ኣብ ኢትዮጵያ ኣብ ዝሓለፈ 24 ሰዓታት 268 ሰባት ኮሮናቫይረስ ተረኸቢብዎም

ኣብዚ እዋን ብዓለም ጀረጃ ልዕሊ ፍርቂ ብኮሮናቫይረስ ዝተለኸፉ ሰባት ኣብ ደቡብ ኣመሪካ ከምዘሎን፡ ማእከል እቲ ለበዳ ድማ ብራዚል ኮይና ትርከብ።

ኣብ ብራዚል፡ 828,810 ሰባት ተለኺፎም ከምዘለውን፡ እዚ ቁጽሪ ድማ ድሕሪ እቲ ናይ ኣመሪካ ይስራዕ።

ቊጽሪ ዝሞቱ 42,000 በጺሑ’ሎ።

እቲ ቊጽሪ መልከፍቲ ግን፡ እኹል መርመራ ከምቲ ዝድለ ሰለዘይካየድ ድማ ልዕሊ እቲ ዝተገልጽ ክኸውን ይኽእል እዩ።

Getty ImagesCopyright: Getty Images

ሎሚ ቀዳም ብዘሎ ሓበሬታ ብኮሮናቫይረስ ካብ ዝተለኸፉ 7.6 ሚላዮን ሰባት ኣስታት ፍርቆም (ልዕሊ 3.6 ሚልዮን) ሓውዮም ነናብ ቤቶም ተፋነዮም።

እንተኾነ ሕዱር ሕማም ዝነበሮም፡ ኣረጋውያንን ናይ ምጽዋር ዓቕሞም ድኹም ዝጸንሐን 425,869 ሰባት ድማ ብኮቪድ-19 ሞይቶም ኣለዉ።

ዝርገሐ ኮሮናቫይረስ ብምቁጽጻር የእዳውና ደጋጊምና ብማይን ሳምናን ምሕጻብ፡ ኣካላዊ ምርሕሓቅ ምትግባር መሸፈኒ ኣፍን ኣፍንጫን ምጥቃም ካብቲ ቀንዲ ክንገብሮ ዘለና ምዃኑ ሰብ ሞያ ጥዕና ይምዕዱ።

Getty ImagesCopyright: Getty Images

ሎሚ ኣብ ዓባይ ብሪጣንያ 202 ሰባት ብሕማም ኮሮናቫይረስ ተለኺፎም ከምዝሞቱ ጸብጻባት መንግስቲ ሓቢሮም።

ኣብታ ሃገር ቁጽሪ ብኮሮናቫይረስ ዝሞቱ ሰባት እናጎደለ ይኸይድ ከምዘሎ'ውን እቲ ዝተረኽበ ሓበሬታ የረድእ።

BBCCopyright: BBC

Getty ImagesCopyright: Getty Images

ሃገራት ኤውሮጳዊ ሕብረት፡ ኣብ ምሽማት ክታበት ኮሮናቫይረስ ብሓንሳብ ተሓባቢረን ክሰርሓ ፈጻሚ ኣካል እቲ ሕብረት ኣዘኻኺሩ።

ሓላፊት ጥዕና ኤውሮጳዊ ሕብረት ከምዝሓበረቶ፡ እቲ ሕብረት ካብ መንግስታት እተን ኣባላት ሃገራት ምሉእ ደገፍ ከምዘለዎ ድሕሪ ምግላጽ፡ ኣስታት 2.7 ቢልዮን ዶላር ንመግዝኢ መድሃኒት ኮሮናቫይስ ሰሊዑ ከምዘሎ ገሊጻ።

ሃገራት ጀርመን፡ ፈረንሳ፡ ኢጣልያ፡ ከምኡ’ውን ሆላንድ ድሮ ምስ መድሃኒት ዘፍርያ ዘለዋ ኩባንያታት ዝርርብ ጀሚረን ከምዘለዋን፡ እዚ ድማ ነቲ ኤውሮጳዊ ሕብረት ዝወስዶ ዘሎ ተበግሶ ዘድክም ምዃኑ ተሓቢሩ።

ብተወሳኺ፡ እቲ ሕበረት ንኹለን 27 ሃገራት ዘማእከለ ረብሓ ይሰርሕ ምህላው ሓላፊት ጥዕና ናይቲ ሕብረት ስተላ ከርዩደስ ሓቢራ።

ኣብዚ እዋን፡ ኣብ ምዕራብ ትግራይ ኣብ ውሽጢ እቲ ሕብረሰተብ ዘሎ ዝርግሐ እቲ ቫይረስ ንምፍላጥ፡ ገዛ ንገዛ ዳህሳስ ከም ዝጀመረ ቢሮ ጥዕና እቲ ክልል ንቢቢሲ ገሊጹ።

ሎሚ መዓልቲ፡ ኣብ ትግራይ 15 ሓደሽቲ ብኮቪድ-19 ዝተለኸፉ ሰባት ከም ዝተረኸቡ ብመርመራ ክረጋገጽ እንከሎ፡ እቶም 11 ካብ ምዕራብ ትግራይ፡ ማይካድራን ሰቲት ሑመራን እዮም።

ኣብቲ ከባቢ ዘሎ ኩነታት ኣዝዩ ከም ዘስግእ ዝገልጽ ምኽትል ሓላፊ ቦሮ ጥዕና ዶክተር ጸጋይ በርሀ፡ ዝርግሐ እቲ ቫይረስ ንምቁጽጻር ስጉምቲ ዕጽዋ ቅድሚ ምውሳዱ ነዚ ቫይረስ ተቓላዕቲ’ዮም ኣብ ዝበሃሉ ሆቴላት፣ ባንክን ካልኦት ናይ ኣገልግሎት ትካላትን ሓዊሱ ኣብ ውሽጢ እቲ ሕብረተሰብ ዳህሳስን መርመራን ይካየድ ኣሎ ኢሉ።

ዞባ ምዕራብ ትግራይ፡ ምስ ሱዳንን ክልል ኣምሓራን ዘዳውቦ ሰፊሕ ከባቢ ስለ ዘሎ፡ ካብዘን ከባቢታት ስሩዕ ብዘይኮነ መገዲ ዝኣትው ሰባት ብዙሓት ከም ዝኾኑ ዶክተር ጸጋይ ገሊጹ።

እዚ ድማ፡ እቲ ቫይረስ ኣብ ውሽጢ ሕብረሰተብ ልሒኹ ልዑል መልከፍቲ ከይፍጠር ከም ዝስጋእ ብምዝኽኻር፡ ሕብረተሰብ ጥንቃቐ የጉድል ብምህላው፡ ብሰብ ሞያ ዝወሃቡ ምኽርታት መከላኸሊ እዚ ሕማም ከተግብር ኣዘኻኺሩ።

ኣብ ዞባ ምዕራብ ትግራይ፡ ቅድም ኢሉ ሓንቲ ጓል ኣንስተይቲ ብምኽንያት እዚ ቫይረስ ከምዝሞተት ይፍለጥ።

ብሓፈሻ፡ ኣብ ክልል ትግራይ ብዝሒ ብዚ ቫይረስ ዝተትሓዙ ሰባት 107 ክበጽሕ እንከሎ፡ ሸሞንተ ድማ ሓውዮም ኣለው።

Assow 2020Copyright: Assow 2020

BBCCopyright: BBC

ኣብ ትግራይ ኣብ ውሽጢ ዝሓለፉ 24 ስዓታት ምርመራ ላብራቶሪ ካብ ዝተገበረሎም 182 ሰባት ኣብቶም 15 እቲ ቫይረሰ ተረኺብዎ ኣሎ።

እቶም ሰባት ካብ 20-45 ክሊ ዕድመ ከምዝርከቡ ቢሮ ጥዕና'ቲ ክልል ኣፍሊጡ።

"እዞም ቫይረስ ዝተረኸቦም ሰባት 10 ኣብ ማይ ካድራ መወሸቢ ዝነበሩ ፤ 3 ኣብ መወሸቢ ማእኸል መቐለ ዝነበሩ 2 ድማ ኣብ ሰቲት ሑሞራ ኮይኖም እቲ ቫይረስ ምስ ዘለዎ ርክብ ይኹን ጉዕዞ ታሪኽ ዘይነበሮም እዮም" ይብል ቢሮ ጥዕና ትግራይ ብፌስቡክ ዝዘርግሖ ሓበሬታ።

ዛጊድ ኣብ ትግራይ 4,888 ምርመራ ዝተገበረሎም እንትኾኑ 107 ኮሮናቫይረስ ከምዝተረኸቦም እቲ ጸብጻብ የመልክት።

DUNIA MEKONNENCopyright: DUNIA MEKONNEN

ዱንያ መኮነን ነባሪት ኣሜሪካ ኮይና ብዓልቲ ሞያ ሕግን ተጣባቂት ሰብኣዊ መሰላትን እያ። ኣብ ስራሕ ካብ ትዋፍር ጀሚራ ድማ ዝያዳ ንጥሕሰት መሰላት ህጻናትን ደቂ ኣንስትዮን ኣተኩሮ ሂባ ትሰርሕ።

ዱንያ እቲ ንመሰል ደቂ ኣንስተዮ ምጥባቕ ኣብ ኢትዮጵያ እንከላ’ውን ኣብ ማሕበር ሰብ ሞያ ሕጊ ደቂ ኣንስትዮ ኢትዮጵያ ተጠርኒፋ ትሰርሓሉ ነይራ እያ።

ኣብቲ ማሕበር እንከላ ኣብቲ እዋን ንመሰል ደቂ ኣንስትዮ ብዙሕ ቆላሕታ ይውሃቦ ከምዘይነበረ እትዛረብ ዱንያ፡ እቲ ጾታዊ መጥቃዕቲ ልዑል ብምንባሩ እቲ ማሕበር ብሰናይ ተበግስኡ ይሰረሕ ከምዝነበረ ትሕብር።

ምሉእ ዛንታ ንምንባብ - ኮሮናቫይረስ፡ ኣብ ኣሜሪካ ኣብ ልዕሊ ኢትዮጵያውያንን ኤርትራውያንን ዝፍጸም ጾታዊ ጥቕዓት ወሲኹ ተባሂሉ

Getty ImagesCopyright: Getty Images

ማእኸላት መወሸቢ፡ ለብዒ ኮሮናቫይረስ ንምቁጽጻር ብዝብል ዕላማ ከምዝጣየሹ ይፍለጥ።

ኣብ ኔፓል ግን ሰባት በቲ ቫይረስ ዝልከፉሎም ቦታታት ይኾኑ ከምዘለዉ ኮሚሽን ሰብኣዊ መሰላት እታ ሃገር ሓቢሩ።

ኣብታ ሃገር ኣስታት 170,000 ሰባት ኣብ መወሸቢ ማእኸላት ይርከቡ።

መንግስቲ ብመሰረት መምዘኒታት ውድብ ጥዕና ዓለም ነቶም ማእኸላት ክቆጻጸሮም ከምዘይከኣለ እቲ ኮሚሽን ኣብ ዘውጽኦ ጸብጻብ ነቒፉ።

እንተተኻኢሉ ስፍሕ ዝበለ ሓደ ክፍሊ ምስ ቬንትሌተር፣ ሽቓቕን መሕጸብን ብነብሲ ወከፍ ክዳለው፤ ሓበራዊ ክፍሊ እንተኾይኑ ድማ ኣብ ሞንጎ ዓራውቲ ናይ ሓደ ሜትሮ ርሕቐት ክዕቀብ ውድብ ጥዕና ዓለም ይምዕድ።

ኔፓል ኣብዚ ሕዚ እዋን 4,614 ሰባት በቲ ቫይረስ ክተሓዝዋ ከለዉ፡ 14 ድማ ሞይቶም።

ReutersCopyright: Reuters

ኣብ ናይጀርያ ክሳብ መዛዘሚ እዚ ዓመት 39.4 ሚልዮን ሰባት ሸቕሊ ኣልቦ ክኾኑ ከምዝኽእሉ ተገሚቱ።

ቁጠባ እታ ሃገር ብድሕሪ ለበዳ ኮሮናቫይረስ ንምንቕቓሕ ብዝብል ዝቖመ ኮሚቴ ከምዘፍለጦ እቶም ብቑጽሪ ዝተገመቱ ዜጋታት ክሳብ መዛዘሚ 2020 'ዮም ሸቕሊ ኣልቦ ክኾኑ።

ብምኽትል ፕረዚደንት እታ ሃገር ዝምራሕ እቲ ጉጅለ፡ ለበዳ ኮሮናቫይረስ ንምቁጽጻር ብዝብል ዝተነበረ ገደብ ምንቅስቓስ ንዓውዲታት ሕርሻ፣ ቱሪዝምን ኣፍረይቲ ትካላትን ከምዝሃሰየ ኣፍሊጡ።

ነቲ ጸገም ሽቕለት ኣልቦነት ንምፍታሕ ድማ ብዙሓት ሰራሕተኛታት ክቖጽሩ ዝኽእሉ ፕሮጀክትታት ክጅምሩ ምግባር ተመራጺ ከምዝኾነ ሓቢሩ።

ኣብ ናይጀርያ 14 ሽሕን 554 ሰባት ብኮሮናቫይረስ ከምዝተትሓዙ መረዳእታታት የመልክቱ።

Getty ImagesCopyright: Getty Images

ኣብ ህንዲ ብሕሙማት ዝተጨናነቓ ሆስፒታላት ብኮሮናቫይረስ ንዝተትሓዙ ኣይንቕበልን ይብላ ኣለዋ።

ኣብታ ሃገር ብፍላይ እተን ብዝሒ ነበርቲ ዘለውወን ከተማታት ብሕሙማት ኮቪድ-19 ከምዝተጨናነቓ ይግለጽ።

ከተማ ደልሂ ጥራይ ድሕሪ ሽድሽተ ሰሙናት ልዕሊ ፍርቂ ሚልዮን በቲ ቫይረስ ዝሓመሙ ክህልውዋ ከምዝኽእሉ ሰብመዚ እታ ሃገር ኣጠንቂቖም።

ብተመሳሳሊ ኣብ ሙምባይ ቁጽሪ ብኮሮናቫይረስ ዝተትሓዙ ሰባት ካብታ እቲ ቫይረስ ዝፈለመላ ቻይናዊት ከተማ ዉሃን ዛይዱ'ሎ።

ኣብዚ ሕዚ እዋን ሆስፒታላት ሕሙማት ኣይንቕበልን ብምባለን ብዙሓት ሰባት ሕክምና ብዘይምርካቦም ይሞቱ ኣለዉ።

EPACopyright: EPA

ኣብ ዓለም ኣጋጢሙ ዘሎ ለበዳ ኮሮናቫይረስ ብሚልዮናት ንዝቑጸሩ ህጻናት ናብ ሓደጋ ምዝመዛ ጉልበት (ግዱድ ዕዮ ህጻናት) የእትው ከምዘሎ ሕቡራት ሃገራት ኣፍሊጡ።

እዚ ድማ ኣብ ውሽጢ 20 ዓመታት ንፈለማ እዋን ዘጋጠመ ወሰኽ ቁጽሪ ክኸውን ከምዝኽእል ሓቢሩ።

"እቲ ለበዳ ኣብ ኣታዊታት ስድራ ጽልዋ ስለዘሕደረ መብዛሕቲኦም ኣብ ምዝመዛ ጉልበት ህጻናት ክምርኮሱ ይኽእሉ እዮም" ኢሉ ዓለምለኻዊ ውድብ ዕዮ።

ብደረጃ ዓለም ቁጽሪ ኣብ ግዱድ ዕዮ ዝተዋፈሩ ህጻናት ኣብ 2000 ኣቆጻጽራ ኣውሮጳ ካብ 246 ሚልዮን ናብ 152 ሚልዮን ነኪዩ ነይሩ።

ለበዳ ኮሮናቫይረስ ንዓለም ናብ ኣዝዩ ከቢድ ቁጠባዊ ምንቁልቋል ከምዘእትዋ ተንተንቲ ቁጠባ የተንብሁ።

ReutersCopyright: Reuters

ተጣበቕቲ ሰብኣዊ መሰላት ብራዚል፤ መንግስቲ እታ ሃገር ኣብ ምቁጽጻርን ምክልኻልን ኮቪድ-19 ሸለልትነት ኣርእዩ ብምባል ሕርቃኖም ክገልጹ ጀሚሮም።

ነዚ ድማ ኣብ ገማግም ባሕሪ ሪዮ ኮፖካባና 100 መቃብራት ብምስራሕ ነቶም ብኮቪድ 19 ዝሞቱ ልዕሊ 40 ሽሕ ብራዚላውያን ይዝክሩ ኣለዉ።

እንተኾነ እዞም ነዚ ናይ ዝኽሪ መደብ ዘዳለዉ ተጣበቕቲ ሰብኣዊ መሰላት፤ ደገፍቲ ፕረዚደንት ጃየር ቦለሶናሮ ነቲ ንዝኽሪ ዝተተኸለ መስቀል ስለዝመሓውዎ ቁጠዐ ከምዝፈጠረሎም ይሕብሩ።

ምሉእ ዛንታ ንምንባብ - ኣብ ብራዚል ኮሮናቫይረስ ዝፈጥሮ ዘሎ ነቃዕ እናሓደረ ይገፍሕ ኣሎ