయుడు-2' సినిమా సెట్లో ప్రమాదం, ముగ్గురు మృతి

  • 20 ఫిబ్రవరి 2020
భారతీయుడు-2 Image copyright Twitter

కమల్ హాసన్ నటిస్తున్న భారతీయుడు-2 సినిమా సెట్లో ప్రమాదం జరిగింది. ఈ ఘటనలో ముగ్గురు టెక్నీషియన్లు మృతి చెందారు.

సినిమా కోసం ఓ భారీ సెట్ ఏర్పాటుచేస్తున్న సమయంలో పెద్ద క్రేన్ ఒకటి పక్కకు ఒరిగి పడిపోవడంతో ఈ ప్రమాదం చోటుచేసుకుంది. దీంతో ముగ్గురు మరణించగా, 9మంది గాయపడ్డారు. వారిని వెంటనే హాస్పటల్‌కు తరలించారు.

పోలీసులు ఘటనా స్థలికి చేరుకుని విచారణ చేపట్టారు.

దీనిపై కమల్ హాసన్ ట్విటర్ వేదికగా తన సంతాపం వ్యక్తం చేశారు.

"నేను నా జీవితంలో ఎన్నో ప్రమాదాలు చూశాను. కానీ ఇది చాలా విషాదం మిగిల్చింది. వారి కుటుంబ సభ్యులకు నాకన్నా ఎక్కు బాధ ఉంటుంది. వారికి నా సానుభూతి తెలుపుతున్నా" అని అన్నారు.

గాయపడినవారికి చికిత్స అందిస్తున్న డాక్టర్లతో కూడా తాను మాట్లాడానని, వారంతా త్వరగా కోలుకుని, మళ్లీ మాతో భాగస్వాములు కావాలని కోరకుంటున్నానని మరో ట్వీట్‌లో తెలిపారు.

ఈ ప్రమాదంపై లైకా ప్రొడక్షన్స్ ఓ పత్రికా ప్రకటన విడుదల చేసింది.

"మేం అనుభవిస్తున్న బాధను వర్ణించడానికి మాటలు చాలవు. భారతీయుడు-2 షూటింగ్ సెట్లలో నిన్న జరిగిన ఈ ప్రమాదం మాకు చాలా బాధను కలిగించింది. ఎంతో కష్టపడి పనిచేసే ముగ్గురు టెక్నీషియన్లను మేం కోల్పోయాం. వారి కుటుంబ సభ్యులకు మా సంతాపాన్ని తెలియచేస్తున్నాం" అని ఆ ప్రకటనలో పేర్కొంది.

Image copyright Twitter

శంకర్ దర్శకత్వం వహిస్తున్న భారతీయుడు-2 సినిమా షూటింగ్ చెన్నై పరిసరాల్లో జరుగుతోంది. దీనిలో కమల్ హాసన్‌కు జోడీగా కాజల్ అగర్వాల్ నటిస్తున్నారు. ఈ సంవత్సరం ఏప్రిల్‌లో ఈ సినిమా విడుదల కానుంది.

ఇవి కూడా చదవండి.

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)

ముఖ్యమైన కథనాలు

కరోనావైరస్: ‘నాలాంటి నాలుగు వేల మంది బతుకులు రోడ్డు మీద పడ్డాయి’

కరోనా లాక్‌డౌన్: కరోనాపై పోరులో మనకున్న ఏకైక ఆయుధాన్ని వాడుదాం - కేసీఆర్

లాక్‌డౌన్ కష్టాలు: కొడుకు శవాన్ని చేతుల్లో మోసుకెళ్లిన తండ్రి

‘కరోనావైరస్ మీద నేను ఎలా పోరాడుతున్నానంటే...’ - హైదరాబాద్‌ పేషెంట్ నంబర్ 16 స్వీయ అనుభవం

కరోనా లాక్‌డౌన్: ‘చావు తప్పదనుకుంటే మా ఊళ్లోనే చనిపోతాం’

కరోనా వైరస్: ఇది సోకకూడదంటే రోగనిరోధక శక్తి ఏ స్థాయిలో ఉండాలి

కరోనావైరస్: ఆయన మరణించారు.. బంధువుల్లో 19 మందికి సోకింది.. ఇంకా 40 వేల మందికి సోకిందేమోనన్న టెన్షన్

కరోనావైరస్: తొలి మేడిన్ ఇండియా టెస్టింగ్ కిట్‌ను అందించిన భారత శాస్త్రవేత్త ఈమే.. కిట్ ఇచ్చిన గంటకే బిడ్డకు జన్మనిచ్చిన మీనల్

కరోనావైరస్: ట్విటర్‌లో #ShameOnBCCI ట్రెండింగ్, ఎందుకు