కరోనావైరస్: వుహాన్‌లో అదృశ్యమైన జర్నలిస్ట్ లీ జెహువా తిరిగి ప్రత్యక్షం

లి జెహువా

ఫొటో సోర్స్, Li Zehua / YouTube

ఫొటో క్యాప్షన్,

లి జెహువా

పోలీసులు వెంటాడి నిర్బంధంలో పెట్టిన వుహాన్ జర్నలిస్ట్ లీ జెహువా తిరిగి కనిపించారు.

ఫిబ్రవరి 26వ తేదీన లీ జెహువా అనే జర్నలిస్ట్ తనను పోలీసులు వెంటాడుతున్న వీడియోను అప్ లోడ్ చేసిన తర్వాత మళ్ళీ కనిపించలేదు.

రెండు వారాల క్వారంటైన్ నుంచి తిరిగి వచ్చానని ఈనెల 22వ తేదీ బుధవారం ఒక వీడియోను ఆయన పోస్ట్ చేశారు. క్వారంటైన్ పూర్తి అయిన తర్వాత తన స్వగ్రామంలో గడిపినట్లు చెప్పారు.

ఆయన కోవిడ్ 19 గురైన ప్రాంతాలకి వెళ్లడంతో క్వారంటైన్ అవసరమైనట్లు వీడియోలో చెప్పారు.

లీ జెహువా ఒక సిటిజెన్ జర్నలిస్ట్. మరో జర్నలిస్ట్ చెన్ కిషి అదృశ్యమైన తర్వాత ఆయన ఫిబ్రవరిలో వుహాన్ వెళ్లారు. తాను వుహాన్ ఎందుకు వెళ్లిందీ తొలుత విడుదల చేసిన ఒక వీడియోలో వివరించారు.

“చైనీస్ కేంద్ర ప్రభుత్వం కరోనావైరస్ గురించి చెడు వార్తలన్నిటిని సేకరిస్తోందని ఒక చైనీస్ ప్రధాన వార్తా పత్రికలో పని చేస్తున్న స్నేహితుడు చెప్పారు. రోగులు కోలుకుంటున్న వార్తలని ప్రాంతీయ మీడియా మాత్రమే ప్రచురించగలదని చెప్పారు. అది ఎంత వరకు నిజమో నాకు తెలియదు” అని వీడియోలో తెలిపారు.

ఇన్ఫెక్షన్ల సంఖ్యని దాచి పెట్టడం, రద్దీగా ఉన్న స్మశాన వాటిక లాంటి కథనాలని జెహువా ప్రచురించారు.

వీటిని యూట్యూబ్, ట్విటర్ ల్లో కొన్ని లక్షల మంది చూసారు.

ఫిబ్రవరి 26 వ తేదీన ఏమి జరిగింది?

25 సంవత్సరాల లి జెహువా విడుదల చేసిన వీడియోలో తాను కారు డ్రైవ్ చేస్తుండగా ఇంకొక కారు వచ్చి తనను ఆపమంటూ 30 కిలోమీటర్ల వరకు వెంబడించారని ఆయన చెప్పారు. ఇదే వీడియోని ఆయన యూట్యూబ్ లో ఎస్ ఓ ఎస్ పేరుతో పబ్లిష్ చేశారు.

భయంతో కారు ఆపకుండా వేగంగా డ్రైవ్ చేసుకుంటూ వెళ్లినట్లు వీడియోలో ఆయన చెప్పారు.

ఆయన ఉంటున్న చోటుకి వెళ్లి పోలీసులు తలుపు కొట్టక ముందే యూట్యూబ్ లో వీడియో ని లైవ్ స్ట్రీమ్ చేశారు.

తాను రూమ్ లోకి వెళ్లి లైట్ లన్నీ ఆర్పేసి కూర్చున్నట్లు చెప్పారు. ఆయన తలుపు తీయనప్పటికీ మూడు గంటల తర్వాత పోలీసులు మళ్ళీ తలుపు కొట్టారు.

దాంతో తలుపు తీయాల్సి వచ్చింది. అక్కడి నుంచి పోలీస్ స్టేషన్ కి తీసుకుని వెళ్లి వేలి ముద్రలు, రక్త పరీక్షలు నిర్వహించడానికి శాంపిల్ తీసుకుని వెళ్లారని చెప్పారు.

ఆయన ప్రజా జీవితానికి భంగం కలిగించినట్లు అనుమానంతో పోలీస్ స్టేషన్ కి తీసుకుని వచ్చామని కానీ, జరిమానా ఏమి విధించమని పోలీసులు చెప్పినట్లు జెహువా చెప్పారు.

వైరస్ ప్రబలిన ప్రాంతాలలో తిరిగినందున క్వారంటైన్ లో ఉండాల్సిన అవసరం ఉందని చెప్పినట్లు చెప్పారు.

ఆ తర్వాత ఏం జరిగింది?

జెహువాని పోలీస్ అధికారులు వుహాన్ లోని క్వారంటైన్ భవనానికి తీసుకుని వెళ్లారు. అక్కడ ఆయన దగ్గర ఉన్న ఎలక్ట్రానిక్ పరికరాలని తీసుకుని వెళ్లిపోయినట్లు తెలిపారు.

క్వారంటైన్ లో రెండు వారాలు ఉన్నట్లు చెప్పారు.

అక్కడ నుంచి తమ సొంత ఊరిలో ఉన్న క్వారంటైన్ కేంద్రానికి వెళ్లి, అక్కడ రెండు వారాలు ఉన్న తర్వాత ఇంటికి వెళ్లినట్లు చెప్పారు.

క్వారంటైన్లో ఉన్న సమయంలో పోలీసులు తన బాగోగులు చూసుకున్నారని, తనకి మంచి ఆహారం ఇచ్చారని చెప్పారు.

"నన్ను బాగా చూసుకున్న వారందిరికి నేను కృతజ్ఞుడినై ఉంటాను. వైరస్ తో బాధపడుతున్నవారందరూ కోలుకుంటారని ఆశిస్తున్నాను. చైనాని దేవుడు రక్షించాలని కోరుకుంటున్నాను. ప్రపంచం అంతా ఐక్యం కావాలని ఆశిస్తున్నాను” అని వీడియోలో మాట్లాడారు.

చెన్ కిషి ఆచూకీ ఇంకా తెలియలేదు. ఆయన గత 75 రోజులుగా కనిపించటం లేదని ఆయన స్నేహితులు ట్వీట్ చేశారు.

ఇది పరీక్షా సమయం (వీక్లీ షో)

కరోనావైరస్ హెల్ప్‌లైన్ నంబర్లు: కేంద్ర ప్రభుత్వం - 01123978046, ఆంధ్రప్రదేశ్, తెలంగాణ - 104

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)