భారీ తాబేలు.. ఏకంగా పెద్ద కారంత ఉంది

  • 13 ఫిబ్రవరి 2020
తాబేలు Image copyright PA Media

దక్షిణ అమెరికా ఉత్తర ప్రాంతంలో కనుగొన్న తాబేలు శిలాజం ఏకంగా ఒక కారు పరిమాణం ఉంది.

స్టుపెండెమిస్ జాగ్రాఫికస్ జాతికి చెందిన ఈ తాబేళ్లు 70 లక్షల ఏళ్ల కిందటి నుంచి కోటి 30 లక్షల ఏళ్ల మధ్య ఆ ప్రాంతంలో సంచరించి ఉంటాయని శాస్త్రవేత్తలు భావిస్తున్నారు.

కొలంబియాలోని టటకోవా ఎడారి, వెనెజ్వేలాలోని ఉరుమాకో ప్రాంతాల్లో 4 మీటర్ల పొడవైన ఈ శిలాజాలను గుర్తించారు.

Image copyright PA Media
చిత్రం శీర్షిక మనిషి కంటే పొడవుగా ఉన్న తాబేలు శిలాజం

1970లోనే మొట్టమొదటిసారి స్టుపెండెమిస్ తాబేలు శిలాజాన్ని గుర్తించినప్పటికీ ఇప్పటికీ వీటికి సంబంధించి అనేక రహస్యాలు అలాగే మిగిలిపోయాయి.

పడవల్లాంటి పొడవైన కార్లంత పరిమాణంలో ఈ తాబేళ్లు ఉంటాయి. అమెజాన్, ఒరినోకో నదులు ఏర్పడక ముందు దక్షిణ అమెరికాలోని ఉత్తర ప్రాంత చిత్తడి నేలల్లో ఇవి నివసించేవన్నది శాస్త్రవేత్తల అంచనా.

ఈ భారీ తాబేళ్లలో మగవాటికి పైనుండే డొప్పకు రెండు వైపులా కొమ్ముల్లాంటివి ఉండేవి. శత్రువులతో పోరాడేందుకు అవి ఈ కొమ్ములను ఈటెల్లా వాడి ఉండొచ్చని శాస్త్రవేత్తలు చెబుతున్నారు. శిలాజాల్లో ఈ కొమ్ములకు సంబంధించిన ఆనవాళ్లను గుర్తించారు.

Image copyright Reuters
చిత్రం శీర్షిక వెనెజ్వెలాలో తవ్వకాలు సాగిస్తున్న పరిశోధకులు

తమకు దొరికిన 3 మీడర్ల పొడవైన డొప్ప, కింది దవడ ఎముకను బట్టి వాటి ఆహారానికి సంబంధించిన ఆధారాలు దొరికాయని పరిశోధకులు చెబుతున్నారు.

ఇవి నదులు, భారీ జల వనరుల్లో అడుగు భాగాన మొసళ్లతో కలిసి నివసిస్తూ ఇతర జలచరాలు, నీటిలోని మొక్కలు, గింజలు, పండ్లను ఆహారంగా తీసుకునేవని భావిస్తున్నారు.

ఇతర మాంసాహార జీవుల నుంచి తమను తాము రక్షించుకోవడానికి వాటి భారీ పరిమాణం ఉపయోగపడేదని.. దొరికిన శిలాజాల్లో ఒకదానిపైన మొసలి పన్ను గుచ్చుకుని ఉందని పరిశోధకులు తెలిపారు.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)

ముఖ్యమైన కథనాలు

దిల్లీ హింస: 'ప్రేమికుల దినోత్సవం రోజు పెళ్ళి చేసుకున్నాడు... 11 రోజులకే అల్లర్లలో చనిపోయాడు"

కరోనావైరస్ వ్యాప్తిని ఉత్తర కొరియా సమర్థంగా ఎదుర్కోగలదా?

ప్రెస్ రివ్యూ: స్టూడెంట్స్‌ లోన్‌ యాప్‌ల నయా దందా... గడువులోగా అప్పు తీర్చకుంటే బ్లాక్‌మెయిల్‌

దిల్లీ హింస: తాహిర్ హుస్సేన్‌‌పై హత్యాయత్నం కేసు... పార్టీ నుంచి సస్పెండ్ చేసిన ఆప్

దిల్లీ హింస: ‘హిందువుల ఆలయాలను ముస్లింలు రక్షించారు’

యాపిల్ మొట్టమొదటి ఇండియన్ స్టోర్ 2021లో ప్రారంభం: టిమ్ కుక్

దిల్లీ హింస ప్రభావం హైదరాబాద్‌పై ఎలా ఉంది

దిల్లీ హింస: జస్టిస్ మురళీధర్ ఎవరు.. ఆయన బదిలీపై చర్చ ఎందుకు

సింహాల సఫారీలో చిక్కిన టీనేజర్