గ్రెటా థన్‌బర్గ్: ప్రపంచ నాయకులను కాల్చి పడేయాలని అనలేదు.. అలా అర్థమైతే క్షమించండి

  • 15 డిసెంబర్ 2019
గ్రెటా Image copyright AFP

పర్యావరణ ఉద్యమకారిణి గ్రెటా థన్‌బర్గ్ ఇటీవల ప్రపంచ నాయకులనుద్దేశించి తాను చేసిన తీవ్ర వ్యాఖ్యలకు క్షమాపణలు చెప్పారు.

ఇటలీలోని ట్యూరిన్‌లో శుక్రవారం ఆమె తదుపరి కార్యాచరణపై మాట్లాడుతూ ''World leaders should be put against the wall" అన్నారు. ఇంగ్లిష్‌లో ''put against the wall" అనే పదబంధానికి 'కాల్చి చంపేయాలి' అన్న అర్థం ఉంది. దీంతో గ్రెటా వ్యాఖ్యలపై తీవ్ర వ్యతిరేకత వ్యక్తమైంది. గ్రెటా మాత్రం తన సొంత భాష స్వీడిష్‌లో ఈ పదబంధానికి వేరే అర్థం ఉందని చెబుతున్నారు. సొంత భాష కాకుండా వేరే భాషలో ఉపన్యసించడం వల్ల ఇలా జరిగిందని శనివారం ఆమె చెప్పుకొచ్చారు.

Image copyright EPA
చిత్రం శీర్షిక ట్యూరిన్‌లో గ్రెటా సమావేశానికి హాజరైన జనం

స్పెయిన్ రాజధాని మాడ్రిడ్‌లో జరిగిన కాప్-25 సదస్సులో పాల్గొన్న అనంతరం ఆమె శుక్రవారం ఇటలీలోని ట్యూరిన్‌లో మాట్లాడారు.

వాతావరణ మార్పులను నియంత్రించే చర్యలకు పురికొల్పేలా ఈ సదస్సు ఒక్కటే చాలదని.. ప్రపంచ నేతలు ఈ దిశగా కార్యాచరణ చేపట్టేలా పర్యావరణ ఉద్యమకారులు పనిచేయాలని పిలుపునిచ్చారు.

''ప్రపంచ దేశాల నాయకులు తమ బాధ్యతల నుంచి పారిపోవడానికి ప్రయత్నిస్తున్నారు. కానీ, వారు తప్పించుకోలేకుండా చేయాలి మనం'' అన్నారామె.

Image copyright Getty Images

''ఇందుకోసం వారిని జవాబుదారీ చేయాలి.. మన భవిష్యత్తును రక్షించడానికి వారు పనిచేసేలా చేయాలి'' అన్నారు. ఈ సందర్భంలోనే ఆమె ''put against the wall" అనే పదబంధాన్ని ఉపయోగించారు.

ఈ పదబంధం ఉపయోగించడంపై వ్యతిరేకత రావడంతో ట్విటర్ వేదికగా ఆమె స్పష్టత ఇచ్చారు. నాయకులు జవాబుదారీగా ఉండాలనే అర్థంలో తాను వాడానని.. స్వీడన్‌లో అదే అర్థంలో వాడతారని.. కానీ, దానికి వేరే అర్థం ఉందని ఇప్పుడే తెలిసిందని చెప్పుకొచ్చారు.

''నా మాటలను ఎవరైనా తప్పుగా అర్థం చేసుకుంటే వారికి క్షమాపణలు చెబుతున్నాను'' అని ట్వీట్ చేశారు.

వాతావరణ సంక్షోభంపై పోరాటంలో ప్రపంచాన్ని కదిలించిన అతి చిన్న వయస్కురాలిగా ఇటీవలే టైమ్ మ్యాగజీన్ ఆమెను 'పర్సన్ ఆఫ్ ద ఇయర్'గా గుర్తించింది.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)

ముఖ్యమైన కథనాలు

కరోనావైరస్: ప్రపంచవ్యాప్తంగా 42,000 దాటిన మరణాలు, వైరస్ సోకిన వారి సంఖ్య 8.6 లక్షలు

కరోనావైరస్: ఇటలీలో విజృంభించిన వైరస్, 12 వేలు దాటిన మృతులు... తప్పు ఎక్కడ జరిగింది?

కరోనావైరస్: దిల్లీ నిజాముద్దీన్‌ తబ్లీగీ జమాత్ సదస్సుకు తెలుగు రాష్ట్రాల ప్రజలు ఎంత మంది వెళ్ళారు?

కరోనావైరస్ వల్ల చిన్నపిల్లలకు, టీనేజర్లకు కూడా ముప్పు ఉందా?

కరోనావైరస్: నిజాముద్దీన్ తబ్లీగీ జమాత్ కేంద్రం ‘హాట్ స్పాట్’ ఎలా అయ్యింది?

కరోనావైరస్: రుణాల చెల్లింపులపై ఆర్‌బీఐ మారటోరియం - ఈఎంఐ కట్ అవుతుందా? వాయిదా వేయటం ఎలా?

కరోనావైరస్‌తో పోరాటం కోసం ఏర్పాటైన PM CARES ఫండ్‌పై ప్రశ్నలు

కరోనావైరస్: భారత సైన్యం రాత్రికి రాత్రే 1,000 పడకల ఆస్పత్రి నిర్మించిందా? ఏది నిజం? - BBC FactCheck

కరోనావైరస్: వృద్ధులు చేయాల్సిన, చేయకూడని పనులు