జర్మనీ: తన లైంగిక ఆనందం కోసం మహిళలను కరెంటు షాక్ పెట్టుకొనేలా చేసిన నకిలీ వైద్యుడికి జైలు

  • 21 జనవరి 2020
విద్యుదాఘాతం Image copyright Getty Images

జర్మనీలో ఒక ఐటీ ఉద్యోగి నకిలీ డాక్టర్ అవతారం ఎత్తాడు. నొప్పి నుంచి ఉపశమనానికి సంబంధించి తానో శాస్త్రీయ ప్రయోగం చేస్తున్నానని, ఇందులో భాగంగా కరెంటుతో షాక్ తీసుకోవాల్సి ఉంటుందని చెప్పి మహిళలను, బాలికలను ఒప్పించాడు. తను చెప్పినట్లు చేసి వాళ్లు విద్యుదాఘాతంతో బాధపడుతుంటే, అతడు చూసి ఆస్వాదించాడు.

ఈ నేరాన్ని లైంగిక ఆనందం కోసం చేశాడని అధికారులు తెలిపారు.

అతడికి 11 ఏళ్ల జైలు శిక్ష పడింది.

నొప్పి నుంచి ఉపశమనం కలిగించే ప్రయోగం పేరుతో బాధితులను నమ్మించి అతడు ఈ నేరానికి పాల్పడ్డట్లు ప్రాసిక్యూటర్లు తెలిపారు. ఇలా చేస్తే వారికి డబ్బులు ఇస్తానన్నాడని చెప్పారు.

బవేరియా ప్రాంతంలోని వుర్జ్‌బర్గ్ నగరానికి చెందిన అతడి వయసు 30 ఏళ్లు. పేరు డేవిడ్.జి. అని అధికారులు చెప్పారు.

బాధితులు తమ ఇళ్లలోని లోహపు వస్తువులను విద్యుత్ వ్యవస్థలకు అనుసంధానించి తమను తాము విద్యుదాఘాతానికి గురిచేసుకొంటుంటే డేవిడ్ 'స్కైప్‌'లో చూసి సంతోషపడేవాడని, ఇదంతా రికార్డు చేసుకొనేవాడని తెలిపారు.

మ్యూనిక్ నగరంలోని న్యాయస్థానం 13 హత్యాయత్నాల్లో డేవిడ్‌ను దోషిగా తేల్చి శిక్ష విధించింది.

డేవిడ్ నకిలీ వైద్యుడి అవతారమెత్తి, తను చేపట్టే ఒక నకిలీ శాస్త్రీయ అధ్యయనంలో పాల్గొనేందుకు అమ్మాయిల కోసం ఆన్‌లైన్లో వెతికాడని ప్రాసిక్యూటర్లు కోర్టు దృష్టికి తెచ్చారు. తర్వాత బాధిత మహిళలను సంప్రదించి, తన 'అధ్యయనం'లో పాల్గొంటే మూడు వేల యూరోలు ఇస్తానని ప్రతిపాదించాడని చెప్పారు.

13 ఏళ్ల బాలిక బాధితుల్లో అందరికన్నా చిన్న వయస్కురాలని వారు తెలిపారు.

లోహపు వస్తువులను కణతలకు దగ్గరగా పెట్టుకొని షాక్ తీసుకోవాలని బాధితులకు డేవిడ్ చెప్పేవాడని, దీనివల్ల వాళ్ల మెదడు విద్యుదాఘాతానికి గురయ్యేదని న్యాయమూర్తి థామస్ బాట్‌ను ఉటంకిస్తూ జర్మనీకి చెందిన డ్యూచె వెలే పత్రిక రాసింది.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)

ముఖ్యమైన కథనాలు

కరోనా వైరస్: దేశవ్యాప్తంగా విద్యుత్ లైట్లు ఆర్పేసి దీపాలు, కొవ్వొత్తులు వెలిగించిన ప్రముఖులు

కరోనావైరస్: కోవిడ్-19 మహమ్మారి కొనసాగుతున్నప్పటికీ ఎవరెస్ట్ ఎక్కుతున్న చైనా పర్వతారోహకులు

కరోనావైరస్‌: కోవిడ్-19తో మరణించిన ముస్లిం శవాన్ని దహనం చేయడంపై శ్రీలంకలో వివాదం

కరోనావైరస్: ఒకరిని ఒకరు తాకలేకపోతున్నామనే ఈ బాధ తీరేదెలా

కరోనావైరస్: యూరప్‌లోని వృద్ధాశ్రమాల్లో మృత్యు ఘోష, వందలాది మంది వృద్ధులు మృతి

కరోనా వైరస్‌: ఒక డాక్టర్ భార్యగా నేను తీసుకునే జాగ్రత్తలు ఏంటంటే..

కరోనావైరస్: తీవ్ర సంక్షోభం దిశగా పాకిస్తాన్.. ఈ కల్లోలాన్ని ఇమ్రాన్ ఖాన్ ప్రభుత్వం తట్టుకోగలదా

కరోనావైరస్: ప్రభుత్వాలు అందిస్తున్న యాప్‌లు సురక్షితమేనా, రాబోయే రోజుల్లో వాటితో ప్రమాదం ఉందా

కరోనావైరస్: ఇండొనేసియాలో క్షణం క్షణం... భయం భయం