నాసా: అంతరిక్ష కేంద్రంలో హాలిడే.. పర్యాటకులకు అనుమతి.. ఒక రాత్రికి అద్దె రూ. 24 లక్షలు

  • 8 జూన్ 2019
నాసా, అంతర్జాతీయ అంతరిక్ష కేంద్రం Image copyright NASA

అంతరిక్ష టూర్‌కు వెళ్లాలన్న ఆసక్తి ఉంటే, పెట్టే బేడా సర్దుకొని సిద్ధంగా ఉండమంటోంది అమెరికా స్పేస్ ఏజెన్సీ నాసా.

2020 నుంచి ఇంటర్నేషనల్ స్పేస్ స్టేషన్‌ (ఐఎస్‌ఎస్‌)ను సందర్శించేందుకు పర్యాటకులను అనుమతిస్తామని ఆ సంస్థ ప్రకటించింది.

ఐఎస్‌ఎస్‌లో ఉండాలంటే ఒక రాత్రికి అద్దె రూ. 24 లక్షలు.

వాణిజ్య, పర్యాటక అవసరాలకు ఐఎస్ఎస్‌ను వినియోగించుకునేందుకు అవకాశమిస్తామని నాసా పేర్కొంది.

ఏటా రెండు ప్రైవేటు అంతరిక్ష యాత్రలు జరుగుతాయని ఐఎస్ఎస్ డిప్యూటీ డైరెక్టర్ రాబిన్ గటెన్స్ తెలిపారు.

అమెరికన్ వ్యోమనౌకల్లో వెళ్లే ప్రైవేటు వ్యోమగాములు ఐఎస్ఎస్‌లో 30 రోజుల వరకూ ఉండొచ్చని నాసా పేర్కొంది.

మునుపెన్నడూ లేని రీతిలో వాణిజ్య పరమైన అవకాశాలను అందిపుచ్చుకునేందుకు నాసా సిద్ధమైందని సంస్థ ముఖ్య ఆర్థికాధికారి జైఫ్ డెవిట్ అన్నారు.

ఈ ప్రైవేటు అంతరిక్ష యాత్రలను స్పేస్ ఎక్స్, బోయింగ్ సంస్థ అంతరిక్షయాన సంస్థలు చేపట్టనున్నాయి.

వ్యోమనౌకలో సిబ్బంది, ప్రైవేటు వ్యోమగాములకు వైద్యపరంగా, శిక్షణపరంగా అర్హతలన్నీ ఉండేలా చూసే బాధ్యత ఆ సంస్థలదేనని నాసా పేర్కొంది.

ఐఎస్‌ఎస్‌లో ఉండటానికన్నా.. అక్కడికి వెళ్లి, వచ్చేందుకే ఖర్చులు భారీగా అవుతాయి.

నాసా వ్యోమగాములకైతే స్పేస్‌ఎక్స్, బోయింగ్ సంస్థలు ఒక్కో వ్యోమనౌక ప్రయాణానికి రూ.416 కోట్ల వరకూ తీసుకుంటుంటాయి. ప్రైవేటు ప్రయాణికులకు కూడా ఇదే రీతిలో ప్రయాణ ఛార్జీలు ఉండొచ్చు.

గతంలో ఐఎస్‌ఎస్‌ను వాణిజ్య అవసరాలకు వాడకుండా నాసా నిషేధం అమలు చేసింది.

నిజానికి ఈ స్టేషన్ నాసాది కాదు. 1998 నుంచి రష్యాతో కలిసి దీన్ని అభివృద్ధి చేస్తూ వచ్చారు.

ఐఎస్‌ఎస్‌ వాణిజ్యపరమైన వినియోగం విషయంలో కొన్ని దశాబ్దాలుగా రష్యా సుముఖంగానే వ్యవహరిస్తోంది.

2001లో అమెరికన్ వ్యాపారవేత్త డెనీస్ టిటో తొలి అంతరిక్ష పర్యాటకుడిగా రికార్డు సృష్టించారు. ఎనిమిది రోజులపాటు ఐఎస్ఎస్‌లో గడిపి తిరిగివచ్చారు. ఈ యాత్ర కోసం ఆయన రష్యాకు రూ.138 కోట్లు చెల్లించారు.

ఐఎస్ఎస్ పూర్తి ప్రైవేటీకరణ దిశగానే నాసా తాజా నిర్ణయం తీసుకుంది.

ఈ స్టేషన్‌కు 2025కల్లా నిధులను నిలిపివేయాలని అమెరికా అధ్యక్షుడు డోనల్డ్ ట్రంప్ గతేడాది బడ్జెట్‌లో పిలుపునిచ్చారు.

2024లో చంద్రుడి పైకి అంతరిక్ష యాత్ర చేపట్టాలని ప్రణాళికలు రచించినట్లు ఇటీవలే నాసా ప్రకటించింది. తొలిసారి చంద్రుడిపైకి ఓ మహిళను తీసుకువెళ్లనున్నట్లు వెల్లడించింది.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)

ముఖ్యమైన కథనాలు

కుల్‌భూషణ్ జాధవ్‌కు పాకిస్తాన్ విధించిన మరణశిక్షను నిలిపివేసిన అంతర్జాతీయ న్యాయస్థానం

కార్గిల్ యుద్ధం: భారత సైన్యాన్ని ఆపడానికి అమెరికా శరణు కోరిన నవాజ్ షరీఫ్

హఫీజ్ సయీద్‌‌: ముందస్తు బెయిల్ కోసం వెళ్తుండగా పాకిస్తాన్‌లో అరెస్ట్

రిచా భారతీ: ఖురాన్ పంపిణీ చేయాలన్న కోర్టు.. ప్రాథమిక హక్కును కాలరాయడమే అంటున్న ఝార్ఖండ్ యువతి

అపోలో-11 మిషన్: చంద్రుడి మీదకు అమెరికా మనిషిని ఎందుకు పంపించింది...

ఇరాకీ కర్డిస్తాన్‌లోని ఇర్బిల్ నగరంలో కాల్పులు... టర్కీ దౌత్యవేత్త మృతి

డోనల్డ్ ట్రంప్ జాత్యహంకారి అన్న కాంగ్రెస్ మహిళా నేతలు ఎవరు...

అనంతపురం హత్యలు: శివాలయంలో గుప్తనిధుల కోసమే ఈ హత్యలు చేశారా