న్యూజీలాండ్: ప్రత్యేక విమానంలో ప్రయాణించిన ప్రధాని జసిండా ఆర్డెర్న్.. రూ.38 లక్షల అదనపు వ్యయంపై విమర్శలు
Image copyright
Getty Images
బిడ్డకు ఎక్కువ సమయం దూరంగా ఉండలేక వైమానిక దళం ప్రత్యేక విమానంలో ప్రయాణించిన న్యూజీలాండ్ ప్రధాని జసిండా ఆర్డెర్న్ తన నిర్ణయాన్ని సమర్థించుకున్నారు.
బిడ్డకు ఇంకా పాలు పడుతున్న ఆర్డర్న్ నవూరూలో సోమవారం ప్రారంభమైన పసిఫిక్ ఐలాండ్స్ ఫోరం మూడు రోజుల సదస్సులో పాల్గొనడానికి సెప్టెంబర్ 5వ తేదీ బుధవారం ఒక్క రోజే ఆమె వెళ్లారు.
వైమానిక దళానికి చెందిన బోయింగ్ 757లో న్యూజీలాండ్ ఉప ప్రధాని విన్‌స్టన్ పీటర్స్‌తో కలిసి ఆమె సోమవారమే ఈ ఫోరం కోసం వెళ్లాల్సి ఉంది. కానీ, బిడ్డకు ఎక్కువ సేపు దూరంగా ఉండకూడదనే కారణంతో ఆమె ఆరోజు అక్కడికి వెళ్లలేకపోయారు.
సోమవారం ఉప ప్రధానిని నవూరూలో దించిన వైమానిక దళ విమానం, అక్కడ పార్కింగ్ ప్లేస్ లేకపోవడంతో అక్కడికి గంట దూరంలో ఉన్న మార్షల్ ఐలండ్స్ వెళ్లింది. బుధవారం ప్రధాని జసిండాను మళ్లీ నవూరూకు తీసుకువెళ్లడానికి మళ్ళీ న్యూజీలాండ్ వచ్చింది.
వైమానిక దళం విమానం ఆమె కోసం అదనంగా ఇంత దూరం ప్రయాణించడానికి 80 వేల న్యూజీలాండ్ డాలర్లు అంటే దాదాపు 38 లక్షల రూపాయల ప్రజాధనం ఖర్చయినట్టు అంచనా వేస్తున్నారు.
ఇది నా నిర్ణయమే...
"ఈ నిర్ణయం నాదే, నేను ఒక దశలో ఆస్ట్రేలియా విమానంలో అక్కడికి వెళ్లాలని కూడా అనుకున్నాను, అక్కడికి వెళ్లడానికి నేను చాలా రకాల మార్గాలు వెతకడానికి ప్రయత్నించాను" అని ఆమె సోమవారం ఎన్‌జడ్ హెరాల్డ్‌కు తెలిపారు.
"కాసేపు అక్కడికి వెళ్లాలా, వద్దా అని కూడా ఆలోచించా. ఒకవేళ వెళ్తే, నన్ను ఇలాగే అంటారని తెలుసు. వెళ్లకపోయినా నన్ను ఇదే స్థాయిలో విమర్శించేవారు".
వైమానిక దళం విమానాన్ని ఎట్టి పరిస్థితుల్లో నావురులో ఉంచడం సాధ్యం కాదని, అక్కడికి గంట దూరంలో ఉన్న మార్షల్ ఐలాండ్స్‌లో పార్క్ చేయాల్సి ఉంటుందని అధికారులు తనతో అన్నారని ఆమె తెలిపారు.
ఫోరం కోసం పసిఫిక్ దేశాల మంత్రులు, నేతలు అందరూ రావడంతో నావురు ద్వీపంలో విమానాలు నిండిపోయాయి. దీంతో విమానాలన్నింటినీ మార్షల్ ఐలాండ్స్ పంపించారు.
న్యూజీలాండ్ నుంచి నవూరూ వెళ్లడానికి ఐదున్నర గంటల సమయం పడితే, అక్కడి నుంచి మార్షల్ ఐలాండ్స్ వెళ్లడానికి మరో గంట పడుతుంది.
ప్రధాని నిర్ణయానికి గర్విస్తున్నా
11 వారాల పాపకు ఎక్కువ సేపు పాలు ఇవ్వకుండా ఉండలేకపోవడంతో ఆర్డెర్న్ సోమవారం నవూరూ వెళ్లలేకపోయారు.
పాపకు అక్కడికి తీసుకెళ్లడానికి అవసరమైన వ్యాక్సిన్లు వేసే వయసు కూడా లేదు.
మూడు రోజులపాటు జరిగే ఫోరం కోసం ఒక రోజు నవూరూ వెళ్లి రావాలని జసిండా నిర్ణయించారు.
కానీ, వైమానిక దళం విమానంలో ప్రధాని ఒక్క రోజు ప్రయాణంపై సోషల్ మీడియాలో మిశ్రమ స్పందనలు కనిపించాయి.
"మా నేత ఒక్క రోజు పర్యటనకు నవూరూ వెళ్లాలని ప్రయత్నించడం (నాకు) గర్వంగా ఉంది" అని ట్విటర్ యూజర్ ఒకరు పోస్ట్ చేశారు.
కానీ, కొందరు మాత్రం ఆమె అక్కడికి వెళ్లాల్సిన అవసరమేముంది అని ప్రశ్నించారు. "ఉప ప్రధాన మంత్రి అక్కడకు వెళ్లినప్పుడు, ఇక ఆమె అవసరం ఏముంది" అని ఇంకొకరు పోస్ట్ చేశారు.
"అక్కడికి వెళ్లకపోతే 1971 తర్వాత పసిఫిక్ ఐలాండ్స్ ఫోరంకు హాజరు కాని తొలి (న్యూజీలాండ్) ప్రధాన మంత్రిగా నిలిచేదాన్ని" అని అర్డెర్న్ చెప్పారు.
ఇది చాలా ప్రత్యేక పరిస్థితి అని భవిష్యత్తులో ఇలా జరగదని ఆమె వివరించారు.
ఇవికూడా చదవండి:
- బిల్ క్లింటన్‌పై ప్రశ్న అడగటంతో టీవీ ఇంటర్వ్యూ నుంచి మధ్యలోనే వెళ్లిపోయిన మోనికా లూవిన్‌స్కీ
- పిల్లల మీద లైంగిక అకృత్యాలను ప్రేరేపించే వెబ్ సైట్లను హోస్ట్ చేస్తున్న దేశాలేవి?
- జపాన్‌ మీద విరుచుకుపడిన 'టైఫూన్ జేబి'
- అర్జెంటీనాలో 60 శాతం వడ్డీ: పెట్టుబడి పెడతారా?
- మియన్మార్‌లో రాయిటర్స్ జర్నలిస్టులకు ఏడేళ్ల జైలు శిక్ష
- లిబియా అల్లర్లు: జైలు నుంచి పారిపోయిన 400 మంది ఖైదీలు
- సిరియా యుద్ధం: అమెరికా హెచ్చరికల్ని ఖాతరు చేయని రష్యా.. ఇడ్లిబ్‌పై బాంబులు వేస్తున్న విమానాలు
- లక్షలాది మంది ముస్లింలను చైనా ఎందుకు నిర్బంధిస్తోంది?
- న్యూజిలాండ్: ప్రసూతి సెలవు ముగించుకుని పనిలో చేరిన ప్రధానమంత్రి
- అర్జెంటీనా: అబార్షన్ హక్కు కోసం పోరాడుతున్న మహిళలు
- స్వలింగ సంపర్కం - సెక్షన్ 377 : ఆరు రంగుల జెండా అసలు కథ
- హాంకాంగ్‌: ఇక్కడ పాఠశాల విద్య ఖర్చు ఏడాదికి రూ.94 లక్షలు
- అభిప్రాయం: ప్రకృతి వైపరీత్యానికీ శబరిమల దేవుడికీ ఎలా ముడిపెడతారు?
- ‘జీవితాన్ని ధారపోయడమే నక్సలిజం అయితే, నక్సలైట్లు చాలా మంచి వాళ్లు’
- యూట్యూబ్ వీడియోలు చూసి కాన్పు, గర్భిణి మరణం: ఇంటి దగ్గర ప్రసవం మంచిదేనా?
- ‘రాహుల్ గాంధీ కైలాశ్ మానస సరోవర్ యాత్రకు నిజంగానే వెళ్లారా? ఫొటోషాప్ చేస్తున్నారా?’
(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)