మెక్ డోనల్డ్స్ బర్గర్లు: పదేళ్లైనా పాడవలేదు.. బూజు పట్టలేదు.. ఎందుకు?

  • 3 నవంబర్ 2019
మెక్ డోనల్డ్స్ బర్గర్ Image copyright AFP / Angelika OSIEWALSKA

మెక్ డోనల్డ్స్ ఫాస్ట్‌ఫుడ్ సంస్థ ఐస్‌ల్యాండ్‌లోని తమ రెస్టారెంట్లన్నింటినీ 2009లో మూసేసింది.

అప్పుడు జెర్టర్ స్మారసన్ అనే ఒకాయన మెక్ డోనల్డ్స్‌ రెస్టారెంట్‌కు వెళ్లి వాళ్లు అమ్మిన ఆఖరి బర్గర్‌ను, దానితో పాటు ఫ్రెంచ్ ఫ్రైస్‌ను కొన్నారు.

మెక్ డోనల్డ్స్ ఆహార పదార్థాలు ఎన్ని రోజులు గడిచినా పాడైపోవని ప్రచారంలో ఉంది. దాన్ని పరీక్షించేందుకే తాను అది కొన్నానని స్మారసన్ ఏఎఫ్‌పీ వార్తా సంస్థతో చెప్పారు.

ఈ వారంతో ఆ బర్గర్‌కు పదేళ్లు నిండాయి. అది ఇంకా నిక్షేపంగా ఉంది.

దక్షిణ ఐస్‌ల్యాండ్‌లోని స్నోట్రా హౌస్‌ అనే హోటల్‌లో దీన్ని ప్రదర్శనకు పెట్టారు. అద్దాల పెట్టెలో భద్రపరిచిన దీన్ని లైవ్ స్ట్రీమింగ్ ద్వారా ఎవరైనా చూడొచ్చు.

ఈ బర్గర్‌ను చూసేందుకు వివిధ దేశాల నుంచి ఔత్సాహికులు వస్తున్నారని, తమ హోటల్ వెబ్‌సైట్‌ను రోజూ 4 లక్షల మంది సందర్శిస్తున్నారని స్నోట్రా హౌజ్ యజమాని సిగ్గి సిగర్డర్ బీబీసీతో చెప్పారు.

Image copyright AFP / Angelika OSIEWALSKA

ఈ పదేళ్లలో ఈ బర్గర్ చాలా చోట్లు మారింది.

మొదట ఈ బర్గర్, ఫ్రెంచ్ ఫ్రైస్‌ను స్మారసన్ ఓ ప్లాస్టిక్ సంచిలో పెట్టి కొన్నాళ్లపాటు తన గ్యారేజ్‌లో పెట్టారు.

మూడేళ్లైనా అది అలాగే చెక్కు చెదరకుండా ఉంది. దీంతో నేషనల్ మ్యూజియం ఆఫ్ ఐస్‌ల్యాండ్‌కు దాన్ని ఆయన ఇచ్చారు.

అయితే, ఆహార పదార్థాలను భద్రపరిచే సామగ్రి తమ వద్ద లేదంటూ ఆ మ్యూజియం అధికారులు దాన్ని స్మారసన్‌కు తిరిగి ఇచ్చేశారు.

‘‘వాళ్లు పొరపాటు చేశారు. బర్గర్ దాన్నదే రక్షించుకుంటుంది’’ అని స్మారసన్ అన్నారు.

ఆ తర్వాత కొంతకాలం రెయిక్జవిక్‌లోని ఓ హోటల్‌లో ఆ బర్గర్ ఉంది. అనంతరం స్నోట్రా హౌజ్‌కు చేరింది.

సోషల్ మీడియాలో ఈ బర్గర్ ఫొటోలపై చర్చ జరిగింది.

‘‘మా స్కూల్‌లో హెల్త్ టీచర్ ఇలాగే బర్గర్‌ను ఓ షెల్ఫ్‌లో పెట్టి వదిలేశారు. ఇన్నేళ్లు గడిచినా బూజు పట్టకపోవడానికి ఆ బర్గర్‌లో కనీసం బూజు పెరిగేందుకు అవసరమైన పోషకాలు కూడా లేవని ఆయన చెప్పారు’’ అని ట్విటర్‌లో ఓ మహిళ చెప్పారు.

అయితే, మెక్ డోనల్డ్స్ ఆహార పదార్థాలతో ఇలాంటి ప్రయోగాలు ఇంతకుముందూ జరిగాయి.

Image copyright Snotra hostel
చిత్రం శీర్షిక స్నోట్రా హౌజ్

1996లో తాను కొన్న బర్గర్‌ 14 ఏళ్ల తర్వాత కూడా కొత్త దానిలాగే ఉందని కెరెన్ హాన్రహన్ అనే ఆవిడ 2010లో వెల్లడించారు.

2010లో శాలీ డేవిస్ అనే ఫొటోగ్రాఫర్ మెక్ డోనల్డ్స్‌లో తాను కొన్న హ్యాపీ మీల్‌ను ఆరు నెలలపాటు రోజూ ఫొటోలు తీశారు.

అది అస్సలు పాడవ్వలేదని.. బూజు, వాసన లాంటివేమీ రాలేదని ఆమె చెప్పారు.

2013లో ఈ విషయం గురించి మెక్ డోనల్డ్స్ స్పందించింది.

‘‘సరైన వాతావరణంలో మిగతా ఆహార పదార్థాల్లాగే మా ఉత్పత్తులు కూడా పాడవుతాయి. అయితే తేమ లేకుంటే, అందులో బ్యాక్టీరియా, బూజు లాంటివి పెరిగే అవకాశాలు తక్కువ’’ అని వివరించింది.

ఆహారం పాడవ్వడానికి తేమ ముఖ్యమని, అది లేకుంటే అవి కేవలం ఎండిపోతాయని యూనివర్సిటీ ఆఫ్ ఐస్‌ల్యాండ్ ఫుడ్ సైన్స్ సీనియర్ లెక్చరర్ జోర్న్ అడాల్జోర్న్సన్ చెప్పారు.

ఇవి కూడా చదవండి.

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)

ముఖ్యమైన కథనాలు

హైదరాబాద్ ఎన్‌కౌంటర్: రేప్ కేసుల విచారణలో ఇతర దేశాలతో పోల్చితే భారత న్యాయవ్యవస్థ పనితీరు ఎలా ఉంది?

హైదరాబాద్ ఎన్‌కౌంటర్: తెలంగాణ పోలీసుల తీరుపై అయిదు సందేహాలు

నిందితులను చంపేస్తే దేశమంతటా ప్రజలు ఎందుకు సంబరాలు చేసుకుంటున్నారు

విషపూరిత కప్పలు... వాటిని నేర్పుగా తినే ఎలుకలు

ఎల్ నినో సరే, మరి 'ఇండియన్ నినో' అంటే ఏమిటో తెలుసా...

పెళ్లి వేడుకలో డాన్స్ మధ్యలో ఆపినందుకు యువతి ముఖంపై తుపాకీతో కాల్చారు

BBC Exclusive: ఎయిర్‌టెల్ సమాచార వ్యవస్థలో లోపం.. 32 కోట్ల మంది సమాచారం లీకయ్యే ప్రమాదాన్ని సరిదిద్దామన్న సంస్థ

ఉన్నావ్ అత్యాచారం: ఆసుపత్రిలో చికిత్స పొందుతూ బాధితురాలి మృతి