ఐదేళ్ల తర్వాత వీడియోలో కనిపించిన ఇస్లామిక్ స్టేట్ అధినేత.. శ్రీలంక దాడులు తమ పనేనని ప్రకటన

  • 30 ఏప్రిల్ 2019
బాగ్దాదీ Image copyright iS video

ఇస్లామిక్ స్టేట్ (ఐఎస్) మిలిటెంట్ సంస్థ అధినేత అబూ బకర్ అల్-బగ్దాదీ దాదాపు ఐదేళ్ల తర్వాత తొలిసారి ఓ వీడియోలో కనిపించారు.

బగ్దాదీ ప్రసంగంగా పేర్కొంటూ ఐఎస్ ఈ వీడియోను విడుదల చేసింది. ఇంతకుముందు బగ్దాదీ 2014లో 'ఖలీఫా రాజ్యం' ఏర్పాటు చేస్తానంటూ మోసుల్‌లో మాట్లాడిన వీడియో ఒక్కటే ఆయన చివరి వీడియోగా చెప్పేవారు.

ఐఎస్ సొంత మీడియా నెట్‌వర్క్ అల్-ఫర్ఖాన్‌లో 18 నిమిషాల నిడివి ఉన్న తాజా వీడియోను పోస్ట్ చేసింది.

దీన్ని ఎప్పుడు రికార్డ్ చేశారన్నదానిపై స్పష్టత రాలేదు. ఐఎస్ మాత్రం ఏప్రిల్‌లో చిత్రీకరించామని చెబుతోంది.

వీడియో విశ్వసనీయతను నిర్ధారించే పనిలో తమ నిపుణులు ఉన్నారని అమెరికా విదేశాంగ శాఖ తెలిపింది. 'ఇంకా మిగిలి ఉన్న ఐఎస్ నాయకులకు పని పట్టేందుకు' అమెరికా నేతృత్వంలోని కూటమి కట్టుబడి ఉందని ప్రకటించింది.

Image copyright AFP

బగ్దాదీ ఏం చెప్పారు?

బుర్కినా ఫసో, మాలిలోని మిలిటెంట్లు తమకు విధేయత ప్రకటించారని బగ్దాదీ ఈ వీడియోలో చెబుతూ కనిపించారు.

సూడాన్, అల్జీరియాల్లో నిరసనల గురించి మాట్లాడారు. 'నిరంకుశ పాలకుల' సమస్యకు 'జీహాద్' పరిష్కారమని అన్నారు.

సుదీర్ఘ కాలం సూడన్‌ను పాలించిన ఒమర్ అల్-బషీర్, అల్జీరియాను పాలించిన అబ్దెలాజీజ్ ఇటీవలే పదవీచ్యుతలయ్యారు.

శ్రీలంక పేలుళ్లపై ఏమన్నారు

వీడియో చివర్లో బగ్దాదీ కనిపించకుండా కేవలం ఆయన మాటల ఆడియో రికార్డింగ్ మాత్రమే వినిపించింది.

శ్రీలంకలో ఈస్టర్ పండుగ రోజున జరిగిన దాడుల గురించి ఆయన ఇందులో మాట్లాడారు.

ప్రధాన వీడియో చిత్రీకరించిన తర్వాత కొన్ని రోజులకు ఈ ఆడియో రికార్డ్ చేసి ఉండొచ్చు.

సిరియాలోని బాఘజ్ పట్టణంలో తాము చవిచూసిన పతనానికి శ్రీలంకలో దాడులు ప్రతీకారమని బగ్దాదీ ఇందులో అన్నారు.

అయితే ఆ దాడులకు ఐఎస్ బాధ్యత ప్రకటించుకున్నప్పుడు బాఘజ్ పట్టణం గురించి ప్రస్తావనే చేయలేదని బీబీసీ మానిటర్ అనలిస్ట్ మినా అల్-లామీ గుర్తుచేశారు.

Image copyright Getty Images

ఓటముల ప్రస్తావన

గత ఆగస్టులోనూ బగ్దాదీ ఆడియో క్లిప్ ఒకటి బయటకువచ్చింది.

అందులో ఐఎస్ ఓటములపై నుంచి జనాల దృష్టి మరల్చేందుకు బగ్దాదీ ప్రయత్నించారని బీబీసీ మధ్య ప్రాచ్య ప్రతినిధి మార్టిన్ పాటియన్స్ అన్నారు.

తాజా వీడియోలో మాత్రం ఐఎస్ ఓటముల గురించి బగ్దాదీ నేరుగా ప్రస్తావించారు.

''బాఘజ్ పోరాటం ముగిసింది. కానీ, మరిన్ని రానున్నాయి'' అని అన్నారు.

ఐఎస్ 'సంఘర్షణ పోరాటం' జరుపుతోందని వ్యాఖ్యానించారు.

2014 తర్వాత బగ్దాదీ ఎక్కడా బయటకు కనిపించట్లేదు. ఆయన మృతి చెందినట్లు చాలా సార్లు వార్తలు వచ్చాయి.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)

ముఖ్యమైన కథనాలు

హైదరాబాద్ 'ఎన్‌కౌంటర్‌‌'పై విచారణ కమిషన్: నిందితులు పిస్టల్ లాక్కొని దాడికి దిగినా పోలీసులు గాయపడలేదా: సీజేఐ ప్రశ్న

గొల్లపూడి మారుతీరావు కన్నుమూత

ఆసిఫాబాద్ మహిళ అత్యాచారం, హత్య కేసు: ‘ఆ శరీరం ఆడమనిషిలానే లేదు.. నా కోడలిని బొమ్మలా ఆడుకున్నారు’

అమెరికా అధ్యక్షుడు ట్రంప్‌కి, అమెజాన్‌కి మధ్య వివాదంలో లాభపడిన మైక్రోసాఫ్ట్

రజినీకాంత్ @69: సినిమాలా? రాజకీయమా? జీవితంలోని కీలక సమంలో ఏ నిర్ణయం తీసుకుంటారు?

యువకుడిపై నలుగురి అత్యాచారం... ముంబైలో మూడు గంటల పాటు నరకం

పాకిస్తాన్ థార్ ఎడారి: ఇక్కడ ఆవుల బలిదానం ఉండదు, గోమాంసం విక్రయించరు

పౌరసత్వ సవరణ బిల్లుపై అస్సాంలో ఆందోళనలు, గువాహటిలో కర్ఫ్యూ, 10 జిల్లాల్లో ఇంటర్‌నెట్ నిలిపివేత