ఎన్నికల కమిషన్

కేరళ రాష్ట్ర అసెంబ్లీ ఎన్నికల్లో లెఫ్ట్ డెమొక్రటిక్ ఫ్రంట్ (ఎల్‌డీఎఫ్) పార్టీ చరిత్రాత్మక విజయం దిశగా పయనిస్తోంది. మొత్తం 140 స్థానాల్లో ప్రస్తుతం ఎల్‌డీఎఫ్ 85 స్థానాల్లో ఆధిక్యంలో ఉండగా, కాంగ్రెస్ నేతృత్వంలోని ప్రతిపక్ష యూడీఎఫ్ కూటమి 44 స్థానాల్లో ఆధిక్యంలో ఉంది. ఓట్ల లెక్కింపు ఇంకా కొనసాగుతోంది.

ఈ ఎన్నికల్లో ఎల్‌డీఎఫ్ పూర్తి విజయం సాధిస్తే, కేరళలో గత నాలుగు దశాబ్దాలుగా ప్రతీ ఎన్నికలకు అధికారం పార్టీలు మారే సంప్రదాయానికి తెర పడినట్లే.

కేరళలో ఒకసారి వామపక్షాలు గెలిస్తే, మరొకసారి కాంగ్రెస్ నేతృత్వంలోని సంకీర్ణం గెలుస్తూ ఉంటుంది. కానీ, ఈ ఎన్నికల్లో మలయాళీలు లెఫ్ట్ పార్టీకి రెండోసారి కూడా పట్టం కడుతున్నారు. బీజేపీ ప్రస్తుతం నాలుగు స్థానాల్లో ఆధిక్యంలో ఉంది.

కణ్ణూర్ జిల్లాలోని ధర్మాదం అసెంబ్లీ స్థానంలో ముఖ్యమంత్రి పినరయి విజయన్ తన సమీప ప్రత్యర్థిపై 13 వేల ఓట్ల ఆధిక్యంలో ఉన్నారు.

TWITTER@vijayanpinarayiCopyright: TWITTER@vijayanpinarayi

నాలుగు రాష్ట్రాలు, ఒక కేంద్ర పాలిత ప్రాంతంలో ఎక్కువ స్థానాల్లో ఫలితాల సరళి వెల్లడైంది.

దీంతో విజయానికి చేరువవుతున్న పార్టీల మద్దతుదారులు సంబరాలు చేసుకుంటున్నారు.

చాలా ప్రాంతాల్లో జనం భారీగా గుమిగూడి డాన్సులు చేస్తూ, పాటలు పాడుతున్నారు.

ఒకరిపై ఒకరు రంగులు చల్లుకుంటూ స్వీట్లు తినిపించుకుంటున్నారు.

ఇలాంటి విజయోత్సవాలను నిషేధించినట్లు ఎన్నికల సంఘం ఇంతకు ముందే ప్రకటించింది.

కానీ విజయోత్సాహంలో ఉన్న కార్యకర్తలు ఈ మార్గదర్శకాలను పాటిస్తున్నట్లు కనిపించడం లేదు.

దీంతో ఎన్నికల సంఘం మరోసారి దీనిపై హెచ్చరికలు జారీ చేసింది. ఇలాంటి వేడుకలు వెంటనే నిలిపివేయాలని, ఇది ఈసీ మార్గదర్శకాలు ఉల్లంఘించినట్లే అవుతుందని చెప్పింది.

దీనిపై ఒక ప్రకటన జారీ చేసిన ఎన్నికల సంఘం, దీనిని చాలా తీవ్రంగా పరిగణిస్తున్నామని చెప్పింది.

మళ్లీ ఆదేశాలు జారీ చేస్తున్నామని, పార్టీల కార్యకర్తలు, అందరూ తమ ఆదేశాలు పాటించేలా సంబంధిత అధికారులు తగిన చర్యలు తీసుకోవాలని ఆదేశించింది.

విజయోత్సవాలు జరుగుతున్న ప్రాంతాల్లో, బాధ్యులైన ఎస్‌హెచ్ఓ, మిగతా అధికారులు వెంటనే సస్పెండ్ చేయాలని, వారిపై క్రిమినల్/క్రమశిక్షణా చర్యలు ప్రారంభించాలని ఆదేశించింది.

ECICopyright: ECI