వరల్డ్ కప్ 2019: ఆ జింగ్ బెయిల్స్‌కి ఏమైంది? బాల్ వికెట్లకు తాకినా అవి కింద పడట్లేదు

  • 9 జూన్ 2019
డేవిడ్ వార్నర్ Image copyright Getty Images

353 పరుగుల భారీ స్కోరును ఛేజ్ చేసేందుకు ఆస్ట్రేలియా ఓపెనర్లు డేవిడ్ వార్నర్, ఆరోన్ ఫించ్ మైదానంలోకి వచ్చారు. భువనేశ్వర్ కుమార్ వేసి మొదటి ఓవర్‌లో మూడు పరుగులు వచ్చాయి. రెండో ఓవర్ వేసేందుకు బుమ్రా సిద్ధమయ్యాడు. వార్నర్ బ్యాటింగ్. మొదటి బంతి పడింది.. బ్యాట్‌ను బంతికి తాకించిన వార్నర్ వెంటనే షాకయ్యాడు. బుమ్రా కూడా షాక్‌లో ఉన్నాడు. భారత జట్టు సభ్యులంతా ఏం చేయాలో పాలుపోక కొద్ది సేపు బంతి వంకే చూశారు. ఎందుకంటే.. బ్యాట్‌కు తగిలిన బంతి వెంటనే వికెట్లను తాకింది. కానీ, బెయిల్స్ మాత్రం కిందపడలేదు.

‘‘బంతి స్టంప్స్‌కు తాకినా బెయిల్స్ కింద పడకపోవడం ఈరోజుతో ఐదోసారి. ఐదు సార్లు.. ఈ ప్రపంచకప్‌లోనే. ఏం జరుగుతోంది? ఒక టోర్నమెంట్‌లో, అదీ 10 రోజుల వ్యధిలో మాత్రమే కాదు.. నా జీవితంలో ఎప్పుడూ ఐదుసార్లు ఇలా జరగడం చూడలేదు’’ అని పాకిస్తాన్ మాజీ ఫాస్ట్‌బౌలర్ షోయబ్ అఖ్తర్ ట్వీట్ చేశాడు.

ఇప్పుడు జింగ్ బెయిల్స్‌పై సోషల్ మీడియాలో తీవ్రమైన చర్చ జరుగుతోంది.

ఈ ప్రపంచకప్‌లో బంతి వికెట్లకు తగిలినా బెయిల్స్ కింద పడని సందర్భాలు
మ్యాచ్ బౌలర్ బ్యాట్స్‌మన్
ఇంగ్లండ్ వర్సెస్ బంగ్లాదేశ్ బెన్ స్టోక్స్ మొహమ్మద్ సైఫుద్దీన్‌
ఆస్ట్రేలియా వర్సెస్ వెస్టిండీస్ మిచెల్ స్టార్క్ క్రిస్ గేల్
న్యూజీలాండ్ వర్సెస్ శ్రీలంక బౌల్ట్ కరుణరత్నే
ఇంగ్లండ్ వర్సెస్ దక్షిణాఫ్రికా రషీద్ డికాక్

‘మళ్లీమళ్లీ జరిగితే ఎలా?’

‘బెయిల్స్ విషయంలో.. ఇది మళ్లీ మళ్లీ ఇలాగే జరిగితే ఎలా? ఈ రోజుల్లో బౌలర్‌గా ఉండటం చాలా కష్టమైపోతోంది. ఈ పరిస్థితిని మార్చాలి’ అని ఇంగ్లండ్ మాజీ కెప్టెన్ నాసిర్ హుస్సేన్ ట్వీట్ చేశాడు.

‘బెయిల్స్ రాళ్లలాగా బరువుగా ఉన్నాయి’

‘‘ఈ బెయిల్స్ రాళ్లలాగా గట్టిగా, బరువుగా ఉన్నాయి. బ్రిస్టో‌ల్‌లో శుక్రవారం నేను ఒకదాన్ని పట్టుకుని చూశా. కార్బెర్ (సానబెట్టిన చెట్టు కొమ్మ)ను పైకెగరేసినట్లు ఉంది’’ అని లండన్‌లోని క్రికెట్ విశ్లేషకుడు సైమన్ మన్ ట్వీట్ చేశారు.

‘ఐపీఎల్‌లో వాడినవే.. సమస్యేం లేదన్నారు’

‘‘ప్రపంచకప్‌కు ముందు నిర్వహించిన విలేకరుల సమావేశంలో జింగ్‌ బెయిల్స్ గురించి నేను ప్రశ్నించాను. ఐపీఎల్‌లో వాడినవే వాడుతున్నారా అని అడిగా. ఔను అని సమాధానం ఇచ్చారు. ఎలాంటి సమస్యా లేదన్నారు. కానీ, సమస్య ఉంది. అది ఇంకా ముదురుతోంది. ఇప్పటికి నాలుగుసార్లైనా ఇలా జరిగి ఉంటుంది. బంతి వికెట్లకు తగిలినా బెయిల్స్ మాత్రం కింద పడట్లేదు’ అని బ్రిటన్‌ విలేకరి జాన్ ఎతెరిడ్జ్ ట్వీట్ చేశారు.

‘అవి రెగ్యులర్ బెయిల్స్ లాంటివే’ - ఐసీసీ

కాగా, జింగ్ బెయిల్స్ కూడా సాధారణ బెయిల్స్ లాగే పనిచేస్తాయని, బాగా గాలి వీచేప్పుడు అంపైర్లు వాడే బెయిల్స్ కంటే ఇవే తేలికగా ఉంటాయని పైగా బంతి తగిలితే వెలుగుతాయని ఐసీసీ గత వారం తెలిపింది.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)

ముఖ్యమైన కథనాలు

బిహార్, అస్సాం వరదలపై రాహుల్ గాంధీ ట్వీట్‌లో ఫొటోలు ఇప్పటివేనా?

కుల్‌భూషణ్ జాధవ్‌కు పాకిస్తాన్ విధించిన మరణశిక్షను నిలిపివేసిన ఐసీజే

కార్గిల్ యుద్ధం: భారత సైన్యాన్ని ఆపడానికి అమెరికా శరణు కోరిన నవాజ్ షరీఫ్

రిచా భారతీ: ఖురాన్ పంపిణీ చేయాలన్న కోర్టు.. ప్రాథమిక హక్కును కాలరాయడమే అంటున్న ఝార్ఖండ్ యువతి

హఫీజ్ సయీద్‌‌: ముందస్తు బెయిల్ కోసం వెళ్తుండగా పాకిస్తాన్‌లో అరెస్ట్

అపోలో-11 మిషన్: చంద్రుడి మీదకు అమెరికా మనిషిని ఎందుకు పంపించింది...

ఇరాకీ కర్డిస్తాన్‌లోని ఇర్బిల్ నగరంలో కాల్పులు... టర్కీ దౌత్యవేత్త మృతి

డోనల్డ్ ట్రంప్ జాత్యహంకారి అన్న కాంగ్రెస్ మహిళా నేతలు ఎవరు...