థాయ్‌లాండ్: ప్రఖ్యాత 'మాయా బే' బీచ్ 2021 వరకూ మూసివేత

  • 10 మే 2019
మాయా బే

ది బీచ్ సినిమాతో ప్రపంచ ఖ్యాతి పొందిన 'మాయా బే' బీచ్‌ను 2021 వరకూ మూసివేతను కొనసాగించాలని థాయ్‌లాండ్ ప్రభుత్వం నిర్ణయించింది.

ఫి ఫి లే దీవిలోని ఈ అందమైన తీరానికి వచ్చే పర్యాటకుల సంఖ్య విపరీతంగా పెరగటంతో అక్కడి పర్యావరణం దెబ్బతింటోంది. అందుకే, గత ఏడాది ఈ బీచ్‌ను తాత్కాలికంగా మూసివేశారు.

Image copyright Getty Images

అప్పటికి ప్రతి రోజూ 5,000 మంది వరకూ పర్యాటకులు వస్తుండేవారు. జనం తాకిడితో బీచ్‌లోని కోరల్స్ (ప్రవాళ భిత్తికలు) చాలా వరకూ చనిపోయాయి.

హాలీవుడ్ నటుడు లియోనార్డో డికాప్రియో నటించిన 2000 నాటి 'ది బీచ్' సినిమాతో మాయా బే బీచ్‌కు విపరీతమైన ప్రాచుర్యం లభించింది.

మాయా బే జీవవారణం పునరుద్ధరణ కోసం బీచ్ సందర్శన మీద పర్యాటకుల నిషేధాన్ని రెండేళ్లు పొడిగించాలని అధికారులు నిర్ణయించారు.

గత ఏడాది బీచ్‌ను మూసివేసిన తర్వాత బ్లాక్‌టిప్ రీఫ్ షార్క్‌లు బీచ్ జలాల్లో ఈదుతుండటం కనిపించింది.

ఈ బీచ్‌ను మళ్లీ తెరిచినపుడు సందర్శకుల సంఖ్యను పరిమితం చేస్తామని, తీర జలాల్లో బోట్లను నిషేధిస్తామని థాయ్‌లాండ్ జాతీయ పార్కుల విభాగానికి చెందిన థాన్ థామ్రాన్‌గ్నావాసావాత్ ఏఎఫ్‌పీ వార్తా సంస్థతో పేర్కొన్నారు.

అయితే.. తాము ఈ బీచ్ మీద ఆధారపడి ఉపాధి పొందుతున్నామని స్థానిక టూరిస్ట్ ఆపరేటర్లు అంటున్నారు.

స్థానికులు జీవనోపాధి పొందటానికి వీలుగా ఈ బీచ్ మూసివేతపై ప్రజా దర్బారు నిర్వహించాలని స్థానిక టూరిజం అసోసియేషన్ అధ్యక్షుడు వటానా రెర్న్‌గ్సామట్ కోరుతున్నారు.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)

ముఖ్యమైన కథనాలు

CAA, దిల్లీ హింసలపై ఆందోళన వ్యక్తం చేసిన ఐక్యరాజ్య సమితి మానవ హక్కుల మండలి

కరోనావైరస్ వ్యాప్తిని ఉత్తర కొరియా సమర్థంగా ఎదుర్కోగలదా?

ప్రెస్ రివ్యూ: స్టూడెంట్స్‌ లోన్‌ యాప్‌ల నయా దందా... గడువులోగా అప్పు తీర్చకుంటే బ్లాక్‌మెయిల్‌

దిల్లీ హింస: తాహిర్ హుస్సేన్‌‌పై హత్యాయత్నం కేసు... పార్టీ నుంచి సస్పెండ్ చేసిన ఆప్

దిల్లీ హింస: 'ప్రేమికుల దినోత్సవం రోజు పెళ్ళి చేసుకున్నాడు... 11 రోజులకే అల్లర్లలో చనిపోయాడు"

యాపిల్ మొట్టమొదటి ఇండియన్ స్టోర్ 2021లో ప్రారంభం: టిమ్ కుక్

దిల్లీ హింస ప్రభావం హైదరాబాద్‌పై ఎలా ఉంది

దిల్లీ హింస: జస్టిస్ మురళీధర్ ఎవరు.. ఆయన బదిలీపై చర్చ ఎందుకు

దిల్లీ హింస: ‘హిందువుల ఆలయాలను ముస్లింలు రక్షించారు’