పంటకు నష్టం చేసిన కలుపుమందు.. బేయర్, బీఏఎస్ఎఫ్ సంస్థలకు రూ. 1,890 కోట్ల జరిమానా విధించిన అమెరికా కోర్టు

  • 18 ఫిబ్రవరి 2020
దశాబ్దాలుగా పొలాల్లో కలుపు నివారణకు రసాయనాలను రైతులు వాడుతున్నారు Image copyright Getty Images
చిత్రం శీర్షిక దశాబ్దాలుగా పొలాల్లో కలుపు నివారణకు రసాయనాలను రైతులు వాడుతున్నారు (ప్రతీకాత్మక చిత్రం)

265 మిలియన్ డాలర్ల జరిమానాను విధిస్తూ అమెరికాలోని మిస్సోరీ కోర్టు ఇచ్చిన తీర్పును జర్మనీ రసాయన సంస్థ బేయర్ సవాలు చేస్తోంది.

బేయర్ సంస్థకు చెందిన కలుపును నివారించే మందులే తన పంట నష్టానికి కారణం అంటూ బిల్ బాడెర్ అనే పీచ్ పండ్ల రైతు బేయర్, బీఏఎస్ఎఫ్ సంస్థల మీద కేసు వేశాడు.

తన పండ్ల తోటకు దగ్గరగా ఉన్న పొలాల నుంచి కొట్టుకొచ్చిన డైకాంబా కలుపు సంహారకాలు మొత్తం పంటను నాశనం చేశాయని ఆరోపించాడు.

పంటల్లో కలుపు రాకుండా కొట్టే డైకాంబా కలుపు సంహారకం, పంటలకు తీవ్రంగా నష్టాలు తీసుకొస్తోందని ఈ సంస్థలపై 140 కేసులు నమోదయ్యాయి. వీటిలో కోర్టు తీర్పు చెప్పిన తొలి కేసు ఇదే.

బేయర్ మాత్రం, తమ కలుపు సంహారకాలను సరిగ్గా ఉపయోగిస్తే, వాటి వల్ల ఎలాంటి నష్టం జరగదని చెబుతోంది.

అమెరికా అగ్రి కెమికల్స్ సంస్థ మోన్‌శాంటోను, 2018లో 63 బిలియన్ డాలర్లకు బేయర్ కొనుగోలు చేసింది. ఆ సంస్థ ఉత్పత్తులైన డైకాంబా ఆధారిత కలుపు సంహారకాలు రైతుల నుంచి విమర్శలు ఎదుర్కొంటున్నాయి.

మోన్‌శాంటో కలుపు సంహారకాలకు వ్యతిరేకంగా వేసిన ఈ కేసుల వల్ల బేయర్‌ వందల కోట్ల డాలర్ల రూపాయల మేర పరిహారం చెల్లించాల్సిన పరిస్థితి కనిపిస్తోంది.

మిస్సోరీలో జరిగిన పంట నష్టాలను బేయర్, బీఏఎస్ఎఫ్ పంచుకుంటాయా అనేదానిపై ఇప్పటివరకూ స్పష్టత రాలేదు.

శనివారం (ఫిబ్రవరి 15వ తేదీ) మిస్సోరీలోని కేప్ జిరాడో జిల్లా కోర్టు ఇచ్చిన తీర్పును సవాలు చేస్తూ, "మాకు అందుబాటులో ఉన్న అన్ని చట్టపరమైన వనరులను ఉపయోగిస్తాం" అని బీఏఎస్ఎఫ్ చెప్పింది.

రైతు బాడెర్‌కు 15 మిలియన్ డాలర్ల (సుమారు రూ.107 కోట్లు) నష్ట పరిహారంతో పాటు, జరిమానాగా మరో 250 మిలియన్ డాలర్లు (సుమారు రూ. 1,783 కోట్లు) చెల్లించాలని కోర్టు ఈ రెండు సంస్థలను ఆదేశించింది.

తన వెయ్యి ఎకరాల పండ్ల తోట డైకాంబా కలుపు సంహారకాల వల్ల నాశనం అయ్యిందని రైతు వాదించారు.

జ్యూరీ తీర్పుతో తాము స్పష్టంగా విభేదిస్తున్నామని, అది తమకు చాలా నిరుత్సాహపరిచిందని బేయర్ సోమవారం విడుదల చేసిన ఒక ప్రకటనలో చెప్పింది.

"మేం ఈ తీర్పును వెంటనే అప్పీల్ చేస్తాం. ఏ రైతు పంట నష్టపోయినా, మాకు వారి పట్ల చాలా సానుభూతి ఉంటుంది. బాడెర్ విషయానికి వస్తే, తన నష్టానికి కారణం అనేలా మోన్‌శాంటో ఉత్పత్తులు ఏవీ ఆయన పొలంలో ఉన్నట్టు బలమైన ఆధారాలు లభించలేదు" అని తెలిపింది.

అమెరికా మధ్య రాష్ట్రాలలో వేలాది ఎకరాల పంట నాశనం కావడానికి డైకాంబా ఆధారిత కలుపు సంహారకాలే కారణం అని ఆరోపణలు వస్తున్నాయి.

రైతుల్లో దీనిపై ఆందోళనలు వ్యక్తమవడంతో 2018 నవంబర్‌లో అమెరికా ఎన్విరాన్‌మెంటల్ ప్రొటెక్షన్ ఏజెన్సీ(ఈపీఏ) డైకాంబా కలుపు సంహారకాలను ఉపయోగించడంపై నిషేధం విధించింది.

మాన్‌శాంటో కలుపు సంహారకాలు రైతులకు సురక్షితం, చాలా అమూల్యమైనవి అని బేయర్ గట్టిగా వాదిస్తోంది. లేబుల్ మీద ఉన్న సూచనల ప్రకారం దానిని ఉపయోగిస్తే, రైతులకు ఎలాంటి నష్టాలూ రావని అంటోంది.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)

ముఖ్యమైన కథనాలు

కరోనా వైరస్: దేశవ్యాప్తంగా విద్యుత్ లైట్లు ఆర్పేసి దీపాలు, కొవ్వొత్తులు వెలిగించిన ప్రముఖులు

కరోనావైరస్: కోవిడ్-19 మహమ్మారి కొనసాగుతున్నప్పటికీ ఎవరెస్ట్ ఎక్కుతున్న చైనా పర్వతారోహకులు

కరోనావైరస్‌: కోవిడ్-19తో మరణించిన ముస్లిం శవాన్ని దహనం చేయడంపై శ్రీలంకలో వివాదం

కరోనావైరస్: ఒకరిని ఒకరు తాకలేకపోతున్నామనే ఈ బాధ తీరేదెలా

కరోనావైరస్: యూరప్‌లోని వృద్ధాశ్రమాల్లో మృత్యు ఘోష, వందలాది మంది వృద్ధులు మృతి

కరోనా వైరస్‌: ఒక డాక్టర్ భార్యగా నేను తీసుకునే జాగ్రత్తలు ఏంటంటే..

కరోనావైరస్: తీవ్ర సంక్షోభం దిశగా పాకిస్తాన్.. ఈ కల్లోలాన్ని ఇమ్రాన్ ఖాన్ ప్రభుత్వం తట్టుకోగలదా

కరోనావైరస్: ప్రభుత్వాలు అందిస్తున్న యాప్‌లు సురక్షితమేనా, రాబోయే రోజుల్లో వాటితో ప్రమాదం ఉందా

కరోనావైరస్: ఇండొనేసియాలో క్షణం క్షణం... భయం భయం