చైనా కరోనా వైరస్: 'ఇప్పటికే వందలాది మందికి సోకింది... ఇతర దేశాలకు విస్తరిస్తోంది'

  • 19 జనవరి 2020
కారనోవైరస్ Image copyright Getty Images
చిత్రం శీర్షిక ఇప్పటివరకూ మనుషులకు సోకే కారనోవైరస్‌లు ఆరుమాత్రమే ఉన్నాయి.. ఇప్పుడీ కొత్త వైరస్ ఏడోదిగా వచ్చి చేరింది

చైనాలో ఓ కొత్త వైరస్ పుట్టింది. అంతుచిక్కని ఈ కొత్త వైరస్ ఇప్పటికే చాలా మందికి సోకి ఉంటుందని చెబుతున్నారు. బాధితుల సంఖ్య అధికారిక లెక్కల కన్నా అధికంగా ఉంటుందని శాస్త్రవేత్తలు బీబీసీతో చెప్పారు.

ఇప్పటివరకూ ఈ కొత్త వైరస్ సోకిన కేసులు 50గా నిర్ధారించారు. అయితే, ఆ సంఖ్య 1,700 వరకూ ఉంటుందని బ్రిటన్ నిపుణులు అంచనా వేస్తున్నారు.

వుహాన్ నగరంలో డిసెంబర్‌లో వెలుగుచూసిన ఈ వైరస్ వల్ల శ్వాస సంబంధిత అనారోగ్యంతో ఇద్దరు వ్యక్తులు చనిపోయినట్లు తెలుసు.

''వారం రోజుల కిందటి కన్నా ఇప్పుడు నా ఆందోళన చాలా ఎక్కువగా ఉంది'' అని వ్యాధి విజృంభణ శాస్త్రవేత్త ప్రొఫెసర్ నీల్ ఫెర్గూసన్ పేర్కొన్నారు.

బ్రిటన్ ప్రభుత్వం, ప్రపంచ ఆరోగ్య సంస్థ వంటి సంస్థలకు సలహాలు అందించే ఇంపీరియల్ కాలేజ్ లండన్‌ ఎంఆర్‌సీ సెంటర్ ఫర్ గ్లోబల్ ఇన్‌ఫెక్షియస్ డిసీజ్ ఎనాలసిస్ ఈ అధ్యయనం నిర్వహించింది.

వుహాన్ నుంచి విమానాల్లో వచ్చే ప్రయాణికులకు సింగపూర్, హాంగ్‌కాంగ్‌లు పరీక్షలు నిర్వహిస్తున్నాయి. అమెరికా అధికార యంత్రాంగం కూడా.. శాన్ ఫ్రాన్సిస్కో, లాస్ ఏంజెలెస్, న్యూయార్క్ నగరాల్లోని ప్రధాన విమానాశ్రయాల్లో వచ్చే శుక్రవారం నుంచి ఇదే తరహా చర్యలు చేపట్టనున్నట్లు ప్రకటించింది.

వైరస్ సోకిన వారి సంఖ్యను ఎలా లెక్కించారు?

ఈ సమస్య తీవ్రత ఎంత ఉందనే దానికి కీలకమైన ఆధారం ఇతర దేశాల్లో గుర్తిస్తున్న కేసుల్లో ఉంటుంది.

ఈ వైరస్ చైనా మధ్యలో ఉన్న వుహాన్ నగరంలో మొదలైనప్పటికీ థాయ్‌లాండ్, జపాన్‌లలో రెండు కేసులు నమోదయ్యాయి.

''ఇది నాకు ఆందోళన కలిగిస్తోంది'' అని ప్రొఫెసర్ ఫెర్గూసన్ చెప్పారు.

''వుహాన్ మూడు కేసులను ఇతర దేశాలకు ఎగుమతి చేసిందంటే.. వాళ్లు చెప్తున్న దాని కన్నా చాలా ఎక్కువ కేసులు ఉండాలని అర్థం'' అని ఆయన పేర్కొన్నారు.

అయితే, కచ్చితమైన సంఖ్యను తేల్చటం అసాధ్యం. కానీ ఈ వైరస్, స్థానిక జనాభా సంఖ్యను, విమాన ప్రయాణికుల సమాచారం ఆధారంగా వల్ల వ్యాధి విజృంభన నమూనాను రూపొందించటం ద్వారా ఒక అంచనాకు రావచ్చు.

వుహాన్ ఇంటర్నేషనల్ ఎయిర్‌పోర్ట్ 1.9 కోట్ల మంది జనాభాకు సేవలు అందిస్తుంది. కానీ, ఇక్కడి నుంచి రోజుకు సగటున 3,400 మంది మాత్రమే అంతర్జాతీయ ప్రయాణాలు చేస్తారు.

వీటి ఆధారంగా రూపొందించిన సవివరమైన లెక్కలతో 1,700 కేసులు ఉండవచ్చుననే అంచనాకు వచ్చారు. ఈ అంచనా నమూనాను ఆన్‌లైన్‌లో పోస్ట్ చేశారు.

దీని అర్థం ఏమిటి?

ఈ వైరస్ విజృంభణ గురించి తీవ్ర భయాందోళనలకు గురికావాల్సిన పరిస్థితి ఇప్పుడే లేదని ప్రొఫెసర్ ఫెర్గూసన్ చెప్పారు. అయితే, తాను వారం రోజుల కిందటి కంటే ఇప్పుడు ఎక్కువ ఆందోళనగా ఉన్నట్లు తెలిపారు.

ఇదిలావుంటే, ఈ వైరస్ ఒక వ్యక్తి నుంచి మరొక వ్యక్తికి వ్యాపిస్తున్న ఉదంతాలేవీ లేవని చైనా అధికారులు అంటున్నారు.

వుహాన్‌లోని ఒక సముద్ర, అటవీ ఆహార మార్కెట్‌లో జంతువుల నుంచి ఈ వైరస్ మనుషులకు సోకిందని వారు పేర్కొన్నారు.

''ఈ వైరస్ మనిషి నుంచి మనిషికి సోకే ప్రమాదం, అవకాశాల గురించి మరింత సీరియస్‌గా పట్టించుకోవాలి'' అని ప్రొఫెసర్ పెర్గూసర్ వాదిస్తున్నారు.

కరోనావైరస్‌ల గురించి మనకు తెలిసిన విషయాలను బట్టి చూస్తే, ఇంత పెద్ద సంఖ్యలో మనుషులకు సోకటానికి ప్రధాన కారణం జంతువులే అయ్యే అవకాశం ఉందని నేను భావించటం లేదు'' అని ఆయన చెప్పారు.

ఓ కొత్త వైరస్ ఎలా విస్తరిస్తోందో అర్థంచేసుకోవడం, ముప్పును అంచనా వేయటానికి చాలా కీలకం.

Image copyright Getty Images
చిత్రం శీర్షిక చైనాలోని వుహాన్ నగరంలో ఈ కొత్త వైరస్ విజృంభణ మొదలైంది

ఇంతకీ ఈ వైరస్ ఏమిటి?

ఈ వైరస్ సోకిన రోగుల నుంచి శాంపిల్స్ సేకరించి లేబరేటరీల్లో విశ్లేషించారు.

ఇది మనుషులు, ఇతర జంతువుల్లో వ్యాధులకు కారకమయ్యే కరోనావైరస్ అని చైనా అధికారులు, ప్రపంచ ఆరోగ్య సంస్థ అధికారులు నిర్ధారించారు.

కరోనావైరస్‌లు.. ఒక విస్తృత కుటుంబానికి చెందిన వైరస్‌లు. కానీ, అందులో కేవలం ఆరు వైరస్‌లు మాత్రమే మనుషులకు సోకుతాయని తెలుసు. ఈ కొత్త వైరస్‌తో ఈ సంఖ్య ఏడుకు పెరుగుతుంది.

ఈ వైరస్‌లు మనుషుల మీద అతి స్వల్పంగా ప్రభావం చూపితే మామూలు జలుబు కలిగిస్తాయి. సివియర్ అక్యూట్ రెస్పిరేటరీ సిండ్రోమ్ (సార్స్) అనే కరోనావైరస్.. 2002లో చైనాలో విజృంభించి వ్యాప్తి చెందినపుడు 8,098 మందికి సోకగా వారిలో 774 మందిని బలితీసుకుంది.

కొత్త వైరస్ జన్యు పటాన్ని విశ్లేషించినపుడు... ఇది ఇతర కరోనా వైరస్‌ల కన్నా సార్స్ వైరస్‌కు చాలా దగ్గరగా ఉన్నట్లు కనిపించింది.

ఈ వైరస్ వల్ల కొందరు రోగులకు న్యుమోనియా వచ్చింది. ఇద్దరు ప్రాణాలు కోల్పోయారు.

ఇతర నిపుణులు ఏం చెప్తున్నారు?

ఈ వైరస్ విజృంభణ విషయంలో ఇంకా వెలుగులోకి రావాల్సింది చాలా ఉందని వైద్య పరిశోధన స్వచ్ఛంద సంస్థ 'వెల్‌కమ్' డైరెక్టర్ డాక్టర్ జెరిమీ ఫారర్ అన్నారు.

''ఈ వైరస్ విషయంలో అనిశ్చితి, లోపాలు ఉన్నాయి. కానీ, ఇది ఏదో ఒక స్థాయిలో మనిషి నుంచి మనిషికి సోకుతోందనేది విస్పష్టం'' అని చెప్పారు.

''చైనా, ఇతర దేశాల్లో మరిన్ని కేసులు బయటపడటం మొదలైంది. ఈ నమూనా చూపినట్లు మరిన్ని కేసులు, మరిన్ని దేశాల్లో కనిపిస్తాయని తేలుతోంది'' అని ఆయన విశ్లేషించారు.

''ముఖ్యమైన విషయం ఏమిటంటే, విస్తృతంగా పరీక్షలు నిర్వహించనిదే ఎన్ని కేసులు ఉన్నాయనే వాస్తవ సంఖ్యను లెక్కించటం కష్టం'' అని యూనివర్సిటీ ఆఫ్ నాటింగామ్ ప్రొఫెసర్ జొనాథన్ బాల్ చెప్పారు.

''అయితే, ఈ వైరస్ విస్తృతంగా వ్యాపించలేదని మనకు నిర్ధారణ అయ్యే వరకూ ఈ సంఖ్యను సీరియస్‌గా పట్టించుకోవాలి. జంతువుల నుంచి మనుషులకు వైరస్ సోకిన కేసులు 41 ఉన్నాయంటే కొంచెం అతిగా అనిపిస్తోంది. ఇప్పటివరకూ గుర్తించిన కేసుల కన్నా మరింత అధికంగా ఈ ఇన్‌ఫెక్షన్ వ్యాపించి ఉండొచ్చు'' అని ఆయన అభిప్రాయపడ్డారు.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)

ముఖ్యమైన కథనాలు

LIVE దిల్లీ హింస: తాహిర్ హుస్సేన్‌‌పై హత్యాయత్నం కేసు.. ఎఫ్ఐఆర్ నమోదు చేసిన పోలీసులు

వాట్సాప్, ట్విటర్, టిక్‌టాక్‌లపై క్రిమినల్ కేసు నమోదు చేసిన హైదరాబాద్ సైబర్ క్రైమ్ పోలీసులు

యువకుడి ఆచూకీ కోసం వెదుకుతుంటే సింహాల బోనులో అస్థిపంజరం దొరికింది

కరోనావైరస్: జంతువుల నుంచి మనుషులకు సోకింది ఇలాగేనా.. శాస్త్రవేత్తల ‘డిటెక్టివ్ కథ’

యాపిల్ మొట్టమొదటి ఇండియన్ స్టోర్ 2021లో ప్రారంభం: టిమ్ కుక్

దిల్లీ హింస: జస్టిస్ మురళీధర్ ఎవరు.. ఆయన బదిలీపై చర్చ ఎందుకు

దిల్లీ హింస ప్రభావం హైదరాబాద్‌పై ఎలా ఉంది

దిల్లీ హింసను 2002 నాటి గుజరాత్ అల్లర్లతో ఎందుకు పోలుస్తున్నారంటే...

కరోనావైరస్: ఇటలీలో 400కు పెరిగిన కేసులు