Got a TV Licence?

You need one to watch live TV on any channel or device, and BBC programmes on iPlayer. It’s the law.

Find out more
I don’t have a TV Licence.

ቀጥታዊ ጸብጻብ

time_stated_uk

  1. ፖል ዌላን

    እዚ ናይ ኣሜሪካ፣ እንግሊዝ፣ ካናዳን ኣየርላንድን ዜግነት ዝለዎ ውልቀሰብ፡ ነቲ ሚስጢራዊ ሓበሬታ ሒዙ ዝተብሃለ ፍላሽ 'ናይ በዓል ኣሳእል ዝሓዘ ፍላሽ ዲስክ እዩ' ክብል ነቲ ዝቐረበሉ ክሲ ነጺግዎ ነይሩ።

    ተወሳኺ ንባብ
    next
  2. Breakingኣብ ኢትዮጵያ ኣብ ዝሓለፈ 24 ሰዓታት 268 ሰባት ኮሮናቫይረስ ተረኸቢብዎም

    ኣብ ኢትዮጵያ ኣብ ዝሓለፈ 24 ሰዓት 5644 ሰባት መርመራ ኮሮናቫይረስ ተገይርሎም እቶም 268 ሰባት ኮሮናቫይረስ ከምዝተረኸቦም ሚኒሰትሪ ጥዕና እታ ሃገር ገሊጹ።

    በዚ መሰረት ኣብ ኢትዮጵያ ቁጽሪ ብኮሮናቫይረስ ዘተለኸፉ ሰባት 3,166 በጺሑ ኣሎ።

    እቲ ሚኒሰትሪ ኣብ ዝሃቦ መግለጺ ኣብ ዝሓለፈ ዕስራን ኣርባዕተን ሰዓታት ሸሞንተ ሰባት ብኮቪድ 19 ከምዝሞቱ ብምግላጽ ኣብታ ሃገር ብዝሒ ብኮሮናቫይረስ ዝሞገ ሰባት ናብ ሓምሳን ሓሙሽተን ክብ ምባሉ ገሊጹ።

    ካብዞም 268 እተን 91 ደቂ ኣንስትዮ ክኾና እንከለዋ፡ እቶም 177 ድማ ደቂ ተባዕትዮ እዮም። ብዝርገሐ ቦታ ድማ 232 ካብ ኣዲስ ኣበባ፡ 12 ካብ ኦሮምያ፡ 8 ካብ ኣምሓራ፡ 6 ካብ ትግራይ፡ 5 ካብ ሃረር፡ 2 ካብ ደቡብ፡ 2 ካብ ዓፋርን 1 ካብ ቤንሻንጉል ጉሙዝ ምኳኖም እቲ ሚኒሰትሪ ኣብ ዝሃቦ ዕለታዊ መግለጺ ሓቢሩ።

    እቲ ሚኒሰትሪ ብተወሳኺ ካብቶም ኮቪድ 19 ሓሚሞም ሕክምናዊ ናብዮት ክግበረሎም ዝጸንሐ 44 ሰባት ስለዝሓወዩ ሓፈሻዊ ቁጽሪ ካብዚ ሕማም ዝሓወዩ 495 ከም ዝበጸሐ ገሊጹ።

    ኮሮናቫይረስ
  3. ብራዚል ማእከል ለበዳ ኮሮናቫይረስ

    ኣብዚ እዋን ብዓለም ጀረጃ ልዕሊ ፍርቂ ብኮሮናቫይረስ ዝተለኸፉ ሰባት ኣብ ደቡብ ኣመሪካ ከምዘሎን፡ ማእከል እቲ ለበዳ ድማ ብራዚል ኮይና ትርከብ።

    ኣብ ብራዚል፡ 828,810 ሰባት ተለኺፎም ከምዘለውን፡ እዚ ቁጽሪ ድማ ድሕሪ እቲ ናይ ኣመሪካ ይስራዕ።

    ቊጽሪ ዝሞቱ 42,000 በጺሑ’ሎ።

    እቲ ቊጽሪ መልከፍቲ ግን፡ እኹል መርመራ ከምቲ ዝድለ ሰለዘይካየድ ድማ ልዕሊ እቲ ዝተገልጽ ክኸውን ይኽእል እዩ።

    ኮሮናቫይረስ
  4. ተመኩሮ ዓሌትነት ብዓይኒ ኤርትራውያን ኣዴታት

    እቲ ብ25 ግንቦት 2020፡ ደርክ ቻውቪን ዝተባህለ ኣባል ፖሊስ ሚንያሶታ፡ ኣብ ልዕሊ ጸሊም ኣሜሪካዊ ጆርጅ ፍሎይድ፡ ዝተፈጸመ ኢሰብኣዊ ቅትለት፡ ኣብ ኣሜሪካን፡ ኣብ ካልኦት ክፍልታት ዓለምን ቁጥዐን ነድርን ኣስዒቡስስ ኣህዛብ ዓለም ብሰልፍን ብማሕበራዊ መራኸቢታትን ይኹንንዎ ኣለው። ካብዚ ብዝብገስ ኣብ ዝተፈላለየ ኣህጉርን ኩርናዕ ዓለምን ዝርከባ ኤርትራውያን ኣዴታት፡ ጸለምቲ ብምዃነንን ኣብ ደቀንን ስድረአንን ከባቢአንን ንዘጋጠመን ተመኩሮ ንቢቢሲ ገሊጸን ኣለዋ።

    ተወሳኺ ንባብ
    next
  5. ብኮሮናቫይረስ ካብ ዝተለኸፉ 7.6 ሚልዮን ሰባት ኣስታት ፍርቆም ሓውዮም

    ሎሚ ቀዳም ብዘሎ ሓበሬታ ብኮሮናቫይረስ ካብ ዝተለኸፉ 7.6 ሚላዮን ሰባት ኣስታት ፍርቆም (ልዕሊ 3.6 ሚልዮን) ሓውዮም ነናብ ቤቶም ተፋነዮም።

    እንተኾነ ሕዱር ሕማም ዝነበሮም፡ ኣረጋውያንን ናይ ምጽዋር ዓቕሞም ድኹም ዝጸንሐን 425,869 ሰባት ድማ ብኮቪድ-19 ሞይቶም ኣለዉ።

    ዝርገሐ ኮሮናቫይረስ ብምቁጽጻር የእዳውና ደጋጊምና ብማይን ሳምናን ምሕጻብ፡ ኣካላዊ ምርሕሓቅ ምትግባር መሸፈኒ ኣፍን ኣፍንጫን ምጥቃም ካብቲ ቀንዲ ክንገብሮ ዘለና ምዃኑ ሰብ ሞያ ጥዕና ይምዕዱ።

    ምርምር ኮሮናቫይረስ
  6. ሜ/ጀነራል ኣበበ ተኽለሃይማኖት

    ጀነራል ኣበበ፡ ኣብ ዝተፈላለዩ ጋዜጣታት፡ መጽሄታትን ብዘቕርቦም ፖለቲካዊ ትንታነታት ይፍለጥ። 'የኢትዮጵያ ፖለቲካ ከየት ወዴት' ዝብል መጽሓፍ'ውን ጽሒፉ እዩ። ቢቢሲ ትግርኛ፡ ኣብ ህሉው ኩነታት ፖለቲካ ኢትዮጵያ ኣዘራሪብዎ ኣሎ።

    ተወሳኺ ንባብ
    next
  7. ምዕባለታት ኮሮናቫይረስ ዓባይ ብሪጣንያ

    ሎሚ ኣብ ዓባይ ብሪጣንያ 202 ሰባት ብሕማም ኮሮናቫይረስ ተለኺፎም ከምዝሞቱ ጸብጻባት መንግስቲ ሓቢሮም።

    ኣብታ ሃገር ቁጽሪ ብኮሮናቫይረስ ዝሞቱ ሰባት እናጎደለ ይኸይድ ከምዘሎ'ውን እቲ ዝተረኽበ ሓበሬታ የረድእ።

    ምዕባለታት ኮሮናቫይረስ
  8. ኣባላት ኤውሮጳዊ ሕብረት ኣብ ምዕዳግ ክታበት ኮሮናቫይረስ ብሓባር ክሰርሓ ጻውዒት ቀሪቡ

    መድሃኒት ዘፍርያ ዘለዋ ኩባንያታት

    ሃገራት ኤውሮጳዊ ሕብረት፡ ኣብ ምሽማት ክታበት ኮሮናቫይረስ ብሓንሳብ ተሓባቢረን ክሰርሓ ፈጻሚ ኣካል እቲ ሕብረት ኣዘኻኺሩ።

    ሓላፊት ጥዕና ኤውሮጳዊ ሕብረት ከምዝሓበረቶ፡ እቲ ሕብረት ካብ መንግስታት እተን ኣባላት ሃገራት ምሉእ ደገፍ ከምዘለዎ ድሕሪ ምግላጽ፡ ኣስታት 2.7 ቢልዮን ዶላር ንመግዝኢ መድሃኒት ኮሮናቫይስ ሰሊዑ ከምዘሎ ገሊጻ።

    ሃገራት ጀርመን፡ ፈረንሳ፡ ኢጣልያ፡ ከምኡ’ውን ሆላንድ ድሮ ምስ መድሃኒት ዘፍርያ ዘለዋ ኩባንያታት ዝርርብ ጀሚረን ከምዘለዋን፡ እዚ ድማ ነቲ ኤውሮጳዊ ሕብረት ዝወስዶ ዘሎ ተበግሶ ዘድክም ምዃኑ ተሓቢሩ።

    ብተወሳኺ፡ እቲ ሕበረት ንኹለን 27 ሃገራት ዘማእከለ ረብሓ ይሰርሕ ምህላው ሓላፊት ጥዕና ናይቲ ሕብረት ስተላ ከርዩደስ ሓቢራ።

  9. ኣብ ጎደናታት ዝተኣከቡ ሶርያውያን

    ፕረሲደንት ሶርያ በሽር ኣል ኣሳድ ንቀዳማይ ሚኒሰትር እታ ሃገር ኢማድ ክሃሚስ ካብ ስራሕ ከምዝሰጐገ ተገሊጹ

    ተወሳኺ ንባብ
    next
  10. ኣብ ምዕራብ ትግራይ፡ ብዝሒ ብኮቪድ-19 ዝተለኽፉ ሰባት 64 በጺሑ

    ኣብዚ እዋን፡ ኣብ ምዕራብ ትግራይ ኣብ ውሽጢ እቲ ሕብረሰተብ ዘሎ ዝርግሐ እቲ ቫይረስ ንምፍላጥ፡ ገዛ ንገዛ ዳህሳስ ከም ዝጀመረ ቢሮ ጥዕና እቲ ክልል ንቢቢሲ ገሊጹ።

    ሎሚ መዓልቲ፡ ኣብ ትግራይ 15 ሓደሽቲ ብኮቪድ-19 ዝተለኸፉ ሰባት ከም ዝተረኸቡ ብመርመራ ክረጋገጽ እንከሎ፡ እቶም 11 ካብ ምዕራብ ትግራይ፡ ማይካድራን ሰቲት ሑመራን እዮም።

    ኣብቲ ከባቢ ዘሎ ኩነታት ኣዝዩ ከም ዘስግእ ዝገልጽ ምኽትል ሓላፊ ቦሮ ጥዕና ዶክተር ጸጋይ በርሀ፡ ዝርግሐ እቲ ቫይረስ ንምቁጽጻር ስጉምቲ ዕጽዋ ቅድሚ ምውሳዱ ነዚ ቫይረስ ተቓላዕቲ’ዮም ኣብ ዝበሃሉ ሆቴላት፣ ባንክን ካልኦት ናይ ኣገልግሎት ትካላትን ሓዊሱ ኣብ ውሽጢ እቲ ሕብረተሰብ ዳህሳስን መርመራን ይካየድ ኣሎ ኢሉ።

    ዞባ ምዕራብ ትግራይ፡ ምስ ሱዳንን ክልል ኣምሓራን ዘዳውቦ ሰፊሕ ከባቢ ስለ ዘሎ፡ ካብዘን ከባቢታት ስሩዕ ብዘይኮነ መገዲ ዝኣትው ሰባት ብዙሓት ከም ዝኾኑ ዶክተር ጸጋይ ገሊጹ።

    እዚ ድማ፡ እቲ ቫይረስ ኣብ ውሽጢ ሕብረሰተብ ልሒኹ ልዑል መልከፍቲ ከይፍጠር ከም ዝስጋእ ብምዝኽኻር፡ ሕብረተሰብ ጥንቃቐ የጉድል ብምህላው፡ ብሰብ ሞያ ዝወሃቡ ምኽርታት መከላኸሊ እዚ ሕማም ከተግብር ኣዘኻኺሩ።

    ኣብ ዞባ ምዕራብ ትግራይ፡ ቅድም ኢሉ ሓንቲ ጓል ኣንስተይቲ ብምኽንያት እዚ ቫይረስ ከምዝሞተት ይፍለጥ።

    ብሓፈሻ፡ ኣብ ክልል ትግራይ ብዝሒ ብዚ ቫይረስ ዝተትሓዙ ሰባት 107 ክበጽሕ እንከሎ፡ ሸሞንተ ድማ ሓውዮም ኣለው።

    ክልል ትግራይ
  11. ዱንያ መኮነን - ብዓልቲ ሞያ ሕግን ተጣባቂት ሰብኣዊ መሰላትን

    በዓልቲ ሞያ ሕግን ተጣባቂት ሰብኣዊ መሰላትን ዱንያ መኮነን፡ ብምኽንያት ለበዳ ኮሮናቫይረስ ብዙሓት መጻምድቲ ኣብ ገዛ ተዓጽዮም’ዮም ይውዕሉ ስዘለዉ፡ እዚ ከኣ ንቁጽሪ ጾታዊ ዓመጻት ክውስኽ ካብ ዝደረኸ ምኽንያታት እቲ ቀንዲ ከምዝኾነ ትዛረብ።

    ተወሳኺ ንባብ
    next
  12. Breakingኣብ ኢትዮጵያ 245 ተወሰኽቲ ሰባት ኮሮናቫይረስ ተረኺብዎም

    ሚንስትሪ ጥዕና ኢትዮጵያ ከምዝሓበሮ፡ ኣብ ውሽጢ ዝሓለፉ 24 ሰዓታት 5709 ሰባት ምርመራ ተገይርሎም'ዩ።

    ካብቶም ምርመራ ዝተገበረሎም ድማ ኣብቶም 245 ኮሮናቫይረስ ተረኺብዎም ኣሎ። 7 ሰባት'ውን ሞይቶም።

    እቲ ሎሚ መዓልቲ ዝተረኸበ መዓልታዊ ቁጽሪ እቲ ዝለዓለ ኮይኑ'ሎ።

    ነቲ ናይ ሎሚመዓልቲ ሓዊሱ ብሓፈሻ ኣብታ ሃገር በኮቪድ-19 ዝተትሓዙ ሰባት 2915 በጺሖም።

    እቲ ቫይረስ ዝተረኸቦም ሰባት ኣብ ክሊ ዕድመ 1 ክሳብ 85 ዓመት ይርከቡ ተባሂሉ።

    ብጾታ ከኣ 172 ደቂተባዕትዮን 73 ደቂኣንስትዮን ይብል መግለጺ ሚንስትሪ ጥዕና ኢትዮጵያ።

    ሚንተር ጥዕና ኢትዮጵያ ዶክተር ሊያ ታደሰ
  13. Breakingባይቶ ክልል ትግራይ ሎሚመዓልቲ ኣብ ዘካየዶ ዋዕላ መረፃ ክካየድ ብምሉእ ድምፂ ወሲኑ

    ባይቶ ክልል ትግራይ

    "መረፃ ዝካየደሉ መዓልቲ ዛጊድ ኣይተነፀረን ግን ቅድሚ ጳጉሜን ክካየድ እዩ" ክብል ሓላፊ ርክብ ህዝቢ ባይቶ ትግራይ ኣይተ ሙሉጌታ ታረቀ ንቢቢሲ ገሊጹ።

    ስእሊ፡ ፋይል [ቅድሚ ኮሮና ዝተወሰደ]

  14. ኣብ ትግራይ ተወሰኽቲ 15 ሰባት ኮሮናቫይረስ ተታሒዞም

    ሰራሕተኛታት ፋብሪካ ዓለባ ቬሎሲቲ

    ኣብ ትግራይ ኣብ ውሽጢ ዝሓለፉ 24 ስዓታት ምርመራ ላብራቶሪ ካብ ዝተገበረሎም 182 ሰባት ኣብቶም 15 እቲ ቫይረሰ ተረኺብዎ ኣሎ።

    እቶም ሰባት ካብ 20-45 ክሊ ዕድመ ከምዝርከቡ ቢሮ ጥዕና'ቲ ክልል ኣፍሊጡ።

    "እዞም ቫይረስ ዝተረኸቦም ሰባት 10 ኣብ ማይ ካድራ መወሸቢ ዝነበሩ ፤ 3 ኣብ መወሸቢ ማእኸል መቐለ ዝነበሩ 2 ድማ ኣብ ሰቲት ሑሞራ ኮይኖም እቲ ቫይረስ ምስ ዘለዎ ርክብ ይኹን ጉዕዞ ታሪኽ ዘይነበሮም እዮም" ይብል ቢሮ ጥዕና ትግራይ ብፌስቡክ ዝዘርግሖ ሓበሬታ።

    ዛጊድ ኣብ ትግራይ 4,888 ምርመራ ዝተገበረሎም እንትኾኑ 107 ኮሮናቫይረስ ከምዝተረኸቦም እቲ ጸብጻብ የመልክት።

  15. ብሰንኪ ኮሮናቫይረስ ዝተጋደደ ጾታዊ ጥቕዓት ኣብ ልዕሊ ኢትዯጵያውያንን ኤርትራውያንን

    ዱንያ መኮነን

    ዱንያ መኮነን ነባሪት ኣሜሪካ ኮይና ብዓልቲ ሞያ ሕግን ተጣባቂት ሰብኣዊ መሰላትን እያ። ኣብ ስራሕ ካብ ትዋፍር ጀሚራ ድማ ዝያዳ ንጥሕሰት መሰላት ህጻናትን ደቂ ኣንስትዮን ኣተኩሮ ሂባ ትሰርሕ።

    ዱንያ እቲ ንመሰል ደቂ ኣንስተዮ ምጥባቕ ኣብ ኢትዮጵያ እንከላ’ውን ኣብ ማሕበር ሰብ ሞያ ሕጊ ደቂ ኣንስትዮ ኢትዮጵያ ተጠርኒፋ ትሰርሓሉ ነይራ እያ።

    ኣብቲ ማሕበር እንከላ ኣብቲ እዋን ንመሰል ደቂ ኣንስትዮ ብዙሕ ቆላሕታ ይውሃቦ ከምዘይነበረ እትዛረብ ዱንያ፡ እቲ ጾታዊ መጥቃዕቲ ልዑል ብምንባሩ እቲ ማሕበር ብሰናይ ተበግስኡ ይሰረሕ ከምዝነበረ ትሕብር።

    ምሉእ ዛንታ ንምንባብ - ኮሮናቫይረስ፡ ኣብ ኣሜሪካ ኣብ ልዕሊ ኢትዮጵያውያንን ኤርትራውያንን ዝፍጸም ጾታዊ ጥቕዓት ወሲኹ ተባሂሉ

  16. 'ጽርየቶም ዘይሓለዉ መወሸቢ ማእኸላት መራብሒ ኮሮናቫይረስ ዝኾኑላ' ኔፓል

    መወሸቢ ክፍሊ ዘጽርይ ዘሎ ሰብ

    ማእኸላት መወሸቢ፡ ለብዒ ኮሮናቫይረስ ንምቁጽጻር ብዝብል ዕላማ ከምዝጣየሹ ይፍለጥ።

    ኣብ ኔፓል ግን ሰባት በቲ ቫይረስ ዝልከፉሎም ቦታታት ይኾኑ ከምዘለዉ ኮሚሽን ሰብኣዊ መሰላት እታ ሃገር ሓቢሩ።

    ኣብታ ሃገር ኣስታት 170,000 ሰባት ኣብ መወሸቢ ማእኸላት ይርከቡ።

    መንግስቲ ብመሰረት መምዘኒታት ውድብ ጥዕና ዓለም ነቶም ማእኸላት ክቆጻጸሮም ከምዘይከኣለ እቲ ኮሚሽን ኣብ ዘውጽኦ ጸብጻብ ነቒፉ።

    እንተተኻኢሉ ስፍሕ ዝበለ ሓደ ክፍሊ ምስ ቬንትሌተር፣ ሽቓቕን መሕጸብን ብነብሲ ወከፍ ክዳለው፤ ሓበራዊ ክፍሊ እንተኾይኑ ድማ ኣብ ሞንጎ ዓራውቲ ናይ ሓደ ሜትሮ ርሕቐት ክዕቀብ ውድብ ጥዕና ዓለም ይምዕድ።

    ኔፓል ኣብዚ ሕዚ እዋን 4,614 ሰባት በቲ ቫይረስ ክተሓዝዋ ከለዉ፡ 14 ድማ ሞይቶም።

  17. ኣብ ናይጀርያ ልዕሊ 39́ ሚልዮን ዜጋታት ሸቕሊ ኣልቦ ክኾኑ ከምዝኽእሉ ተገሊጹ

    ኣብ ማእኸል ዕዳጋ ፍርያቱ ዝሸይጥ ናይጀርያዊ

    ኣብ ናይጀርያ ክሳብ መዛዘሚ እዚ ዓመት 39.4 ሚልዮን ሰባት ሸቕሊ ኣልቦ ክኾኑ ከምዝኽእሉ ተገሚቱ።

    ቁጠባ እታ ሃገር ብድሕሪ ለበዳ ኮሮናቫይረስ ንምንቕቓሕ ብዝብል ዝቖመ ኮሚቴ ከምዘፍለጦ እቶም ብቑጽሪ ዝተገመቱ ዜጋታት ክሳብ መዛዘሚ 2020 'ዮም ሸቕሊ ኣልቦ ክኾኑ።

    ብምኽትል ፕረዚደንት እታ ሃገር ዝምራሕ እቲ ጉጅለ፡ ለበዳ ኮሮናቫይረስ ንምቁጽጻር ብዝብል ዝተነበረ ገደብ ምንቅስቓስ ንዓውዲታት ሕርሻ፣ ቱሪዝምን ኣፍረይቲ ትካላትን ከምዝሃሰየ ኣፍሊጡ።

    ነቲ ጸገም ሽቕለት ኣልቦነት ንምፍታሕ ድማ ብዙሓት ሰራሕተኛታት ክቖጽሩ ዝኽእሉ ፕሮጀክትታት ክጅምሩ ምግባር ተመራጺ ከምዝኾነ ሓቢሩ።

    ኣብ ናይጀርያ 14 ሽሕን 554 ሰባት ብኮሮናቫይረስ ከምዝተትሓዙ መረዳእታታት የመልክቱ።

  18. ሆስፒታላት ህንዲ ንሕሙማት ኮቪድ-19 "ኣይንቕበልን" ክብላ ጀሚረን

    ሕክምና ዝጽበዩ ህንዳውያን

    ኣብ ህንዲ ብሕሙማት ዝተጨናነቓ ሆስፒታላት ብኮሮናቫይረስ ንዝተትሓዙ ኣይንቕበልን ይብላ ኣለዋ።

    ኣብታ ሃገር ብፍላይ እተን ብዝሒ ነበርቲ ዘለውወን ከተማታት ብሕሙማት ኮቪድ-19 ከምዝተጨናነቓ ይግለጽ።

    ከተማ ደልሂ ጥራይ ድሕሪ ሽድሽተ ሰሙናት ልዕሊ ፍርቂ ሚልዮን በቲ ቫይረስ ዝሓመሙ ክህልውዋ ከምዝኽእሉ ሰብመዚ እታ ሃገር ኣጠንቂቖም።

    ብተመሳሳሊ ኣብ ሙምባይ ቁጽሪ ብኮሮናቫይረስ ዝተትሓዙ ሰባት ካብታ እቲ ቫይረስ ዝፈለመላ ቻይናዊት ከተማ ዉሃን ዛይዱ'ሎ።

    ኣብዚ ሕዚ እዋን ሆስፒታላት ሕሙማት ኣይንቕበልን ብምባለን ብዙሓት ሰባት ሕክምና ብዘይምርካቦም ይሞቱ ኣለዉ።

  19. ሕቡራት ሃገራት ኣብዚ እዋን ለበዳ ምዝመዛ ጉልበት ህጻናት ክውስኽ ከምዝኽእል ኣጠንቂቑ

    ምስ ኣዲኣ ደው ዝበለት ህጻን

    ኣብ ዓለም ኣጋጢሙ ዘሎ ለበዳ ኮሮናቫይረስ ብሚልዮናት ንዝቑጸሩ ህጻናት ናብ ሓደጋ ምዝመዛ ጉልበት (ግዱድ ዕዮ ህጻናት) የእትው ከምዘሎ ሕቡራት ሃገራት ኣፍሊጡ።

    እዚ ድማ ኣብ ውሽጢ 20 ዓመታት ንፈለማ እዋን ዘጋጠመ ወሰኽ ቁጽሪ ክኸውን ከምዝኽእል ሓቢሩ።

    "እቲ ለበዳ ኣብ ኣታዊታት ስድራ ጽልዋ ስለዘሕደረ መብዛሕቲኦም ኣብ ምዝመዛ ጉልበት ህጻናት ክምርኮሱ ይኽእሉ እዮም" ኢሉ ዓለምለኻዊ ውድብ ዕዮ።

    ብደረጃ ዓለም ቁጽሪ ኣብ ግዱድ ዕዮ ዝተዋፈሩ ህጻናት ኣብ 2000 ኣቆጻጽራ ኣውሮጳ ካብ 246 ሚልዮን ናብ 152 ሚልዮን ነኪዩ ነይሩ።

    ለበዳ ኮሮናቫይረስ ንዓለም ናብ ኣዝዩ ከቢድ ቁጠባዊ ምንቁልቋል ከምዘእትዋ ተንተንቲ ቁጠባ የተንብሁ።

  20. ልዕሊ 40 ሽሕ ሰባት ኣብ ዝሞትዋ ብራዚል ዝተወለዐ ቁጠዐ

    ኣብ መቓብራት ደው ዝበለት መንእሰይ

    ተጣበቕቲ ሰብኣዊ መሰላት ብራዚል፤ መንግስቲ እታ ሃገር ኣብ ምቁጽጻርን ምክልኻልን ኮቪድ-19 ሸለልትነት ኣርእዩ ብምባል ሕርቃኖም ክገልጹ ጀሚሮም።

    ነዚ ድማ ኣብ ገማግም ባሕሪ ሪዮ ኮፖካባና 100 መቃብራት ብምስራሕ ነቶም ብኮቪድ 19 ዝሞቱ ልዕሊ 40 ሽሕ ብራዚላውያን ይዝክሩ ኣለዉ።

    እንተኾነ እዞም ነዚ ናይ ዝኽሪ መደብ ዘዳለዉ ተጣበቕቲ ሰብኣዊ መሰላት፤ ደገፍቲ ፕረዚደንት ጃየር ቦለሶናሮ ነቲ ንዝኽሪ ዝተተኸለ መስቀል ስለዝመሓውዎ ቁጠዐ ከምዝፈጠረሎም ይሕብሩ።

    ምሉእ ዛንታ ንምንባብ - ኣብ ብራዚል ኮሮናቫይረስ ዝፈጥሮ ዘሎ ነቃዕ እናሓደረ ይገፍሕ ኣሎ