యూట్యూబ్ స్టార్: లక్షల వ్యూస్ వస్తున్నా... ఈ బాలిక వీడియోలు చేయడం మానేసింది

  • 27 జనవరి 2019
జెస్సీ

ఈ బాలిక పేరు జెస్సీ. వయసు 11 ఏళ్లు. మెక్సికోకు చెందిన జెస్సీ యూట్యూబ్‌లో చాలా పాపులర్.

ఈమె యూట్యూబ్ చానల్‌కు ఇప్పటివరకూ 13.5 కోట్ల వ్యూస్ వచ్చాయి.

వీడియోలు చేయడానికి, కెమెరా ముందు మాట్లాడటానికి ఆమెకు ఎలాంటి స్క్రిప్టూ అవసరం లేదు. కెమెరా ముందుకు రాగానే గలగలా సంతోషంగా మాట్లాడేస్తుంది. ఆ లక్షణమే ఆమెకు అంతటి ఆదరణను తీసుకొచ్చింది.

మీ పరికరంలో మీడియా ప్లేబ్యాక్ సదుపాయం లేదు.
Media caption13.5 కోట్ల మంది అభిమానులున్న 11 ఏళ్ల యూట్యూబ్ స్టార్

తన సోదరుడు పెపెతో కలసి జెస్సీ వీడియోలను రూపొందిస్తూ ఉంటుంది. డిస్నీ కోసం చేసిన ఓ వీడియోకు ఏకంగా 2.2 కోట్ల వ్యూస్ వచ్చాయి.

తన వీడియోలను చూసి ప్రజలంతా సంతోషించాలని, తనకు బాగా పేరు రావాలనేది జెస్సీ కోరిక. అయితే, కొన్ని వీడియోలకు తను ఆశించిన స్థాయిలో వ్యూస్ రాకపోతే ఆమె ఒక్కోసారి నిరాశకు గురయ్యేది.

ఉన్నట్లుండి జెస్సీ యూట్యూబ్‌లో వీడియోలను పోస్ట్ చేయడం ఆపేసింది. కానీ, కొద్ది రోజుల తర్వాత మళ్లీ ఓ వీడియో పోస్ట్ చేసింది. అదేంటంటే...

"హలో, నా పేరు జెస్సికా. మీ అందరికీ నేను జెస్సీగా తెలుసు. నా జీవితం ఎలా మారిపోయిందో ఈరోజు మీకు చెప్పాలనుకుంటున్నా" అంటూ ప్రారంభమైన ఆ వీడియోలో జెస్సీ తన జీవితంలో జరిగిన ఓ విషాద సంఘటనను వివరించింది.

జెస్సీ తల్లి పేరు అలైసియా. జెస్సీ, ఆమె సోదరుడు పెపెల జీవితంలో అమ్మ ఎంతో ముఖ్యమైన వ్యక్తి.

"ఓరోజు అమ్మకు ఆరోగ్యం బాగోలేదు. ఆమె చాలా బాధపడింది. ఆమెకు కేన్సర్ చివరి దశలో ఉందని తేలింది."

కొద్ది రోజుల్లోనే ఆమె చనిపోయారు.

తన తల్లిని ఎప్పటికీ గుర్తుంచుకోవాలని జెస్సీ భావించింది.

అమ్మవాళ్ల కవల సోదరితో ఓ వీడియోను రూపొందించింది. ఈ వీడియోకు ఇప్పటికే 60 లక్షల వ్యూస్ వచ్చాయి. ఇంకా వస్తున్నాయి.

"కొంతకాలంగా జెస్సీ యూట్యూబ్‌కు దూరంగా ఉండడం వల్ల కొద్దిగా ఆదరణ తగ్గింది. కానీ అమ్మను మర్చిపోవడానికి ఇది సాయం చేస్తోందేమో అనిపిస్తోంది" అని సోదరుడు అంటున్నారు.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)

ముఖ్యమైన కథనాలు

టీడీపీ ఎంపీలు: ‘అవును.. బీజేపీలో చేరుతున్నాం’ - సుజనా చౌదరి, టీజీ వెంకటేశ్

‘టీడీపీని బీజేపీలో విలీనం చేయండి’ - వెంకయ్య నాయుడిని కోరిన సుజనా, సీఎం రమేశ్, గరికపాటి, టీజీ

టీకాలు ఎలా పనిచేస్తాయి.. టీకాల విజయం ఏమిటి.. టీకాలపై కొందరిలో సంశయం ఎందుకు

14 ఏళ్ల తర్వాత చైనా అధ్యక్షుడు ఉత్తర కొరియాకు ఎందుకు వెళ్తున్నారు

పాకిస్తాన్‌ జైళ్లలో మత్స్యకారులు: 'ఎదురుచూపులతోనే ఏడు నెలలు .. వస్తారో రారో తెలియదు'

గుజరాత్ లాకప్‌డెత్ కేసులో ఐపీఎస్ అధికారి సంజీవ్ భట్‌ను దోషిగా తేల్చిన కోర్టు

వీడియో: చిన్న కర్రతో సింహాన్ని తరిమేసిన గోశాల నిర్వాహకుడు

'వీర్యదాత చట్టపరంగా తండ్రి': కోర్టు తీర్పు