ఏనుగు ఈ స్టార్‌ హోటల్‌కు రెగ్యులర్ కస్టమర్.. చూడండి ఏం చేస్తోందో

  • 21 జనవరి 2020
నట్ట కోట - ఏనుగు Image copyright Jetwing
చిత్రం శీర్షిక నట్ట కోట అని పిలిచే ఈ ఏనుగు ఇప్పుడు హోటల్‌లోనే ఉంటోంది

శ్రీలంక చూడ్డానికి వెళ్లే చాలామంది పర్యటకులు.. అక్కడ ఏనుగును చూడాలని కోరుకుంటుంటారు.

కొందరు మాత్రం లగ్జరీ హోటల్‌లో ఉండి, గది తలుపు తెరవగానే కారిడార్లో ఏనుగు తిరగాలని ఆశిస్తారు.

మరీ అతిగా ఆశిస్తున్నారు అనుకుంటున్నారా. శ్రీలంకలోని జెట్‌వింగ్ యాలా హోటల్లో తరచూ జరిగేది అదే మరి.

స్థానికంగా నట్ట కోట (కురచ తోక) అని పిలిచే ఏనుగు ఈ స్టార్ హోటల్‌లో కలియదిరుగుతూ, కనిపించిన వస్తువుల్ని తన తొండంతో కదుపుతూ ఉంది. ఈ వీడియో ఇప్పుడు వైరల్ అయ్యింది.

చాలామంది ఆశ్చర్యపోతూ ఈ వీడియోను షేర్ చేశారు. అయితే, యాలా జాతీయ పార్కు సమీపంలో ఉన్న ఈ హోటల్ సిబ్బంది మాత్రం ఇదంతా తమకు మామూలే అంటున్నారు. ఈ ఏనుగు 2013 నుంచి 'మా విశ్వసనీయమైన కస్టమర్' అని చెబుతున్నారు.

''మొదట్లో ఏడాదికి కొన్ని సార్లు మాత్రమే నట్ట కోట మా హోటల్‌కి వచ్చేవాడు.. సీజనల్‌ విజిటర్‌లాగా. తర్వాత పొదల్లోకి వెళ్లిపోయేవాడు. ఇప్పుడు మాత్రం బీచ్ పక్కన ఉన్న మిగతా రిసార్టులను కూడా తరచూ సందర్శిస్తున్నాడు'' అని జెట్‌వింగ్ హోటల్ అధికార ప్రతినిధి బీబీసీతో అన్నారు.

''కొన్నేళ్ల కిందట మా హోటల్‌లో శాశ్వతంగా మకాం పెట్టాడు. మేం కూడా నట్ట కోటను ఇబ్బంది పెట్టలేదు. చెట్ల నీడలో పడుకునేవాడు, హోటల్‌ మొత్తం తిరిగేవాడు'' అని ఆ ప్రతినిధి తెలిపారు.

Image copyright facebook/JetwingYala

అయితే, నట్ట కోట ఎల్లప్పుడూ ఇంత మంచిగా ఉండేవాడు కాదు. కార్లలోంచి పండ్లను, కిచెన్‌లో నుంచి ఆహార పదార్థాలను దొంగిలించేవాడు.

అయితే, తాము అతడిని ఎప్పుడూ కొట్టలేదని, ఇలాంటి 'చిలిపి పనులు' చేసినా వదిలేసేవాళ్లమని తెలిపారు.

హోటల్‌కు వచ్చే పర్యటకులకు మాత్రం.. 'మీ పండ్లు, కూరగాయలకు మీరే బాధ్యత' అని చెప్పేవారు.

Image copyright facebook/JetwingYala

ఇప్పుడు కిచెన్‌ తలుపుకు అడ్డంగా ఒక విద్యుత్ కంచె వేశారు. అలా అక్కడున్న ఆహార పదార్థాల జోలికి వెళ్లకుండా ఏనుగును అడ్డుకుంటున్నారు.

''ప్రశాంతంగా ఉండే నట్ట కోట వైఖరి అతిథులను కూడా అలరిస్తుంటుంది. అతని వీడియోలను తీస్తూ వాళ్లు కూడా ఆనందిస్తుంటారు'' అని హోటల్ చెబుతోంది.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)

ముఖ్యమైన కథనాలు

కరోనావైరస్: కోవిడ్-19 హాట్‌స్పాట్‌గా మారిన న్యూయార్క్.. ఈ ఒక్క రాష్ట్రంలోనే 52 వేల కేసులు నమోదు

కరోనావైరస్ మీద యుద్ధంలో ముందు నిలిచి పోరాడుతున్న యోధులు ఎవరు.. వారు ఏమంటున్నారు

కరోనావైరస్: సినీ కార్మికులు, సాధారణ ప్రజలకు పెద్ద నటుల సహాయ హస్తం

కరోనావైరస్: పాకిస్తాన్‌ను భయపెడుతున్న కోవిడ్-19.. వైద్యులే వణికిపోతున్నారు

కరోనావైరస్: ఇటలీలో పెరుగుతున్న భయాలు... దక్షిణ ప్రాంతాలపై కోవిడ్-19 విరుచుకుపడితే పరిస్థితి ఏంటి...

కరోనావైరస్: మోదీ ప్రభుత్వ ఆర్థిక ప్యాకేజీతో ప్రజలకు జరిగే మేలు ఎంత

కరోనావైరస్: కమల్‌ హాసన్ ఇంటికి ఐసొలేషన్ స్టిక్కర్.. తప్పుగా అతికించామని తొలగించిన అధికారులు

కరోనావైరస్: ఆర్‌బీఐ నిర్ణయాలతో మీ ఈఎమ్ఐ‌పై పడే ప్రభావం ఏంటో తెలుసా

కరోనా వైరస్ విజ‌ృంభిస్తున్నా... రష్యా అధ్యక్షుడు పుతిన్‌ ఎందుకంత నిశ్చింతగా ఉన్నారు